البنت المصرية إهداء لأختي السفيرة عزيزة

[طبيب الهوى]

قصيدة البِنتْ المَصرية إهداء لأختي السفيرة عزيزة

للبَنا أُمنية

سُلطة سيادية

تَقَرَب للإنجليزية

والخاصة المَلَكية

بِلِعبَة وأُحجية

زَي السوفسطائية

بأقنِعة تَشكيلية

وألعاب لَفظية

كُلَها تناقُضية

بألسِنة بَبَغاوية

الفِكرَة دَموية

لِجَمعية خَيرية

الباطِن صَهيونية

والظاهِر إسلامية

قالوا شيوعية

وكمان رأسمالية

بئِت علمانية

وشوية ليبرالية

جماعة تَكفيرية

يقولوا جهادية

هاخليها مَنسية

للزوال أبدية

عُمر الوطنية

تِتسَمىَ إرهابية

البِنت المَصرية

لِوَطَنها أساسية

بِنقابِها مَحمية

بِحجابِها مَرضية

أما الأخوانجية

عقولهم مَلغية

قادة نازية

بأفكار فاشية

لشباب جامعية

مَغسول العقلية

يقولوا إنقلابية

ضد الشرعية

الشرعية مَنسية

بِثَورة شَعبية

حكومة إنتقالية

لِدولة مَدنية

بَمِدلُكُم إيدَيا

نِرَجع الأخوية


هذيان قلمي المجنون


أبو عصام

[رووكه]

كلمات رائعه

وليس بجدبد عليك اخى الفاضل

فآنت من تملك قلم ذهبى

توصل لنا كل شئ بسلاسه

فابدعت وهنئيا لى اختى الغاليه

السفيره عزيزه

كل الشكر والتقدير لكما

دعواتى

[ويبقى الأثر]

قصيده عاميه راقيه
والدى الكريم
استخدمت فيها الشطر ذات الكلمتين
وهذا يدل على مدى قوة وبلاغة قلمك الرائع

مضموناََ
كلنا مسلمون هدفنا واحد النهوض بمصر وعزها
البنت المصريه زى ماحجابها عزها أيضاََ فكرها وعلمها تاجها

السفيره عزيزه اخت كريمه تستاهل كل خير
دومت بتوفيق من الله

تقييمى ونجومى

[احساسى صحيح]

بصراحة اخى ابو عصام
انا مش فاهم الربط بين اختنا السفيرة عزيزة وما كتبت هنا ؟
احتاج لتوضيح حتى استطيع الرد
لك الحق فى كتابة ما تشاء
وهى تلك الحرية التى نريدها لنا جميعا فى احترام كل الاراء
ولكنى فى انتظار توضيحك
لك كل الاحترام

[السفيره عزيزه]

بسم الله الرحمن الرحيم

يا أخوتى وأهلى وأصحابى
مصريه انا ومفتوح بابي

لكل وطنى وطنيه ومغرم بحب
الحلوه ديه

بكل فرعها المزروعه وكل
أغصنها المنزوعه
ولا تبقى الفرحه ممنوعه على
حتى الاخوانجيه
اذى افرح واعيش واخوتى وخدين
تهميش دا حتى يا سيدى مجيش

وكمان عوزنى اطلع رحله ويقول
البت دى مش دخله اصلها اخونجيه
طب حد يرد عليه.انا كده ابقى مصريه

طيب انا مش هحلف .مصدقين
الواد احمد وامين كانوا يا عين مشيين
وطلعلهم البلطجيه. وصرخت بأعلى
صوتى له كده يا شويش عبد العاطى
راح قال. دول أخوانيه

امهم نادت عليه ضيعين اولاد ليه
مشفتهمش وانتى جيه

طب بالله أألها ايه .خدهم الشويش
ليه علشان ربعاويه

فى الاذاعه المدرسيه وكده على
الصبحيه قللها تسلم اديه .رفعت
ربعاويه اخدوها البلوسيه

اشمعنا الحريه تتحرم منها هى
وانا شيفه بعنيه .دا يبئا عار عليه
لو اسكت مدام مصريه


لابد لكل افراد هذا الوطن الحريه
لا للتفرقه فى التعامل
لا لشيطنة احد من ابناء
وطنى.كلنا مصريون
ولن يقصى منا احد
ما حيينا
كل الشكر لك اخى المبدع
لا عدمناك ابدا
ودمت بكل الخير
اختك المصريه

[الأميرة رودي]

ما حلآها البنت المصريه
علمانيه ..اخوانجيه و نصرانيه
كلنا تحت سماها بنادي بس عاوزبن حريه )

كلمات رائعه معبـره رسمها قلم مبدع
تسلم الايادي مبدعنا الراقي

[Lamees]

ومن اين جاء هذا التفريق
اخوانجية وبنت عادية
كلنا واحد حتى تشوف
في البطاقة الجنسية مصرية
طب هتعرفهم وتفرقهم ازاي
ولا كل منقبة هتقولوا عليها ارهابية
فين يا جماعة الحرية في بلدي
ولا افكاري لازم تكون مستخبية
ولو قلتها يعني اتسجن ولا اتنفي
وفي الاخر تقولوا ديمقراطية
ازاي وانا حقي راح
وفي الاخر تقولو يحيا الحرية


مجرد تعبير عن الرأي ولا انا اخوانية ولا منقبة
بس مش عاجبني التفريق بينا في بلد واحدة

رائع طبيب الهوى عبرت عن ما يحدث تماماً
كل الود والاحترام لشخصك

[كريم عاصم]

إهداء راقي وطيب والأجمل إنه للأخت المهذبه والخلوقة
السفيرة عزيزة
كلمة حق وشهادة
منذ دخولي المنتدي .. أري كتابات الأخت السفيرة عزيزة
وردودها كإنها بتحلل القصيدة في النقد
وبتشرحها شرح تفصيلى
والأروع اننا لا نسمع لا حس .. في حالها
مجهودها محدش يحس بية لانها تتعامل بحكمة في كل المواضيع
إنسانة مهذبه وخلوقة جدا ... ربنا يباركلها
الأخ الغالى وصديقي العزيز
طبيب الهوي
حقيقى ديما بتفاجأنا بأشياء رائعة وجميلة
والأروع تنسيقك للقافية
وإهدائك لجميع الزملاء هذا يدل على صفاء قلبك
وحسن نيتك
دوما نتعلم منك الحكم والمواعظ ودوما أنت كما أنت
تسير على منهج الإستقامة والمباديء والقيم الإيمانية
وان كانت روحانية فهى من نبع ذاتك
ألف تحية
كريم عاصم

[العاشق الذى لم يتب]

اخويااغالى وشاعرنا الكبير
ابوعصام
حينماتهدى
تكون هداياك در منثور
فماأجمل عطاياك
وجليل وكريم أنت
وتلك التى اهديت هى كذلك
بارك االله فيك
تقب تحياتى وودى

[طبيب الهوى]

إخواني وأخواتي & أبنائي وبناتي


ستقوم أختي العزيزة السفيرة عزيزة


بالرد على ردودك القيمة والراقية مثلكم


وأنا أستأذنتها أن أقوم بالتوضيح الذي طلبه أخي ياسر



تحياتي وودي وورودي



أبو عصام