( قسم لذوى الاحتياجات الخاصه )

[morshooo]

بسم الله الرحمن الرحيم

طبعا التوبيك باين من عنوانه

انا بقول ان يتم عمل ( قسم جديد ) لــ

( ذوى الاحتياجات الخاصه )

خاصه ان ليهم مواضيع كتيرة جدا

نقدر ننزلها فى المنتدى وليهم مجالات كتيرة

نقدر نلقى الضوء عليها من خلال هذا القسم .

دا غير طبعا ان القسم لو نزلنا فيه حكايات عن شخصيات

رغم اعاقتها ولكن قدرت انها تتغلب على عجزها دا

دا هيبقى دافع كويس لباقى الاعضاء .

فى انتظار أرائكم .

[صاحب سمو]

كل الشكر لك
فكره طيبه

[دمعه حائره]

طبعا النوع ده من المواضيع مهم جدا وبيفيد ناس كتير
وده ممكن يكون فى قسم التنميه البشريه
وفعلا بتنزل مواضيع خاصه للفئه دى فى القسم

[morshooo]

اقتباس المشاركة الأصلية كتبت بواسطة دمعه حائره طبعا النوع ده من المواضيع مهم جدا وبيفيد ناس كتير وده ممكن يكون فى قسم التنميه البشريه وفعلا بتنزل مواضيع خاصه للفئه دى فى القسم

بس اعتقد ان التنميه البشريه

بعيد كل البعد عن

ذوى الاحتياجات الخاصه

التنميه البشريه انتى بتكلمى عن الذات

ذوى الاحتياجات الخاصه بنكلم عن المعاقيين

والاعاقات كتير جدا فى المجتمع والمشكله ان

الفئه دى دائما بيتم تهميشها فى المجتمع

فلو يتم عمل قسم ليهم ونلقى الضوء عليهم

وعلى اعاقتهم يمكن القسم دا يجلب للمنتدى

اعضاء جدد ومش هنخسر حاجا ما احنا ياما جربنا

اقسام منها نجح ومنها فشل وتم حزفه .

[big bốss]

انا رايي من راي منه

المنتدى فكرى يعنى مفيش فرق بين السليم او ذوى الاحتاجات الخاصه

اى موضوع عن الفئه دى ممكن ينزل فى قسم و ممكن يتناقش

عادى مش هيكون فيه اى تقصير عليه

[morshooo]

اقتباس المشاركة الأصلية كتبت بواسطة big bốss انا رايي من راي منه المنتدى فكرى يعنى مفيش فرق بين السليم او ذوى الاحتاجات الخاصه اى موضوع عن الفئه دى ممكن ينزل فى قسم و ممكن يتناقش عادى مش هيكون فيه اى تقصير عليه

دا مين قال ان المنتدى فكرى

لو المنتدى فكرى يبقى نلغى

الاقسام الرياضيه من المنتدى

وبالعكس الناس دى زيهم زينا

ومش عيب لما نعمل قسم خاص بيهم

ونكلم عنهم لكن مثلا هدخل قسم

التنميه البشريه وفى وسط كم المواضيع

واكتب موضوع واحد عن ( ذوى الاحتياجات الخاصه )

وبكدا يبقى احنا بنديهم حقهم اعتقد ماينفعش