حلقه جديدة من ( لــــــو ) مع ( Ro♥ony )

[morshooo]

بسم الله الرحمن الرحيم

اهلا بيكم جميعا

وحلقه جديدة من برنامجكم

( لــــــــــــو )

طبعا تقريبا ناس كتير عارفه نظام البرنامج

بيتم استضافه عضو وببيتحط فى ( 10 مواقف )

ومطلوب منه يقولنا ياترى

( لـــــــــــو )

حصلت معاة فعلا المواقف دى هيعمل ايه .

ضيفه حلقه النهاردة المتميزة /

Ro♥ony



المواقف الخاصه بالمنتدى :

( لــــــــو )

1 / لقيتى رساله خاصه من عضو وبيقولك انا اعرفك كويس
حتى ساكنه فى المكان الفلانى وفعلا طلعتى ساكنه
فى المكان دا ؟ هتعملى ايه ؟

يبقى اكيد حد يعرفني او يعرف حد يعرفني
وقتها هنكر واشوف هو هيقول ايه عشان افقسه واعرف هو مين
ولو كان بيشتغلني بقى وجات معاه صدفه هكرهه في نفسه
وفي اليوم اللي فكر يلعب معايا فيه ^_^

( لية يعنى انتى مين مستره اكس حضرتك هتكرهيه فى نفسه )

2 / دخلتى توبيك ورديتى لقيتى صاحب التوبيك
اخد اقتباس لكل الاعضاء وانتى رد عليكى بــ
( ؟؟؟؟؟؟ ) ؟ هتعملى ايه ؟

انا ولا يهمني انا لما بنزل توبيك مش بهتم بطريقة الرد اوي
رغم ان الردود والاهتمام بيسعدني طبعاً بس بصراحة هحاول
احرجه
وارد دايما على التوبيكات الخاصة بيه عشان احرجه وعشان
اعرف كمان
هو قصده من الحركة دي ايه يعني من الآخر هستفزه

( لا دا لما يحصل وتفضلى تردى على مواضيعه مش هتستفزيه كدا هتبقى انتى رخمه حضرتك )

3 / نزلتى توبيك وعملتيه بمجهودك او بقلمك
ولقيتى مشرف القسم حزفه وقالك دا ( مكرر ) ؟

يثبتلي الأول انه مكرر وبعدين يحذفه ولو بقى معرفش
يثبت وقعته طين معايا
هو انا هسكت ده يبقى اسمها انكار للجهود او غيرة يمكن
وقتها هبعت للادارة
وهي بقى تجيلي حقي وينزلوا التوبيك في مكانه والمشرف
بقى يخبط دماغه
مش هو اللي ابتدى .

( الله الله على الطين الى قولتيه عموما الشتاء داخل خلاص والطين هيبقى للركب )

4 / بتكلمى عضوة بقالك فترة وطلبت منك الميل
ولما كلمتيها ميل بعد فترة عرفتى انه ولد ^^ ؟
هتتصرفى ازاى ؟

بطبيعتي مش بحب افتح الميل ومش عندي فيه ولا صديق
ولا ولد ولا بنت
بس لو ده حصل هحذفه خالص بس هحس اني عبيطة اوي
وطبعا لازم اديله كلمتين في
جنابه هو انا هيضحك عليا واسكت

( مش بتحبى الميل ومفيش عليه والا ولد والا بنت دا انتى عملاة رخامه بقى )

5 / جيتى تدخلى المنتدى لقيتى نفسك واخدة حظر
والسبب ( عدم احترام الاخرين ) ؟ هتعملى ايه ؟

هحاول اوصل للادارة واشوف انا عملت ايه ولو كان بسبب
رد او تصرف غير مقصود مني هعتذر على الفور ولكن
لو مقصود اكيد
هيكون رد فعل لتصرفاتهم وقتها ممكن اشرح انا عملت كده ليه
وبطبيعتي انا مش بحب اني اتعرض للمواقف دي
ولما حصلت معايا مرة لجأت للمدير وهو جابلي حقي واعتذرلي
على فكرة الكلام ده مش هنا عشان محدش يفكر في حاجة

المواقف الخاصه بحياتك الشخصيه

( لـــــــــو )

1 / وانتى نايمه بليل صحيتى عشان تشربى وملقتيش
حد فى الشقه خالص وكلهم مش موجودين وموبيلاتهم
سايبنهم فى البيت ؟ هتعملى ايه ؟

اكيد هقلق اوي وهحاول اتصل بأهالينا على التليفونات الأرضية
ولو موصلتش لحاجة ممكن استني بقى لحد ما ربنا يفرجها واعرف
ولو معرفتش برضه هخاف واحس ان الموضوع مش طبيعي
ممكن اتصل بحد يتصرف معايا مهو انا مش هعرف اتصرف
لوحدي

( على جميع شباب المنتدى ترك ارقام موبيلاتهم عشان قالت ممكن اتصل بحد يتصرف واحنا طبعا شباب بيعرف يتصرف )

2 / خارجه انتى وخطيبك وفجاة لقيتى بنت جايه
وبتقوله ( هى دى الى سبتنى عشانها ) ^_^ ؟
هتعملى ايه ؟

هي والله حصلت بس مش بالشكل ده
بس هي كانت اصلاً صاحبتي وبترسم عليه
ولما لقيته نفضلها وشافته معايا قاطعتني
وانا عشان افرسها قويت علاقتي بيها
اهو رخامة بقى هههههههه

( يعنى هى قاطعتك وانتى قويتى علاقتك بيها قادر على كل شيىء رخمه رخمه يعنى )

3 / لقيتى رقم عمال يضايقك ويتصل بيكى وبيقولك
انتى بتروحى وبتجيى وعارف كل تحركاتك ؟ هتتصرفى
معاة ازاى ؟

اه تقصد رقم مجهول انا اصلا بتخنق بسرعة
بس عارف تصرفاتي يبقى اكيد معرفة او قريبي
او جارنا وقتها هبحث عن الرقم واحاول اعرف هو مين
واقول لاهلي لو عرفته ووقعته بقى عينكم ما تشوف غير النور



4 / ماشية فى شارع وكله تمام ودخلتى محل
وفجاة لقيتى الناس عماله تقفل وتجرى فى الشارع
مع ان مفيش اى حاجا قدامك ^^ ؟ هتعملى ايه ؟

هجري معاهم ههههههههههههه
مهو اكيد في حاجة مخوفاهم ولا هيجروا ليه بقى



5 / لو خطيبك قاعد عندكم فى البيت وقاعدين عادى
جدا وفجاة ظهرلكم ( فأر ) وقعد جنبك ؟ هتعملى ايه ؟
وصحيح هو هيلحق يقعد جنبك اصلا ^_^ .

هناك فأر سوف تكون حرب سوف نهجم عليه ههههههههههه
هسيبه بقى للسبع اللي قاعد يوريني شطارته وازاي هيقتله
يا حرام والله صعبان عليا الفار

( السبع ساعتها هيتحول لخفاش فى الشقه هيخبط فى النجف والحيطان لما يشوفه )

وبكدا بتخلص حلقه النهاردة

انتظرونى وضيف جديد

الحلقه القادمه

تحياتى

morshooo

[توحد ارواح]

ههههههه يااااه
بجد مش بطلت ضحك
رونى دمها زى العسل واجاباتها عفويه وتلقائيه جدااااا
الاسئله تحفه وجميله
شكرا جداااا ع الحوار و الاستضافه الرائعه
دمتم بخير وسعاده

[مِسكُ الشَهادة]

حوار جميل جدا ً وشيق مع أختنا الكريمة
وبرنامج مميز وذات طابع خاص
أخي الغالي أحمد دام جهدك وعطاءك المميز
ولك ولضيفتك الكريمة كل تقدير
دمتم بالف خير

[حافظة القرآن]

ههههههه
حلوة الحلقة اوى
الضيفة اجاباتها عسل
والاسئلة جميلة
تسلموا
فى انتظار الجديد

[طبيب الهوى]

حلوة الحلقة يا مورشو


إدارتك للأسئلة وتعقيبك يؤكدون أنك مِحاور قوي ومتمكن


أسئلة جميلة ورد عفوي وتلقائي من أبنتي روني


بسم الله ما شاء الله عليكِ أبنتي


شخصية قوية مثقفة سريعة البديهة وهذا واضح من ردودك


الله يحفظك من كل سوء وشر آمين


ميرسي يا موروشو لدعوتك لهذا الحوار القيم والراقي



تحياتي وودي وورودي



أبو عصام

[Mo7aMaD 3aLa2]

ههههههههههههههه حلوة الاجابات

فيها بلطجة كدة وشراسة =))

..

[نور ونار]

الحلقه تحفه
والاجابات جميله جدا
والتعليقات كمان
بجد رهيبه
رونى شخصيه مرحه
واجابتها كمان
تحيتى وتقيمى ^^

[beauty angel]

هههههههههه
حلقة جميلة ورونى عسسل ماشاء الله
اجاباتها عفوية جدا ودمها خفيف
باين عليها ماشاء الله بنوتة جدعة
( السبع ساعتها هيتحول لخفاش فى الشقه هيخبط فى النجف والحيطان لما يشوفه )
ههههههههه مهو اى حد مكانه هيتحول لخفاش ولا لنحلة حتى
ده فار يامورشو فار
تعليقاتك بجد تموت من الضحك
حلقة جميلة نورتى يارونى
تسلم مورشدى ,,

[حَرفُُ هجآءّ]

رونى مفترية واضح من ردودك
بس حلقة جميله
وبرنامج حلو
منورة رونى
تسلم مورشوووو

[✿ Celiηα]

اقتباس ( على جميع شباب المنتدى ترك ارقام موبيلاتهم عشان قالت ممكن اتصل بحد يتصرف واحنا طبعا شباب بيعرف يتصرف )

اصحاب واجب اوي ههههههههه :d
حلقة جميلة مورشو تسلم