أمـــــآ بعــــد

[Şα3Đ..♥]

بعد التحيه والسلام والحكاوي باحترام هقول عني شويه كلام بس متقولوش لحد الاسم سعد وضحكتين والسن عقدين وتلت سنيين ومكاني معرفهوش فين نقطين .. أمـــا بعــد ف الجراح زي ما هي والتعب اهو زاد شويه والفرحه لسه متداريه ولسا برضو اسمي سعد ايوا اللي عايش بالهزار ومقضيها ضحك ليل نهار مع ان جوه قلبي نار بس اني ابوح بيها ده صعب ولسه معيط من شويه ع اللي كانوا بين ايديه راحوا عني ولا سالوا فيا واتمدينا ونسينا بعض ولا اللي الغربه خادتهم وبهدلتنا وبهدلتهم والله كنت لسه ف سيرتهم ودعيت تسلمهم يارب فين الحبايب والصحاب والضحك اللي من غير اسباب راحت ايام السهاد والسهر لوش الفجر ولعب الضومنه والكوتشينه والحكاوي ف بيوت اهالينا ونفسنا ف الاوضه يدفينا ولقانا 100 يوم ف الشهر منه لله السفر هو اللي طفي نور القمر وبعدنا عن اغلي البشر وزاد ف شرابنا طعم المر يلا مسير الايام هتعدي والدنيا هتبقي بلون وردي وبكره اكيد مش هبقي وحدي وهتحلو وهتخضر وبكره نرجع زي زمان ونولع انوار المكان ونرجع الضحك اللي كان الصبر يا اخواننا بس الصبر

[دمعه حائره]

الله عليك ياسعد ابدعت
دايما كلماتك رائعه ومعبره تسلم ويدوم تميزك

[نور ونار]

كلمات محسوسه فعبرت
عن احساها فوصلت للمتلقى بسهوله
ربنا يرجع اللى غايب ويقرب البعيد
نسيج متكامل وفكره واضحه
وقافيه جعلت من الكلمات وقع ونغمه
تحيتى

[™Amiliya]

معزوفة رائعة فعلا

دمت بطيب

[El 3alamy]

كلام رائع جدا

[Lamees]

هنا وجدت بحر من الذوق في الكلمات
لا استطيع مجاراته
لحرفك رنين خاص استاذ سعد
دومت للعامية مبدع
روني ..~

[جبل عالي]

احساس رائع ياسعد فعلا

حقيقي سلاسة رهيبة فى الكلام

جعلت الإحساس يطغى على القارىء

وكأنه هو صاحب الإحساس والكلام

تسلم الايادي للروعة وللإحساس الصادق

[حجازى فارس المصرى]

الاستاذ سعد ..انت فعلا استاذ ورائع ومتألق
لا اجاملك ولكن هذا حقك....كلمات رقراقة وعذبة
مرونه وسهولة جمال فى المعنى موسيقى فى الاداء
عبرت عن شخصيتك فابدعت ...تحياتى الى شخصكم
الكريم

[سيناا]

راااااااااااااااااااااااااائع راااااااااااااااااااائع



ولك مني احلى تحية وتقيم عاشوا عاشوا

[ويبقى الأثر]

ربنا يجمعكم تانى على خير
امين يارب
كلمات كلها احساس سعد بالفقد والغربه والحنين
ربى يسعد حياتك اخى
رائع واكثر
تقييمى ونجومى