يعنى ايه كلمة صحوبيه

[crazy osha]

يعنى ايه كلمة صحوبيه
يعنى بنت رقيقه تروح ضحيه
شاب طايش مش بيحمل مسؤليه

يعنى ايه كلمة صحوبيه
يعنى كدب وزيف وخداع
يعنى وهم الرومانسيه
يعنى لمسه فيها حنان بس طبعا مش شرعيه
يعنى ورده من حبيبى
بس شوكها كله اذيه

يعنى ايه كلمة صحوبيه
يعنى فتره وبيقضيها
لعبه حلوه اتسلى بيها
ولما ييجى يفكر يخطب
مستحيل هيفكر فيا
يعنى اضيع عمرى ودينى
ومفيش حد يبكى عليا
يعنى ربى هيغضب منى
يعنى اهلى هانوا عليا


عمر ما كان دينى بيخنقنى
ولا كان قصده يظلم فيا
اوعى تفكر انى رخيصه
او لحبك مستنيه ؟؟!!
هحفظ قلبى ملك لربى
وهصون نفسى حره ابيه
وحجابى رمز الحريه

[صمت الشفاه]

طريقتك سهلة جدا في الكلام

[crazy osha]

اقتباس المشاركة الأصلية كتبت بواسطة صمت الشفاه طريقتك سهلة جدا في الكلام

اولا مشكوره لمرورك
ثانيا والله مش كلماتى ههههههه لكن قرأتها وعجبتنى قلت تشاركونى فيها
منقوله من كتاب للدكتور :مصطفى زايد

[صمت الشفاه]

اقتباس المشاركة الأصلية كتبت بواسطة crazy osha اولا مشكوره لمرورك ثانيا والله مش كلماتى ههههههه لكن قرأتها وعجبتنى قلت تشاركونى فيها منقوله من كتاب للدكتور :مصطفى زايد

برده ميرسية ليكي انك نقلتيهالنا وخلتينا نستمتع بقرائته^_*s

[هاني ,,,]

اقتباس عمر ما كان دينى بيخنقنى ولا كان قصده يظلم فيا اوعى تفكر انى رخيصه او لحبك مستنيه ؟؟!! هحفظ قلبى ملك لربى وهصون نفسى حره ابيه وحجابى رمز الحريه

تحيا الحرية

أوشا /

برافو ،،،

[beauty angel]

كلمات جميلة ومعانها قوى
انتقاء مميز حبيبتى
تسلمى

[توحد ارواح]

عمر ما كان دينى بيخنقنى
ولا كان قصده يظلم فيا

راااائع
تسلمى يا قمر ع الطرح الجميل
انتظر الجديد منكِ
منوره القسم

[نزهة الفلاح]

أووووووووووووووو بجد والله رائعة
اه يا قلبي والله فرحت جدا بموضوعك
ربي يجازيك كل خير

[اوتار الليل]

الصحوبية = الصداقة
والصداقة صفة رائعة بين البشر ..
فكيف نجعلها قبيحة بهذه الدرجة
( انها كدب وزيف وخداع )
مهما كان كاتب هذه الكلمات أو مستواه العلمى او الأدبى
فهو يكتب عن رأى بداخله ربما نظير موقف ..
لكن صعب أن نجسد مفهوم الصداقة بهذه البشاعة ..
وهذه القصيدة تذكرنى بمن يتهم الحب دائما بالخيانه وغيرها
فالعيب في المحبوب وليس في الحب ..
وهنا ايضا العيب في الصديق وليس في الصداقة ..
أعتذر للإطالة .. وليس نقد لكن وجهة نظر ..

[crazy osha]

اقتباس المشاركة الأصلية كتبت بواسطة اوتار الليل الصحوبية = الصداقة والصداقة صفة رائعة بين البشر .. فكيف نجعلها قبيحة بهذه الدرجة ( انها كدب وزيف وخداع ) مهما كان كاتب هذه الكلمات أو مستواه العلمى او الأدبى فهو يكتب عن رأى بداخله ربما نظير موقف .. لكن صعب أن نجسد مفهوم الصداقة بهذه البشاعة .. وهذه القصيدة تذكرنى بمن يتهم الحب دائما بالخيانه وغيرها فالعيب في المحبوب وليس في الحب .. وهنا ايضا العيب في الصديق وليس في الصداقة .. أعتذر للإطالة .. وليس نقد لكن وجهة نظر ..

اولا مشكور لمرورك وسواء كان نقد أو وجهة نظر فلك كل الاحترام
قبل اى شئ اكيد فيه علاقات قائمه على الاحترام ولكن حديثى موجه للعلاقات غير السويه
اعتقد ان الكاتب بيتكلم عن اى علاقه لا يحكمها اطار شرعى "الصحوبيه بين الشاب والفتاه "
الصداقه معنى رائع طبعا لكن اذا استخدمنا الكلمه لتزيين فعل لا يليق بالدين فهو امر لا يقبله احد
"ولا متخذات اخدان "
اى علاقه شخصيه او اجتماعيه لابد ان يكون لها اسم او تعريف
الانسان الناضج يستطيع التمييز بين ما هو صحيح وما هو خطأ لكن الشيطان لما بيحب يدخل للانسان بيدخل على مراحل مش مره واحده , فلماذا نعطيه الفرصه اصلا ؟!