يا جماعه ممكن تساعدونى

السلام عليكم ورحمه الله وبركاته انا ابو كريم من القاهره

بصراحه انا دخلت هنا لقيت مسموح اننا نفضفض مع بعض انا اولا 28 سنه

عندى عصام وكريم تؤم عمرهم 3 سنين المشكله انى مش قادر اتاعمل معاهم

المشكله عندى فى كريم عصام بقدر عليه شويه

كريم دا لما تولد على طول عياط مبيسكتش وعنيد عناد الدنيا والاخره وانا غصبتو اوضربتو يجيلو تشنج عصبى يوقف عدو النفس وضربات القلب لمده ربع ساعه

المشكله طبعا ان السن الا هما فيه دلوشقت سن ادراك وتعلم كل شئ انا كل لما اكشف عليه يقولى دى حاجه بتاعت ربنا لما يحصلو التشنج ده بفضل اضربه على ايده او الجزء الورانى من الدماخ عشان يستعيد وعيه المشكله ان اى حد يكلمه او يعاند معاه او منفزش الا فى دماخو يحصل الموضوع دا معاه فانا ومامته بقفيت بهوده لما اخوه بقى بيغير منه وانطوى بدرجه لا تعقل لا بقى يجى يحضنى زى الاول او يقعد معايا مع ان عصام ده شديد التمسك بيا بصراحه انا مش عارف اعمل ايه معاهم

مش عارف اتصرف ممكن تساعدونى ولكم جزيل الشكر

[دمعه حائره]

السن ده ماينفعش ينضرب اصلا وعاوز صبر شويه
وعندك اكتر لانهم تؤام ومحتاجين رعايه خاصه وتاخد بالك من الغيره
لتكبر بينهم وده غلط
لازم تعرضه على دكتور علشان التشنج والاغماء اللى بيجيله
الدكتور اكتر حد يفيدك
وربنا معاك

[-esraa-]

طيب حاولي انكوا ما تتضربهوش وعاملوه باللي يحبه
وزي ماقالت منه لازم يتعرض على أخصائي مخ وأعصاب

وان شاء الله تشوفيهم عرسان قد الدنيا

[نور ونار]

هو اولا لازم تعرض طفلك تانى على دكتور
سواء كان متخصص اطفال او نفسى
عشان تعرف انت بتتعامل او بتواجه ايه
بالظبط فيكون عندك تقرير مفصل من متخصصين
عن حاله ابنك
ده شىء الشىء التانى ليه بتلجآ للضرب فى التربيه
الاسلوب ده غلط وازاى تضرب طفل تفتكر هيجيب نتيجه
فكرتنى بموقف ان ام بتضرب طفلها عشان عامل ازعاج
طيب ماهو لما ينضرب هيسكت !! اكيد بالعقل كده هيصرخ
ويعمل ازعاج اكتر مش مضروب !!
فانت غير وسائلك فى التربيه الرسول صلى الله عليه وسلم
قال علموهم على سبع واضربوهم على عشر
يعنى اشاره منه ان الادراك وعنصر الضرب ده ممكن يكون على عشره سنوات
وبرده ضرب عن ضرب يفرق
لو مش عارف تتعامل اقرا كتب علم نفس الاطفال
او كتب اخصائى السلوك وده موجود على النت او من خلال
كورسات
اكيد دول اولادك فلازم تتعب شويه عشان تعرف تتعامل
بما انك مش عندك فكره خالص
فى التعامل وفى عده وسائل للاطفال للتعلم واحسان السلوك
زى نظام الثواب والعقاب من خلال لعبه او قصه بتحكيها او بيفرح بيها
والعقاب طبعا مش ضرب العقاب فى السن ده فى تقنيه دلوقتى بتتعمل
اسمها دائره العقاب انك تعرف ابنك المعاقب بالتدريج اذا عمل شىء
هيكون فى الدائره اللى انت بتكون معرفه من قبلها انها خاصه بالعقاب
مش يتحرك منها الا بالوقت اللى انت محدده وكل ما يجى يخرج ويعيط طبعا
لان الطفل مش يحب ان يتقيد الحركه تاخده وترجعه تانى لنفس المكان
بس لاحظ لكل عمر له وقت معين يعنى الطفل ده اقصى حاجه له فى دائره العقاب
11 دقيقه !!
اما ابنك التانى
مش معنى عندك طفل تانى يبقى تهمله لا حسسه انك مهتم بيه
لو بيعمل حاجه كويسه وبينفذ سلوك صح قول شوفوا عمل حاجه جميله
يبقى حبيب بابا وتكافئه انك تقربه منك تكافئه بشكولا تكافئه بحدوته
بعناق باى شىء وبرضه لا تهمله فى وضع الملاحظات على سلوكه
عشان هو كمان ياخذ نصيبه من التربيه
عندك فرصه كبيره ان تربى الولدين دول بسهوله فى وجودهم مع بعض
لانك هتخلق بينهم روح منافسه مين اللى يرضيك اكتر وبالتالى هيحسنوا التصرف
انا بعتقد تربيه طفلين مع بعض اسهل من تربيه طفل واحد
ارجو اكون افدتك
وبالتوفيق يارب

[ساحر الأحزان]

الأفضل فى العمر الصغير دة أنك تعرضية على دكتور متخصص

انما الغضب او القسوة معاة ما حتجيب نتيجة بالعكس حتكون عكسية

وربنا يخليهم ليكى

[نزهة الفلاح]

وعليكم السلام ورحمة الله وبركاته
أولا أهلا بحضرتك وربنا يسعدكم جميعا
أنا هدي لحضرتك من الآخر مفتاح مجرب ومية بالمية فعال بس عنده شرطين
اليقين والاستمرار، انا بشرح حاليا السببين فموضوع ثاني
الحكاية والله بسيطة جدا جدا إن كنت مسلم فالحل أكيد هو دة وإن كنت مسيحي فالحل حاجة ثانية خالص:
إن كنت مسلم فالحل هو انك ومراتك تلازموا الاستغفار بتاع ألف وأكثر لو أمكن فاليوم وبعد شهر هتشوفوا النتيجة وقبل كمان بعون الله بس بشرط ملازمة ويقين، الحكاية هنا مش ذكر لله وبس انتو بس طبقوه وياريت تشوف موضوع لي اكتب اسمه فجوجل: ينبوع السعادة حلاوة وزيادة وموضوع مفصل عن الاستغفار بعنوان: فصل المقال في مفتاح الأقفال
لو مسيحي حضرتك يبقى أمه كانت بتتعصب في الولادة أو بتشرب عصاير كثير أثناء الحمل...
ودة حله أنكم تعرضوه على دكتور متخصص ونفسي بالضرورةـ وأنصح بالدكتور أحمد عمارة أخصائي نفسي وبيعالج بالطاقة لأنو درس تقنية لازالت قليلة شوية فمصر وبيعالج بيها بفضل الله الصرع والتشنجات...
وممكن كمان الدكتور ياسر نصر
شفاه الله وحفظه لكم