مشروع زواج.....؟؟ بقلم مجدي الحفناوي

[مجدي الحفناوي]

اهلا عمي ممكن ادخل خدمه بسيطه ماتكسفنيش

مرحب يابني ده انت تشرف ايه طلباتك ماتخبيش

ممكن يعني قصدي ياعمي بس ...انا عايز لا ده مفيش

مالك ياابني مش علي بعضك قولي بسرعه ماتوطيش

مكسوف منك خايف تتعب قلبي وماتخليش

ارفع وشك جمد قلبك علي الصراحه دايما عيش

صابحه الحلوه جاي اخطبها عايز ايدها يارب تعيش

قدم نفسك في بيناتك مش بالشكل او شعر كنيش

خريج معهد جيد جدا دور ستمبر معفي الجيش

قبل الفاتحه هتاخد صابحه بس الشقه علي الكورنيش

عندي اوضه جنب الروضه ومعاها صاله بس مفيش

بس ياعمي انا عايز صابحه لو علي لقمه وجبنه قريش

اخرس خالص فضها سيره ماتفرسنيش

طيب انا ماشي حرمت احبك ماتجنيش

بقلمي ومن واقع الحياه المزيفه

مجدي الحفناوي

[ويبقى الأثر]

ماشاء الله
رائع
نسجت بحروف عاميه مشكله عصريه
بطريقه هزليه رائعه
تسلم اخى ويدوم تواجدك الجميل
تحياتى وتقييمى ونجومى لرائعتك

[Lamees]

الواقع المؤلم يفرض علينا الهذيان
لغة عامية جميلة وطريقة سرد اجمل

كنت هنا
مع تحياتي وتقديري
وتقييمي

[ابتسامة الزهر]

سرد قصصى جميل عن موضوع
مجتمعى منتشر يعانى منه الكثير
كلمات جميلة سهلة معبرة
تسلم ويدوم النشاط

[جبل عالي]

طرح مميز لقلم واعد وقيم جدا

تمتلك أسلوب سلس ومطاوعة القلم

جعلت الموقف يسرد بكل سلاسة بما فيه من متناقضات

توضح مدى التخبط الذي أصبحنا فيه

تسلم الايادي وبانتظار جديدك

[مجدي الحفناوي]

لي عوده للرد

[ساحر الأحزان]

اية المشاريع دى يا مجدى بس

اسلوبك جميل منك يا مجدى

سهل وبسيط

ننتظر جميل قلمك

[مجدي الحفناوي]

السلام عليكم ورحمه الله وبركاته
تحيه طيبه وبعد
سعادتي لاتوصف بأعجاب الجميع بخاطرتي التي عبرت بها عن واقع الحياه المؤلم في الحياه لكل شاب بسيط او فتاه بسيطه
تعاني او يعاني من تكاليف العاليه التي تسرق دوما المواطن العادي
وتاخذنا في دوامه كبيره لانفوق منها ابدا الا علي العنوسه المفرطه في المجتمع المصري
ومازلنا نحلم بكيان مصر في رفع الاجور هههههههههه حتي يتسني لنا الزواج او حتي اقل شيئ دبله ومحبس للعروس
ومش عارف ان كانت هتوافق ولا هترفض
المهم
اشكركم علي حسن صياعتكم لحروف وكل مااكتبه هنا هو بقلمي وليس بقلم الغير
اخترامي لكم جميعا
كنت هنا
مجدي الحفناوي