الحلقة التالتة من برنامج بكل صرآحة ومعانا beauty angel

[Loyalty]

السلآم عليكم النهارة معانا عضوة من آبسط وآنقى واطيب الناس الا قابلتهم هنا مش مجاملة والله بس بجد تركيبه كدا رهيبه بجد معانا beauty angel الحلقة الجاية ان شاء الله هينزل اسماء الاعضاء المكرمين فى البرنامج دا واكتر ناس متابعة ليه نششوف الاجابات بقى 1/ كم وزنك ؟ أنا بأمانة مش أتوزنت من زمان بس بصى انا بلعب ف range من 63 : 65 كيلوو 2/ رآضية عن وزنك ؟ الحمد لله آهـ وساعات ممكن أحس أنى المفروض أخس أربعة ولا خمسة كيلو كدا ولا حاجة ) 3/ اية اكتر الاكلات الا بتحبيها ؟ الفراخ البانية والمكرونة بالبشاميل والبيتزا 4/ اية الاكلات الا بتعرفى تطبخيها ؟ الفراخ المقرمشة والفراخ بالكارى والبطاطس والمكرونة بالبشاميل والخضار بقي بأنواعه 5/ اية اكتر اكله بتعرفى تعمليها واية اكتر اكلة مبتعرفيش تعمليها ؟ أكتر اكلة بعرف أعملها الفراخ المقرمشة اكتر اكلة مش بعرف اعملها المحشي لفه صعب آوى ههههه 6/ امتة اول مرة دخلتى المطبخ ؟ انا بدخل مع ماما بحب اقف معاها بس مش من زمان اوى 7/ مامتك كانت بتحب انك تدخلى المطبخ وانتى صغيرة والا كانت بتمنعك ؟ عادى أدخل معاها اهـ بس لو لبخت فى حاجة بتتنرفز بسرعه 8/ احكى لنا موقف محرج حصلك فى الاكل ؟ هههههههه بصي أول ماشفت السؤال ضحكت فكرتنى بموقف لطيف الحقيقة كنت بعمل سمك مقلى المفروض طبعا قبل مابتحط فى الزيت يتعمل بالدقيق الاول المهم انا نسيت خطوة الدقيق دى وحطيته فى الزيت على طول ماما كانت بتصلى خلصت صلاة وجت تشوف انا عملت ايه ومقوليكش بقي الى حصل عينك ماتشوف الا النور 9/ حرقتى اكل او عملتى اكل واترمى قبل كدا ؟ ممكن الرز شاط منى كام مرة فى الاول لكن خلاص اتعلمنا بقي ^^ 10/ قوللنا طريقة عمل الاكلة المفضلة بالنسبالك بكل حذافيرها الاكلة المفضلة الفراح المقرمشة وخدى بالك انا بقعد أفتكس فى الأكل على فكرة الطريقة بقي : 1- الفرخة بتتقطع أربع قطع أو ثمانية براحتكوا يعنى ^^ وبعدين احطها فى التبيلة بتاعتها ( 1 بصلة مفرومة أو مبشورة - طماطمية مبشورة بردو - ملح -فلفل أسمر -تبيلة فراخ دى بتبقي جاهزة - وكل البهارات الى تتخيلها -كارى - اعصرى ليمون - شوية خل - وممكن تضيفى واحدة زبادى لو عاوزة أو لبن رايب ) 2- المفروض الفراخ تفضل فى التتبيلة مدة كبيرة لو من قبلها بيوم ياريت أو لو فى نفس اليوم يبقي قبلها مثلا بـ 3 ساعات ف التلاجة ) 3-وبعدين تحطيها بالتتبيلة بتاعتها على النار علشان تستوى لما تستوى وتنشف خالص تطفى عليها 4- ممكن على فكرة تدخل الفرن كدا تتحمر او تتشوى ع الشواية بتبقي جميلة بردو لكن علشان تبقي مقرمشة كان شيف عملها كدا فى الـ TV وعجبتنى الطريقة هنحط كل قطعة لوحدها ف ( الاول دقيق وبعدين مية ساقعه الشيف علاء كان عملها كدا بس الخطوة دى ممكن نستغنى عنها عادى ,, وبعدين نحطها ف بيضة وعليها معلقة لبن + و بقسماط أو كورن فلكس مطحون +فيجتار حار ) لحد ما تتبل فيهم كويس 5-نكون مجهزين زيت غزير ولازم يبقي سخن جدا وبعدين نحمر فيه قطع الفراخ وبس هتتطلع مقرمشة وجميلة ان شاء الله 11/ بتحبى الاكلات المصرية والا اكل سورى او سعودى او غير كدا ؟ بحب أكيد الاكل المصرى وانا مجربتش من السعودى الا الكبسة وبحبها وفى السورى الكبة دول الى اعرفهم 12/ اية المتطلبات الا لازم تكون موجودة فى مطبخك ؟ عادى يعنى الاجهزة الاساسية والخضراوات مثلا الى بتدخل ف كل اكله بس ياريت المطبخ يكون واسع ده المهم بيعطى راحة نفسية كدا 13/ مين الا علملتك الاكل مامتك والا من الكتب ؟ ماما طبعا ربنآ يعطيها الصحة وكمان برامج الطبخ الوقتى مش مأثرة بصراحة بنستفيد وبنتعلم منهم كتير وبسسس

[زهره الشتاء]

حلقه جميله اوى
وضيفه فعلا راقيه واخلاق عاليه
والاجابات جامده بالرز ال شاط
تسسلمى ي جميل ع الاختيار
دمتم بخير

[۩۩ elMagic ۩۩]

ايوه انا عايز المقرمشه دي مليش دعوه
حلقه مميزه مع شخصيه جميله زي يويو
منوره طبعاً وماشاء الله واضح إنك شطوره اهون
تسلمي لمجهودكـ
مودتــــــى ,,

[احساسى صحيح]

لا طلعتى طباخة ممتازة
وكمان فى المقمرش
اموت فية انا
حلقة حلوة مع ضيفة رقيقة
شكرا جزيلا
تحياتى

[دمعه حائره]

ههههه
غلطه السمك دى اغلبنا عملها واحنا بنتعلم
نورتى الحلقه ايوش وشكلك شطوره فى المطبخ

[Loyalty]

عاوزة اقولك ان موضوع السمك دا لسسة شايفاه لسسة عاملة الحركة دى فى رمضان ماما قالتلى اقلى سمك عقبال ما اصلى نسيت احطه فى دقيق وانا فرفت السمك خالص ماما حطت علية دقيق وهو فى الزيت وطلعتنى برا ^^

[Caramilla]

حلقه جميله مع ضيفه زي العسل
ودمها خفيف جدا
تسلمي يا قمر
مستنين حلقات تانيه كمان جميله

[нαиαи]

استضافه جميله
منوره يا حنون ^^

[SiLver Spectra]

كويس اهو لسه في بنات بتعرف تطبخ لحسن الفيس دا بوظهم )

منورة يا آية

[نور ونار]

حلقه جميله
بس انا جوعت مافيش
اى حاجه كده فى التوبك تصبيره ههههههههه
نايس روح جميله
تسلمى على المجهود جيرل
تحيتى