ليه يا حبيبى -تابع مسابقة قول ياعم

[حجازى فارس المصرى]

ليه يا حبيبى التكشيرة
شايف فى عيونك تغيرة
مش بقسى أبـــدا والله
ولكنى بحبـــــك وبغيرة
*******
من حقى ياحبيبى أغير
والحب ماليهوش كبيـــر
لو كل الدنيا علشانــــك
دا عليك والله ما كتيــــر
*******
وبحبك والغيرة ف-طبعى
وعشانك انا قايد شمعى
واهو نازل م-الشوق أمواج
فى عنيى شوف بص دمعى
********
أنا ودى اخدك م-الدنيا
ونعيش أحلامنا حاجة تانية
أنا وانت وبس ياحبيبى
وتفوت الأيام وفى ثانية
********
أنا ودى أخدك م-الناس
وف- قلبى تشوف الاحساس
تصبح دنيتنا بلون وردى
ياغالى واغلى من الماس
********
أنا ودى أخدك وف-حضنى
لا اسيبك ولا انت تسيبنى
من يومى أنا بحلم بيك
تعا- قرب وف- عشك ابنى
*********
أنا ودى من قلبى تقرب
وتحس بالغيرة تجرب
وتحس نار الاشواق
محتاجة لقلب ومدرب
*********
وبغير م-النسمة عليك
وبغير ولانى شاريك
مش بايعك يا حبيبى أبدا
بالروح ياحبيبى افديك
*******
وبغير م- العقد اللى ف-جيدك
يتمايل يعزف أناشيدك
وبغير م-الشنطة اللى ف-كتفك
والساعة ياحبيبى ف-إيدك
*******
وبغير ولكنى وإنى
أنا شايلك فى العين والننى
طب ليه ف- الحب أتعذب
وبسببك فى بكاى أغنى
*******
غيران والله غيران
من حبك والله حيران
ماتحس وبلاش القسوة
ليه ترفض تروى العطشان
******
من زيك يا حبيبى قولى
يستاهل الغيرة وذلى
وبقولها بفمى المليان
حبيتك وف-صوتى هعلى
*******
.
.
.
.
.
اتمايل وبضحكة رمانى
راح قلى يا ضىّ زمانى
انا حبك شايلة ف-الننى
من غيرتك حسيت بامانى
**********
بقلمى/ صعب نسيانك

[جبل عالي]

سلاسة وجمال فى التعبير ماشاء الله

لحرفك رنين وجرس موسيقي

تمني بكل التميز والتقدم

وبإنتظار كل جديد لك

تقبل مروري المتواضع

[Lamees]

صعب نسيانك

ما اروعك ما اعجب الكلمات في نثرك
ما اجمل تلك المفردات في سطرك
وما ارقاها من احاسيس في نبع ثغرك
تقبل مروري وشوقي لجديدك
كنت هنا
روني ..~

[Aya 7ekaya]

فى قاوة كده بين يطورك
روعه بجد
تسلم ايدك

[ويبقى الأثر]

وهانحن برائعه جديده
وكلمات عن الغيره بقلم واحساس راقى
بالتوفيق بالمسابقه ان شاء الله

[حجازى فارس المصرى]

اقتباس المشاركة الأصلية كتبت بواسطة جبل عالى سلاسة وجمال فى التعبير ماشاء الله لحرفك رنين وجرس موسيقي تمني بكل التميز والتقدم وبإنتظار كل جديد لك تقبل مروري المتواضع

عزيزى(جبل عالى)اشكر لك هذا المرور العطر براحة
المسك والعنبر وخالص ودى وتقديرى لك عريزى

[حجازى فارس المصرى]

اقتباس المشاركة الأصلية كتبت بواسطة Ro♥ony صعب نسيانك ما اروعك ما اعجب الكلمات في نثرك ما اجمل تلك المفردات في سطرك وما ارقاها من احاسيس في نبع ثغرك تقبل مروري وشوقي لجديدك كنت هنا روني ..~

الجميلة الراقية(Ro♥ony) اطلالتك جميلة ورائعة
سلم حرفك وسلم قلمك ودمتى لنا ايتها الغالية

[حجازى فارس المصرى]

اقتباس المشاركة الأصلية كتبت بواسطة Aya 7ekaya فى قاوة كده بين يطورك روعه بجد تسلم ايدك

عزيزتى(Aya 7ekaya)اليكى خالص ودى وتقديرى

[حجازى فارس المصرى]

اقتباس المشاركة الأصلية كتبت بواسطة قيثارة الصمت وهانحن برائعه جديده وكلمات عن الغيره بقلم واحساس راقى بالتوفيق بالمسابقه ان شاء الله

عزيزتى الغالية(قيثارة الصمت)مشرفة الابدعات العامية
من الرائع ان اراكى بين كلماتى المتواضعة عزيزتى لك
منى فائق الود والتقدير والاحترام

[حجازى فارس المصرى]

ليه ياحبيبى التكشيرة