الحلقة الثالثة من حوار خاص ومعانا ( morshooo ) ( الجزء الاول )

[عاشق متيم]

بسم الله الرحمن الرحيم النهارده معايا فى حوار خاص ضيف غنى عن التعريف معايا عضو مميز جداااااا و محاور متميز جدااااااااااا معايا مشرف يوميات الأعضاء morshooo البطاقة التعريفيه للعضو اسمى احمد 29 سنه متزوج حياتك 1- جواز مورشو كان عن حب ولا الحب جه بعد الجواز ؟ الاتنين يعنى اكيد لو مش بحبها مكنتش هرتبط بيها ومع الوقت والحياة اكيد الحب بيزيد ودا طبيعى خاصه لما كمان يكون فى اطفال الموضوع بيختلف اكتر . 2- اكتر صفة فيك مش بتحبها ؛ واكتر صفة فيك عاوز تنميها ؟ اكتر حاجا مش بحبها ( الكسل ) اكتر صفه عايز انميها يمكن مفيش حاجا معينه الحمد لله راضى تماما بحياتى وصفاتى . 3- علاقتك باصدقائك وزمايك فى الشغل عامله ازاى ؟ الحمد لله تمام طالما فى علاقه محترمه بينا وبين بعض وصعب الواحد يكون فى مكان بيقضى فيه معظم وقته يكون على خلاف فيه مع حد اعتقد لازم الواحد يكون رايح شغله وهو مبسوط افضل بكتير من انه يروح وهو بيفكر ازاى يقدر يغلط زميله عشان يظهر انه الافضل فى المكان . وهل قطعت علاقك قبل كده باحد اصدقائك ؟ وكان ايه السبب ؟ فى العمل لا لكن فى حياتى اقدر اقولك بحكم الحياة يعنى الواحد خلال فترة الدراسه كان ليه اصدقاء الواحد بيقول مستحيل نتفرق لكن بعد الزواج والحياة الامور بتتغير كلها 4- ليه اطلقت على نفسك عاشق الحياة ؟؟؟ بص انا بحب الحياة جدا وراضى جدا بالى بيحصل معايا فيها سواء ( حزن او فرح او انكسار او ... الخ ) الحمد لله عمرى ما جت عليه فترة ولعنتها دائما بكون راضى بالى ربنا كاتبهولى ودى اهم حاجا فى الحياة . 5- ايه اكتر حاجة ممكن تعصب مورشو؟ لما حد يقلل من مجهودى او من حاجا تعبت فيها . 6- لو كان فى موضوع معين وانت كان ليك رأى وزوجتك كان ليها رأى اخر ومحدش عرف يقنع الاخر برأيه هل هتنفذ رأيك ولا ممكن تيجى على نفسك وتنفذ رأيها ؟؟؟ لو حاجا بخصوص حياتنا اعتقد انى طالما ماقتنعتش يبقى همشى كلامى لان اكيد تفكيرى هيكون مبنى على ظروفى يعنى كل واحد عارف ظروفه كويس . لو حاجا خاصه بالبيت وامور البيت يبقى اكيد كلامها هيتنفذ لانها ادرا بامور البيت اكتر منى . يعنى الحكايه مش حكايه عدم اقتناع بالاراء ولكن كل واحد بيكون تفكيرة افضل من الاخر فى امور معينه . 6- الفترة بعد وفاة والدتك ( رحمها الله ) عدت عليك ازاى ؟؟ اكيد فترة بتكون صعبه وكنت خلاص الدنيا مالهاش اى لزمه بالنسبالى ولكن كنت مقتنع تماما ان هى دى الحياة ومفيش حد هيفضل عايش معاك على طول يمكن حالى اتلغبط فترة والسنه دى منجحتش فى المعهد بس الحمد لله الفترة دى عدت . 7- شعورك بعد ما عرفت ان المدام حامل ؟؟؟؟ اكيد كنت فرحان جدا وشعور جديد ومسئؤليه جديدة الواحد لازم يجهز لها من دلوقتى 8- المولود القادم لو ولد هتسميه ايه ؟؟ ولو بنت هتسميها ايه ؟؟ لو ولد هسميه على اسم والدى ( محمود ) لو بنت بقى فى 3 اسامى تقريبا خلاص هيبقى واحد منهم . ( فيروز ) و ( حنين ) و ( اسيل ) ودا ترتبهم كمان حسب الاولويه وجهة نظر 1-هناك 20 الف حاله اغتصاب وتحرش سنويا ( 12% فقط هم من يبلغون الشرطة ) ؟؟؟ الاغتصاب والتحرش مش بالتعدى فقط ولكن ممكن يكون تحرش بالالفاظ ودا كلنا بنشوفه كل يوم من الشباب . فى نفس الوقت مقدرش اقول الشباب السبب فقط ولكن البنت بيقع عليها خطأ اخر يعنى لما اشوف بنت نازله بملابس ضيقه او حابه انها تظهر حاجا معينه من خلال لبسها ودا كلنا بنشوفه يبقى العيب عليها مش على الشباب فقط يعنى الموضوع فيه غلط على الطرفين 2-ظاهرة الدروس الخصوصيه وهل الطلبه مش هتنجح الا بالدروس الخصوصيه ؟؟؟ عادة ولابد منها اولياء الامور دلوقتى بيدو دروس خصوصيه لولادهم من اولى ابتدائى ويبررو دا ويقولو عشان يطلع متأسس كويس وفى نفس الوقت اولياء الامور معزورين المدارس مبقاش فيها تعليم يعنى لو اعتمد على المدرسه يبقى ولادى هيطلعو والا حاجا والا بيفهمو حاجا فالموضوع مرتبط ببعض ادى للمدرسين مرتب كويس عشان يرضى ضميرة ويشتغل فى المدرسه لكن ادى للمدرس 500 ج ويفضل طول اليوم طالع من فصل لفصل واطلب منه يشرح ويراعى ضميرة الموضوع اكيد صعب انا اعرف مدرسين كتير جدا بيقدمو على اجازات بدون مرتب ويبقى شغلهم كله فى ( سنترات ودروس خصوصيه ) . 3-مع او ضد ان خريج الجامعة اللى مش لاقى اى وظيفة بمؤهله ؛ يشتغل اى حاجة لحد ما يلاقى وظيفة ولا يقعد فى البيت عاطل ؟؟ اديك قولت والا يقعد فى البيت عاطل . غصب عنك هتشتغل اى حاجا ماتنساش احنا مش دوله متقدمه فيها اقتصاد يقدر يبنى مشاريع ويشغل الشباب بشهاداتهم انتا فى دوله فقيرة ( اقتصاديا ) 4- انتشار قنوات الرقص والمصارعة وكثرة الاعلانات عن المنشطات الجنسيه والتخسيس ؟؟ مش من متابعى القنوات دى لانى بجد بقرف منها جدا . اموت واعرف ايه الفايدة من انك تفتح قناة ( رقص ) انا معاك اننا فى دوله واكيد هتلاقى فى ناس بتحب تشوف القنوات دى ولكن ايه الفايدة بجد منها والا حاجا . الاعلانات الجنسيه فحدث بلا حرج 5- تطبيق الحد الادنى من الاجور ( 1200 جنيه ) بدايه من يناير 2014 شايف ان الميزانيه هتسمح ورأيك فى القرار ؟؟ والله انا اكيد مع القرار بس ليه سؤال ياترى مين المستفيد بالقرار دا يعنى لو تم تطبيقه خلاص مشاكلنا اتحلت اتا تعبان اصلا اقتصاديا والفائض بتاعك مش هيكفيك انتا دلوقتى بتشحت من هنا وهنا لكن . اكيد انا مع القرار واتمنى تنفيذة . اوتوجراف خاص الوالدة ( رحمها الله ) ( ربنا يرحمك ) واتمنى تكونى مبسوطه بينا لانك اكيد شايفه تربيتك طلعت ازاى واكيد جاينلك جاينلك المدام طبعا فى البدايه تقومى بالسلامه من الحمل وان شاء الله ربنا يكرم ونكون مع بعض على طول وبكده يكون انتهى الجزء اول من حوارى مع المتألق مورشو انتظروا الجزء الثانى من الحوار دمتم فى امان الله

[جبل عالي]

لقاء مميز عاشق وقيم جدا

استطعت ان تقترب من إنسانيات مورشو

حوار رائع وضيف ومضيف لايختلف عليهم إثنان

دمتم بكل الخير

[ساحر الأحزان]

حوار شكلة كدة هادىء عاشق

ومرشو جاوب وهو فى لحظات رومانسية

بيفكر فى الضيف القادم لية وبيقول يا ترى

يا حبيبى حتوصل أمتى

منتظرين الجزء التانى عاشق

مع مرشو

موفقين

[™Amiliya]

لقاء جميل فعلا ومميز
ربناي قوم مدام حضرتك بالف خير
ويرحم والدتك ويسكنها فسيح جناته

[CAN _ 7LM]

حوار جميل مع ضيف متألق
واسئله مميزه واجابات صريحه
فى انتظار الجزء الثانى.

[دمعه حائره]

حوار جميل ومختلف عن اى حوار اتعمل مع مروشو
عرفنا حاجات كتير عنه ربنا يسعده فى حياته ويرزقه الزريه الصالحه
نورت يااحمد
وشكرا عاشق مجهود وتميز مستمر

[morshooo]

اقتباس المشاركة الأصلية كتبت بواسطة جبل عالى لقاء مميز عاشق وقيم جدا استطعت ان تقترب من إنسانيات مورشو حوار رائع وضيف ومضيف لايختلف عليهم إثنان دمتم بكل الخير

اهلا جبل هانم
نورتى التوبيك
وسعيد بمرورك

[morshooo]

اقتباس المشاركة الأصلية كتبت بواسطة ساحر الأحزان حوار شكلة كدة هادىء عاشق ومرشو جاوب وهو فى لحظات رومانسية بيفكر فى الضيف القادم لية وبيقول يا ترى يا حبيبى حتوصل أمتى منتظرين الجزء التانى عاشق مع مرشو موفقين

عم الحاج ساحر
شوفتنى وانا رومنسى ^_^
بكون عثل انا عارف
منور يا امجد وسعيد بمرورك

[morshooo]

اقتباس المشاركة الأصلية كتبت بواسطة رائحة القهوة لقاء جميل فعلا ومميز ربناي قوم مدام حضرتك بالف خير ويرحم والدتك ويسكنها فسيح جناته

اهلا بيكى نورتى التوبيك
وسعيد بمرورك الطيب
اتمنالك التوفيق

[morshooo]

اقتباس المشاركة الأصلية كتبت بواسطة white flower حوار جميل مع ضيف متألق واسئله مميزه واجابات صريحه فى انتظار الجزء الثانى.

اشكرك على المرور
واتمنى الحلقه تكون عجبتك
تحياتى