دعواتكم ( لمنتخب مصر ) للتأهل لـ ( كاس العالم 2014 )

[morshooo]

بسم الله الرحمن الرحيم



مش عارف ليه متاكد بنسبه 99% اننا اخيرا هنروح

كاس العالم فـ ( البرازيل ) خاصه بعد اعلان مواجهة

( غانا ) فى المباراة الفاصله .

رغم ان فى ناس اتصدمت وقالت ( يبقى خرجنا )

تاكيدى من الوصول لـ ( كاس العالم ) ليه عدة اسباب منها :

عدم مواجهة منتخب عربى ( تونس والجزائر )

خبرة المنتخب المصرى فى مواجهة المنتخبات الافريقيه الكبيرة

رغبه وحماس لاعبى المنتخب الوطنى بقيادة المدير الفنى ( برادلى )

عدم مواجهة فريق صغير لان دائما سبب خروجنا من التصفيات فرق صغيرة

اخيرا ودى اهم حاجا ( توقف النشاط الرياضى )

بقيت احس ان توقف النشاط وشه حلو علينا ^_^

ودا حصل مع النادى ( الاهلى ) فى بطوله ( دورى الابطال الافريقى )

ورغم توقف النشاط الرياضى فى مصر بسبب الاحداث الـ كلنا عارفنها

ولكن قدر انه يحصل على البطوله رغم اقامه المباراة النهائيه فى ( تونس )

عموما مش عايز اطول والتوبيك دا معمول عشان كلنا نتابع الاحداث

والى عندة خبر ينزله من اول النهاردة لحد اواخر ( نوفمبر ) قبل اعلان

تأهل ( منتخب مصر ) لكأس العالم فـ ( البرازيل )

دعواتكم للمنتخب

^_^

( متاكد ان المنتخب هيعملها المرة دى )

مصر x غانا

مباراة الزهاب فـ ( غانا )

احد ايام

( 11 / 15 اكتوبر )

مباراة العودة

احد ايام

( 17 / 18 نوفمبر )

[Mo7aMaD 3aLa2]

هههههههه ومالك متفائل اوى كدة يا احمد

انا بصراحة اتصدمت لما عرفت اننا هنقابل غانا

مايكل إيسيان

وكوادو أسامواه

وكيفن برينس بواتينج

أندريا إيوا

كفاية دول

اسماء تقيلة بصراحة مش سهلة خالص

ربنا يستر

[Mo chahin]

انا كمان متفائل بنسبه ميه فى الميه يا مورشو

وانت يا علاء كل الاسماء دى عندها انذار ومهدده بالايقاف وعدم اللعب فى القاهره فى العوده

ودا الخبر اللى حبيت اضيفه يا مورشو

ان سبع لاعيبه من غانا اللى هما اقوى لاعيبه فيهم عندهم كل واحد انذار ..

واحنا عندنا تلاته بس

ووانا شايف ان منتخب مصر اقوى من غانا رغم ان البلاك ستارز اقوى هجوم ..

وان شاء الله هنعدى المرادى لان الجيل دا من حقه يعتزل وهو فخور بانه قدم حاجه للمنتخب

وكمان عشان تريكه يجيب جون فى كاس العالم عشان نسكت مجدى عب غنى ابن الايه

اللى عمال يحنسنا ويزل فى ابونا عشان الجون اللى جابه فى هولندا هههه

[♥SaRa]

أن شـاء الله هنفوز ومصر ترفع راسها
هههههههههههههههه
انت غريب اوي يا عيلاء ما تسيب الوآحد يحلم شوية
هو حرآم هو كمان ^^
وبعدين اية التشائم دة مصر اكبر من كلكعة الاسماء دي بكتيرررر :d

[Mo chahin]

وخد عندك الخبر دا كمان

الواد البغل اللى زى الطور دا بتاع الترجى مش هيلعب ههههههه

[morshooo]

اقتباس المشاركة الأصلية كتبت بواسطة mo7amad 3ala2 هههههههه ومالك متفائل اوى كدة يا احمد انا بصراحة اتصدمت لما عرفت اننا هنقابل غانا مايكل إيسيان وكوادو أسامواه وكيفن برينس بواتينج أندريا إيوا كفاية دول اسماء تقيلة بصراحة مش سهلة خالص ربنا يستر

ايه يا علاء فى ايه ياعم

انتا بتشجع غانا والا ايه هههههههههه

ماتنساش ان المنتخب كمان فيه نجوم

وزى ما قولت اننا بنعرف نتعامل مع المنتخبات الافريقيه

وان شاء الله هنوصل

[Mo7aMaD 3aLa2]

هههههههههههههههههه ,, محدش نفسة نصعد لـ كاس العالم اكتر منى =))

بس اصل مورشو بيتكلم محسسنى ان احنا هنقابل منتخب بروندى =))

[morshooo]

تصدق بالله لو بروندى

كنت هقلق ههههههههههه

انتا ناسى لما سيراليون طلعتنا ههههه

والله ساعتها كنت اول مرة اسمع عنها الله يمسيك بالخير

يا ( جورج وايا ) ^_^

[الأميرة رودي]

ان شاء الله خير والمنتخب بتاعنا يفرحنا ويوصل لكاس العالم
الشعب محتـاج فرحه

[morshooo]

اقتباس المشاركة الأصلية كتبت بواسطة الأميرة رودي ان شاء الله خير والمنتخب بتاعنا يفرحنا ويوصل لكاس العالم الشعب محتـاج فرحه

اة والنبى ياختى
مفيش زغروطه كدا
عشان الشباب يتحمس ويدعى معانا ^_^