انطلاق مسابقه ( قلب ميت ) للكبار فقط ^_^

[morshooo]

بسم الله الرحمن الرحيم

مزاج الخيرات :d

مسابقه ( قلب ميت )

المسابقه عبارة عن ( 3 مراحل )

المرحله الاولى هيكون معانا فيها ( 8 اعضاء ) ودول الى هيتم تسجيل

دخولهم فى المسابقه بدايه من ( النهاردة ) .

هيتم تقسيم الاعضاء لـ ( 4 مجموعات )

كل ( عضوين ) هيدخولو فى مواجهه وطبعا هيتم خروج الخسران

ولكن .

( العضو الفائز ) هيتم تقديم عرض ليه عبارة عن ايه العرض

وبيكون ايه محدش هيعرف الا وقتها فقط :d

ومن حق العضو الفائز انه يقبل العرض دا او مايقبلوش

ويدخل على المرحله ( الثانيه ) .

( المرحله الثانيه )

هيتم مواجهه الاعضاء ببعض وهيتم خروج عضو واحد فقط

الاعضاء الفائزين هيتم تقديم ( عرض جديد ليهم )

من حقهم يقبلو او يرفضو ويدخولو على المرحله النهائيه

( المرحله النهائيه )

طبعا هيتم تحديد الفائز بالمسابقه عن طريق تقييم اخر موضوعين .

( جوائز المسابقه )

المسابقه فيها ( وسام واحد فقط ) لصاحب المركز الاول

ومعانا 550 مشاركه هيتم توزيعهم خلال المسابقه .

( لجنه التقييم )

هيتم اعتماد لجنه التقييم مع بدايه انطلاق المرحله الاولى

ومع كل مرحله هيتم تغيير اعضاء اللجنه .

( على فكرة :d )

المسابقه مش هتاخد اكتر من 10 ايام فقط

عدد المشتركين هيكون ( 8 اعضاء فقط )

ياريت الـ يشارك يكون ( قلبه ميت ) :d

( اخيرا )

خالى بالك قبل ما تشارك انتا هتدخل على ( 3 مراحل ) وكلهم

تم اختيار المطلوب من الاعضاء يعنى لازم تكون واثق من نفسك .

المشتركين حتى الان

همسه الجوارح

مستر ميرو

جبل عالى

Celina

booody99

Mr.Pride

بحر النسيان


Mohamed Wagih Abboud

[-esraa-]

مش معنى ان قلبك ميت وده شيء معروف في المنتدى تشجع ع كده : ))‏
‏
بالتوفيق للقلوب الميتة‏‏‏'‏‏'‏

[تجملت بالعفآف]

المسابقه دي حلوه اوووي
ونفسي اشارك فيها بس تواجدي مش عارفه ايه نظامه
متابعه بقا الاعضاء وعروووض النداله ههههه

[دمعه حائره]

واضح انها هاتكون مسابقه جميله وفيها منافسه كبيره
بالتوفيق للمشتركين

[morshooo]

اقتباس المشاركة الأصلية كتبت بواسطة -esraa- مش معنى ان قلبك ميت وده شيء معروف في المنتدى تشجع ع كده : ))‏ ‏ بالتوفيق للقلوب الميتة‏‏‏'‏‏'‏

هههههههههههههههههه
لازم نشجع على دا
روحى اشتركى وهاتى سكينه معاكى

[Angel Smile]

مسابقه من نوع ايه يعنى :\
اسئلة مواضيع رعب هههه ؟؟
عمومًا بالتوفيق لل قلوبهم ميتة بقى ^^

[حلم عمري]

انت بتحتفل اننا داخلين المدرسة ولا ايه هههههههه
طب الاعضاء اللي هينافسوا بعض هتكون المنافسة عبارة عن ايه ؟؟
مواضيع يعني ولا اسئلة ولا ايه ؟؟؟
وبالتوفيق لاصحاب القلوب الميتة ^^

[همسه الجوارح]

انا عارفه ان مسبقاتك جامده وصعبه
بس هشارك مش هخسر حاجه
حتى لو مش كسبت
بس ارئف بحال الضعفاء
بالتوفيق

[ياسمينااا]

دايما مسابقاتك مش بتكون واضحه من البداية
بتحب إنت المفاجأت دايما
شكلها كدا مسابقه جميله
والمسابقه بين المشتركين كبيره وصعبه
بالتوفيق للمشتركين بإذن الله
تسلم أحمد ع المجهود

[Mo chahin]

شكلك هترجعنا لايام زمان هههههه

وبما انى مبحبش اجليلك مسابقه

فانا مشترك وامرى لله بقى ههه