الحلقة الـ ( 10 ) من ( لمن يجرؤ فقط ) مع ( Mr. M ! r o ))

[morshooo]

بسم الله الرحمن الرحيم

مزاج الخير

النهاردة معانا ضيف الاعضاء احتارت فيه ^_^

البعض شايفه فيلسوف فى ردودة وأرائه

والبعض الاخر شايف انه فيلسوف مصتنع

ودا طبيعى جدا لان مفيش عضو الجميع بيتفق عليه

زى ما العضو مش متفق على اعضاء معانا فى المنتدى

رغم اننا ممكن نكون شايفينهم من افضل اعضاء المنتدى .

( ودى الفلسفه الحقيقيه )

معانا النهاردة المتيمز /

Mr. M ! r o

فى البداية تعالو نشوف الـ ( 8 )

نقاط الـ اختار منهم ضيفى

حياتى / اعترافات

اعضاء المنتدى / سياسة المنتدى

وجع دماغ / سؤال من مجهول

كلام فى السياسة / صورة وتعليق

تعالو نشوف الحوار :

اهلا بيك يا مورشو واشكرك على استضافتك

واتمنى تكون خفيفه عليك وعلى الجميع

الاختيار الاول

( اعترافات )

اولا :

شايف انك راضى عن حياتك حتى الان وعن تصرفاتك ؟
وايه اكبر غلطه غلطتها فى حياتك ؟

ايا كان اللي صدر مني بمجرد صدوره مني فدا تمام الرضا

لاني انسان ابتديت احسب حاجات كتير بالورقة والقلم

خصوصا في تعاملاتي مع الناس واشباههم

اكبر غلطه بالنسبالى انى سبت المنصورة
واستقريت فى القاهره .. لان بعدى عن المنصورة على عيني
والله ونفسى ارجع اعيش فيها تانى لكن ما باليد حيله
والمرغوب ديما ممنوع او مرفوض ..

ثانيا :

ايه الى اتعلمته فى طفولتك رغم تربيتك فى ملجأ
وصحيح اتكلمنا عن الموضوع دا قبل كدا بس اكيد
فى اعضاء ماتعرفش حاجا زى كدا ؟

وانت بقى صعبان عليك انه فى ناس متعرفش يا مش جايلك نوم
( الله احنا فى منتدى عالمى وكل يوم مش اقل من 7000 مشترك جديد )
لا بجد .. شوف يا سيدي انا اتعلمت الصبر والتكيف مع
اصعب الظروف اللى ممكن تواجهنى وتوجعني

ف نفس الوقت وأى مُناخ اقدر اتعايش معاه ..

الاختيار الثانى

( اعضاء المنتدى )

اولا :

ليه دائما علاقتك بأعضاء المنتدى بيكون فيها خلافات
ودا واضح جدا لجميع الاعضاء والدليل
صفحاتك المكشوفه وطريقه كلامك فيها ؟

رغم ان صياغتك للسؤال ركيكه كمحاور كان الافضل تقول

من غير تعميم بكلمة ديما عن اني مش على وفاق او مبقتش
على وفاق مع (البعض) تعليم مجان بقى نعمل أيه ههههه


لا بجد بغض النظر عن ان الارواح جنود مجنده ممكن نتفق
مع حد ونختلف مع تاني

نفسيا من غير حاجه .. فمابالك لو كان في ( حاجات)
قسوتها فتفاهاتها بصراحه

و انا لو حابب اوجه رساله لحد بعينه بوجهاله من غير
احراج ومن غير لف ودوران لانى محبش التلقيح رغم انى
بستخدمه احيانا
لكن صفحاتى دى بتعبر عنى انا واللى بشوفه من خلال يومى
وفى الفترة الاخيره مفتكرش انى قصدت حد بكلامى غير مرة
او مرتين تقريبا واتحذفوا ..

اما عن علاقتى بالاعضاء والخلافات ..

شوف انا على علاقه باعضاء كتير هنا والحمد لله الناس
بتحبنى وانا بحبهم والاحترام موجود ما بنا ..
لكن الفئه اللى انت بتتكلم عنهم دول تقريبا اربعه او خمسه
..
وليا مواقف او خلافات سابقه معاهم ..
وزى ما قال المثل الشهير
( اللى ع راسه باطحه يحسس عليها )

ثانيا :

هتزعل لو قولتلك انى سمعت انك حاولت تضحك
على بعض اعضاء المنتدى الشباب واخرهم كان مشرف
فى المنتدى ؟ والا كلام بيتسمع زى باقى الكلام الى
بيتقال عن الاعضاء ؟

مانا مش فاهم بضحك عليهم فى ايه بالظبط ؟
قالوا نكت وضحكت مثلا ولا ايه ؟

اما لو تقصد انى اشتغلت حد زى ما فى ناس اشتغلت ناس


فانا عشان واثق فى نفسى ممكن احط صُباعى فى عين اى حد
يقول انى اشتغلته او ضحكت عليه بالمعنى اللى انت تقصده !

ومعروفه يابنى اى اتنين بيكونوا كويسين بيفضلوا يمدحوا فى
بعض والكلام دا ..

لكن بمجرد ما بيحصل خلاف كل واحد بيسىء للتاى قد ما
يقدر واكتر ويطلعه بقى اوحش حد فى الدنيا وانت فاهم الباقى
..

الاختيار الثالث

( وجع دماغ )

اولا :

فى لقاء ليه معاك فى ( راديو بنات مصر )
من حوالى سنه قولت ان خلاص قريب جدا هتعلن
خطوبتك على ( فــرح ) وساعتها قولتلك مش صعب
انكم ترتبطو ببعض بالرغم من انها سعوديه ولحد دلوقتى
مفيش اى جديد ظهر ؟ شايف ان الارتباط بينكم هيتم فعلا ؟


بصراحه يا مورشو ومتزعلش منى ؟

فرح مش حابه اسمها يتذكر فأي برنامج ليك

ونزول عند رغبتها واحترام ليها

مش حذكر أي تفاصيل بخصوص علاقتي بيها لان لو في حد
او ربع حد

واثق انو حيفرح لينا كانت هي اللي اتكلمت في التفاصيل دي
..
( سؤال بس اشاهين يعنى انتو واثقين ان محدش هيفرح
اومال كل مشاركه فى الصفحات بتكتب عنها ليه ^^ )

ثانيا :

مش شايف ان الادارة غلطت لما عينتك مشرف
على ( النقاش ) وبعديها ( صفحات مكشوفه )
والدليل على غلطها انها شالتك من الاشراف
بعد ما غلط فـ ( مشرفه القسم ) ؟

لا معتقدش ان الاداره غلطت .. لانى فى فتره كنت انشط
اعضاء المنتدى وفى كذا مجال ان كان ادبى او عام
وكنت استحق دا عن جداره خصوصا انى من اقدم الاعضاء
..

لكن الغلط كان من عندى انا ومأثبتش استحقاقى بالاشراف
فا تم اقصائى وانا رضيت بدا فى النهايه ..

لان فعلا انا مكنتش على قدر المسئوليه فى موقف او اتنين ..

لكن كنت شايف شغلى كويس جدا ان كان فى النقاش او فى الصفحات ..

بمناسبه قسم النقاش ..

أول تكريم كان على ايدي انا وجبل عالى والحمد لله كنا
متفاهمين جدا فى اداره القسم ومكانش فى ادنى مشكله ..



بمناسبه الصفحات

فا فكره القسم الجديد كانت فكرتى حتى من قبل ما اكون
مشرف عليه وعندك احضان الحبايب وفــرح ممكن تسألهم ..
وكمان كنت طلبت دا من طارق وحنون لما كانت اداريه ..
وكنت طالب انشاء قسم تانى كان اسمه قاعه مشاهير بنات
مصر .. وكنت هعمل الفكره فى قلم الاعضاء لكن كسلت
الحقيقه وكنسلتها ..

وكان فى غيره من مسابقات افضل المشاركات فى موضوع
زى سلسله ( قـــالوا ) اعتقد كان اسمه
مشاعر مكشوفه او حاجه زى كده

,ووالله يوم ما يكون مشرف شايف نفسه البوس

..

الاختيار الرابع

( كلام فى السياسه )

اولا :

شايف الوضع الحالى فى مصر ازاى وشايف ان
جماعه الاخوان كشفت نفسها الفترة الاخيرة ؟

شوف هو الوضع سىء جدا وسط انقسامات الشعب وتعدد
الاحزاب مما اسفر عن الانقسامات دى ..
دا غير ان كل حاجه فى البلد واقفه ومحدش عارف يروح
ولا يجي والشغل يوم ماشى وعشره لا ..
وكل يوم من سى لأسوأ ..
وغير الامن اللى مش موجود وغيره وغيره من اساسات
الدوله واقعه !

اما جماعه الاخوان المسلمون ..

رغم اعتراضى الشديد معاهم

الا انى مش هتكلم عنهم ومش ههاجمهم احتراما للاعضاء
المؤيدين ليهم .. لانى بحب الاعضاء دى وبحترمها ..

فا وجب تقديرهم ..

ثانيا :

ايه رئيك فى لجنه ( الخمسين ) لوضع الدستور الجديد
وشايف مين يستحق يكون رئيس مصر القادم ؟



من وجهة نظرى انه لا ضرورة لوضع دستور يقيد مسار


الدوله فى هذه المرحله الحرجه

ويقيد تعديل القوانين من خلال الطعن بدم دستوريتها

فمهما كان الدستور الذى سيتم انتاجه فا اكيد ستكون به
ثغرات وتضارب !
.
لذا اقترح الاكتفاء ببعض القواعد والمعايير يتم الالتزام بها
ادبيا ..

كما هو معمول به فى بعض الدول

الاختيار الخامس


( صورة وتعليق )


طبعا هتقول رئيكم فى الاعضاء دى
بناء على وجودهم فى المنتدى وهل يستحقو
يكونو فى مناصبهم فى المنتدى والا لا من وجهة نظرك .

" 7oda "

محمود رجع فى وقت كنت انا فى مشكله او اتنين مع اعضاء ..
فا للأسف عرفته فى وقت مش كويس او هو عرف عن نفسه
بأسلووب

مش كويس ..
اما عن كونه يصلح ادارى من عدمه ..
فا من رأيى الشخصى لو وجوده فنى خاص بالسايت ..
فا كان بها
غير كده انا شوفته كام مرة منحاز لطرف عن الآخر ..
ودا مش كويس لأدارى لان الادارى لازم يكون محايد مش
منحاز لطرف عن الآخر

وانا اساسا وجوده بالنسبه ليا فالمنتدى زي وجود القلم
الاحمر في

المدرسه مجرد اداه تصحيح

..
فبعتبره عضو عادى مش شايل منه ولا بحبه ولا بكرهه ..

Lost Pearl

كـ عضوه شايف انها مقبوله من قبل الاعضاء ..
وانا شخصيا كان حصل معاها اكتر من موقف مش كويس ..
لكن انا اعتذرت لما اخطأت .. وهي قبلت اعتذارى ..
وكـ مراقبه .. الى حد ما نشاطها مقبول مقارنه بزمايلها
المراقبين .. زى ماجيك مثلا لانه نشيط برده الى حد ما


وبرضو زيها زي حودا .. منحازه للكثير ..

3 /
countess

كـ عضوة مش شايف ليها اى تواجد ..

وانا كـ عضو عادى جدا .. شايل منها جدا جدا
وهى اعتذرت وانا قبلت اعتذارها .. لكن اكدب لو قلت انى
صافى من نحيتها .. واعتقد هى عارفه السبب ..
كـ مراقبه .. ادام بتراقب على الاعضاء الجُداد
فا مراقبتها جيده الى حد ما

فى النهايه اتمنى ان كلامى ميدايقش حد واكون خفيف عليكم
اشكرك يا مورشو على حوارك الجميل واستضافتك الطيبه ..

بكدا بتخلص ( 10 ) حلقات البرنامج .

انتظرونا الحلقات القادمة

تحياتى

[Mo chahin]

مبدئيا بشكرك يا مورشو مره تانيه ..

وبكرر تمنياتى ان محدش يزعل من كلامى ..

اما عن تعليقك يا مورشو بخصوص موضوع كتابتى عن فرح فى مذكراتى ..

مانا سبق وقلتلك ان دى مذكره .. بكتب فيها كل ما يحلو لى .. ولاحظ كلمه ( مذكراتى )

يعنى خاصه بيا انا وبس ..

منور يا مورشو وتسلم

[احساسى صحيح]

مبدئيا احترم ارائك يا شاهين ولكن لى عتاب اخوى عليك
بما اننا فى منتدى ومكان عائلى ولكن هناك حدود للصراحة
وكما قرأت لك فى مدونتك انك بتحاول تصلح ما فاتك من خصومة مع اعضاء
لا يجب عليك ابدا مهما حدث ,,
وحتى إن كنت فعلا صريح انك تعلن على الملاْ كرهك لعضو بشكل علنى
حتى لو حدث بينكم اى صدام ,, لأن المنتديات تحدث فيها دائما تلك الاختلافات ولكن لا يجب ابدا ان تصل انك تعلن عن كرهك لأى عضو
ولو حتى بداعى إنك صريح ,, فأذا اردت التواصل والاستمرارية فى التعامل
كان وجب عليك التسامح والتصالح لاننا فى الاخر اخوات يجمعنا مكان واحد
وبنتقابل يوميا ,, ربما اى خلاف يستمر فترة ,, ولكن لا يجب ان يستمر للابد .
واحب افكرك بما حدث منك اتجاهى من كلام قاسى على الميل
ورغم كدة انا تناسيت وقلت دى ساعة غضب على الرغم انك الذى اخطأت فى حقى وكان مفروض اللى يحصل العكس ,, ولكنى تناسيت بداعى الاخوة
وعادى اخذت الامور ببساطة وعدت للتعامل معاك تانى ,, لا انكر انى زعلت جدا منك وقتها ,, ولكنى لم اكرهك ابدا بدليل انى تحدثت معاك عادى وضحكنا تانى عادى ,, ف الاخر اذكرك ان دى تقريبا تالت مرة تعلن على الملاْ كرهك
لعضو او اخ ليك فى المنتدى ودة شى يسىء لك قبل ان يسىء للاخريين
لذا انصحك كأخ بالتناسى والعودة للتعامل كأخ لا يحمل ضغينة لأحد .
وعذرا على الاطالة لأن الموقف استدعى ذلك
اشكرك على اجاباتك وواشكر مورشو على الحلقة الجميلة
احترامى لكما

[Mo chahin]

يا اخ ياسر عيد قراءه الموضوع من تانى

لانى معتقدش انى قلت بكره حد .. ويريت تقتبس الجمله اللى انا قلت فيها كده وتوريهانى !!

ولو تفتكر لما انا غلطت فى حقك انا جيت اعتذرت ليك عشان انا غلطت ..

واحب اقولك ان الكويس كويس لنفسه يا ياسر والعكس صحيح

وانت عارف انى بعزك برده ..

موفق

[♥SaRa]

حـلقة جميلة بجد
وصراحة عرفت حاجات عن شاهين
حسيت اني مش معاكي فـ المنتدي من الاساس
ههههههههههه
اية دة يا جودعان مش تفهومنا اية الحكاية
ولا احنا نعد بطيخ كدة يعني
بس بجد نايس حلقة وعرفت عن شاهين كتير
رغم اهني تعاملي معاهـ سطحي ومحصلش رغي بينا :d
والوآضح انة طيب بس لما بيزعل بيقفل جآمد
تسلم آمورشوا علي الحلقة

[انجي_1]

جميل جدا بالتوفيق

[SiLver Spectra]

اقتباس ايه الى اتعلمته فى طفولتك رغم تربيتك فى ملجأ وصحيح اتكلمنا عن الموضوع دا قبل كدا بس اكيد فى اعضاء ماتعرفش حاجا زى كدا ؟ وانت بقى صعبان عليك انه فى ناس متعرفش يا مش جايلك نوم

الحته دي فطستني ضحك
ما ترحم ام الملجأ بتاعه يا مورشو ههههههههههههههه

[morshooo]

اقتباس المشاركة الأصلية كتبت بواسطة silver spectra الحته دي فطستني ضحك ما ترحم ام الملجأ بتاعه يا مورشو ههههههههههههههه

انتا عارف لو بيضايق من السرة دى



























كنت برضو سئلتهوله ^_^
ياعم الراجل اتعلم منه حاجات كتير
ومش عيب يقول ويكلم على الموضوع دا
وانا قولت احنا فى مندى عالمى فيه كل يوم
7000 مشترك جديد ^_^

[حلم عمري]

حلقة جميلة شاهين منور اكيد
عجبتني ارائه واحترمها اكيد
اتمناله التوفيق في حياته دايما
تسلم علي الحلقة مورشو ^^

[Mo chahin]

اقتباس المشاركة الأصلية كتبت بواسطة silver spectra الحته دي فطستني ضحك ما ترحم ام الملجأ بتاعه يا مورشو ههههههههههههههه

ارحمه انت الاول يا عم

منور