فى بُعدك عني

[دمعه حائره]

فى بُعدك عني
*******************

ومهما يطول... بُعدك عنى

هافضل كده ..على طول مستنى

ياتطمنى,,, وتيجى تقولى

أنا هافضل احبك طول عمرى

ياتخليك فى عنادك ...ماشي

قلبك قاسي ,,وطبعك ناسي

وان قربت أنا منك ...خطوة

تبعد فجأه ,,وكده على سهوة

تعدى أيام,, ولافيش فايدة

متشعلق فى حبالي الدايبة

بس ياقلبى هاتعمل إيه؟

وآخرة صبرك كل ده إيه؟

فاكر أنه هايجى,, ويُصدق

لسه بتحلم,,, لسه مصدق

عمرى بيجرى ,,وبستناه

صابر على هجره ,,وقساه

ومهما يطول... بُعدك عنى

هافضل كده ...على طول مستنى

بقلمى دمعه حائره
24-9-2013

[Aya 7ekaya]

بجد رووعه ي منه اسلوبك لذيذ جداا
تسلم ايدك

[™Amiliya]

الانتظار في الحب هو السعادة

سلم قلبك وبوحك

[أتعبنى الفراق]

يسعد القلب الطيب الذى نبض

بحس صادق ومشاعر رقيقة

دمعة مميزه جدا وراقت لى كلماتك

واسلوب الراقى مودتى وتقييمى

[امواج الحزن]

غاية في الروعة

سلمت اناملك

لك ودي واحترامي

[كوين ميرو]

كلمات جميله جدا ياقمرايه

تسلم ايدك يامنه

فى انتظار جديدك

ودى

[ويبقى الأثر]

ماشاء الله دمعه
عاميه غنائيه جميله جداََ محسوسه
تسلمى ويسلم قلمك
تقييمى ووسام التميز

[ابتسامة الزهر]

كلمات عامية جميلة
موسيقية النغمات
ابدعتى دمعة فى الحروف
الصادقة المشاعر
تقديرى لك

[ساحر الأحزان]

كم جميل هو الاشتياق

برغم البعاد ألا أنة القلب ما زال ينتظرة

ويترقب عودتة بكل شوق وتلهف

ليقول لة قرب منى

كفاك ما فات

فانة لا يفيد البعاد فنحن على طول احباب

كلمات عامية جميلة يا منة

هلى بقى بباقى عاميتك

[جبل عالي]

اسلوب جديد دمعه فى الكتابة

رغم انه بسيط وبلغة سهلة

إلا ان التميز فيه صعب وهنا

كانت الموسيقى والجرس متوافقين

لك كل التمني بمزيد من التألق

تحيتي وتقديري