تحكمات الخطيب ....

[همسه الجوارح]

السلام عليكم ورحمة الله وبركاته

اسعد الله اوقاتكم

ازيكم جميعاااا
النهارده انا شفت حاجه كده
وحبيبت اخد رائيكم فيهما ....
ابن عمى خاطب لسه قريب عقبال اللى ماخطبوش وربنا يساعد اللى خطبو

نجي للمهم
الحج ده يدوب قرا فاتحه مع اهل العروسه
وبدا يفرض سيطرته على البنت
بمعنى ماتخرجش الا باذنى
ماتردش على التليفون اللى باذنى
سورى شكله عاوز يعرف مواعيد الحمام
انا استغربت اوى
هى بتقبل كده ازاى
التحكمات الاوفر دى ليه
انت واثق فى خطيبتك ودى لسه فى بيت اهلها
اكيد اتربت واهلها حافظو عليها حتى سنها ده
هتعمل غلط لما تتخطب يعنى
كمان فين ثقته فى خطيبته ولا هو اصلا مش واثق ف نفسه
انا بصراحع بستغرب على الشخصيات دى
ولا هو حب التحكم وخلاص


السؤال
هل النوعيه دى سبب تواجدها ايه..؟قله الثقه فى الاخرين
ولا سيطره على الفاضى

2- تفتكر الشاب اللى كده صح فى اللى بيعمله
يعنى لو هى عاوزة تعمل غلط او تخالفه مستنيه اما تعرفه
ماهى ممكن تعمل من وراه

3- ازاى كبنت عشتى تحت رعايه اهلك فى احترام وحريه
تقبلى كل التحكمات دى اللى اقل مايقال عليها دكتاتوريا فارغه

4- تفتكر ان البنت الحره هتقبل الوضع ده كتير ولا هتتخنق وسرعان
مايحصل صدام ومشاكل ....

[El 3alamy]

فى نوعية من الناس بتتعامل بميدء انها تحب تبقى ليها الكلمة الاولى والاخيرة
ده بيبقى نابع من ضعف داخلى فبيحاول يفرض سيطرته علشان يدارى ضعفه
وممكن قلة ثقة ولو كده استحالة العلاقة تنجح بالشكل ده
ربنا يهدى الجميع

[دمعه حائره]

ده طبعه كده مالوش علاقه انه بيثق او لا
يمكن عاوز يعودها على طبعه من دلوقتى
لانه هايفضل كده بعد الجواز
والبنت فى ايدها تقبل او تقنعه يخفف الموضوع ده
لانه لو زودها بتكون خنقه

[Aya 7ekaya]

بصى هو ده طبيعى كنوع من الاحساس بالذات وممكن يكون زياده اووى ف الاول
وممكن تكون غيرة
بس كل شىء ليه حدود ومفرود يكون فى تفاهم بردو علشان تيجى الثقه دى حاجة مهمه جداا

[سيناا]

موضوع روعه وشائع كتير في هذه الأيام



اقلك اختي انا لست مع هذا الصنف من الرجال الذي يتحكم بخطيبته مية في المية



خلي قول 80 في المية


صح لازم يكون في ثقة


وصح لازم ما يحبسها في سجن


وصح وصح انا معك لكن اختي


ليش ما فكرتي بالحرص بالغيرة الى عند هذا الشب


أدري اهلها ربوها وصرفوا عليها دم قلبهم لكن خيتو


غيرة الاب والأخ مش زي غيرة الخطيب او الزوج


لان في النهاية بدها تعيش معه طول العمر وهو يحب هيك وما يحب هيك واذا بتحبه وبدها ياه لازم تسوي الى بريده


وبالمقابل هي تحب هيك وتريد هيك اذا هو بحبها لازم يسوي الى بريحها

وازيدك بالقول ما تزعلي مني

هذه الايام وهذه الأوقات البنات لازم يكون فوق راسهم حد بكل خطوة مش مراقبة ولا غير ثقة


بس الافضل هيك


بصراحة انا خطيبتي تطلع من البيت بدون ما تعطيني علم ع الأقل بفرمها وبحطها بالفرن وبشويها


لأن الاساس كل شي من هلئ من فترة الخطوبة ما بتقولي وين رايحة


وقت الزواج راح تطنش


لانك بنت انتي شايفة ان البنت تطلع بدون علم خطيبها عادي


لكن عندنا الشباب مش عادي وشيئ كبير كتير


بدك تقولي عقل متحجر عقدة او اي شي قولي


بس المهم هيك بكون مبسوط اكثر هع


بنات ما بدكم غير شوي

هههههههههه

[نزهة الفلاح]

وعليكم السلام ورحمة الله وبركاته

الله يكرمك همسة على الموضوع المهم
الي أعرفه ان الخطوبة وعد بالزواج وليست زواج وهو رجل أجنبي مثله مثل أي رجل مش من المحارم
الفرق انو في نية زواج وكفى
وطالما ليس هناك ميثاق العقد بكلمة الله يبقى البنت في إمرة والدها
شرعا وقانونا والغيرة والحركات الي بيعملوها الشباب ملهاش اي معنى، دة جواز مش لعب
والقوامة الي ربنا كلفهم بيها مش تشريف دي تكليف ومسؤولية عند الزواج مش قبله
أما عن الغيرة فلما واحد هيشك فخطيبته وهيغير عليها يخطبها منقبة ويريح دماغه
للأسف اختلطت المشاعر وبقى ناس بتتحكم باسم الغيرة أو باسم الدين الي لو فهمناه مكانش دة بقى حالنا
ولو قدر الله اتفسخت الخطوبة البنت هتندم أنها كانت تحت سيطرة راجل لسة مفيش صفة شرعية تديه الحق في القوامة - الي أصلا عندها قواعد وضوابط ومش سبهللة-
الله يسعدك همسة ويكرمك

[big bốss]

انا من رايي الخطيب ملوش سلطات للدرجه دى على خطيبته

هو الخطوبه المفروض تكون فترة تفاهم و توافق تفكيرى و التعرف بين الطرفين

بس لا اكثر و لا اقل اما انه يتحكم فيها بالاسلوب دا مرفوض

لاننا فى مجتمع ذكورى يهوى السيطره على الانثى ليس بالحب او الحنان و لكن من اجل ارضاء غروره

موضوع جميل يا بنت بلدى

[™Amiliya]

موضوع مهم وجميل وحتى الاراء اجمل ومتفقة معاهم
بس هضيف حاجة بسيطة
الرجل الشرقي بيستنى فرصة تيجي تحت ايدو عشان يفرض سلطاته
في بيت اهله والده المتحكم وان مكنش والده هيكون اخوه الكبير وان مكنش هتكون والدته
او هتلاقيه فارض السلطة ع اهلو كمان

هو عايز يحس انه بقا متحكم في حد وعايز يطلع كل كلاكيعه السلطوية ع وحدة تكون باسمه
ومع الاسف في بنات بتلبي رغباتهم دي وبتديهم فرصة للتفنن بالطلبات
احساسو الذكوري النابع من تربية اصلا عقيمة لان انت راجل وحق الطاعة بس مع الاسف هو فهم الموضوع غلط
لان حق الطاعة للنراة مع زوجها وليس خطيبها
والطاعة ليها شروط

بس مبن يفهم

[معذب القلب]

هيا النظريه مبتبقاش عقليه او وحش او مرض هيا العمليه معرفه للشخصيه اكتر وايضا
يرى الطاعه من الفتاه رغم ان من الممكن تقولوه مش نازله وتنزل هوا مش هيراقبها
هيا العمليه احترام للطرفين وطاعه والشاب فى وطننا العربى بعقليتنا يجب دئما ان الرجل يسود او المراءه تسمع الكلام رغم ان الامور ده بتختلف بعد الزواج لكن هذه التصرفات وانتى تقولين انها لسه من البدايه هيا معرفه وحب وعندها سترين الفتاه تطيع وتقوله عيونى ومش نازله وقبل متنزل ترن عليه وستلاقينها مطيعه جدا له فى تلك الامور لانها تعتبرها خوف وبيغير عليها وهتلاقى كل مكلامه من دول بكلمات حب ومناغشه يعنى العمليه مش مرض لانى برى امامى تلك الاشياء من ناس مخطوبه واعلم ما يحدث ام بالنسبه للفتاه المتحضره الحره لن تشعر بمثل تلك الامور لانها كما كلتى متحرره وحره

[نزهة الفلاح]

عدت للموضوع ثانية لأهميته
مسألة طاعة الفتاة لخطيبها لا تعني أنها ستكون زوجة مطيعة، هناك فتيات تحب فتطيع لكن لما تتزوج تتمرد وهناك العكس وهناك من تصبر لتتتمكن وهناك من تطع مرضاة لله وهناك وهناك...
الحكاية أعمق من كدة
والطاعة المطلوبة من الزوجة ليست كما يتخيلها الشباب، فلكل من الزوجين شخصيته المستقلة وقوامته عليها مسؤولية، فهل مسؤولية الأب على ابنه تلغي مسؤولية الابن أمام الله؟ لا طبعا وهكذا المرأة...
القوامة هي أن يكون قائد السفينة وربانها وحاميها من المخاطر لأن القيادة لابد أن تكون لأحدهما والله اختار الرجل وأوكل له هذه المهمة وخلقه جاهزا لها، وعلى الزوجة أن تطيعه فيما يرضي الله أما معصية الله فلا طاعة لمخلوق في معصية الخالق هذا من جهة
السيطرة من الخطيب أو حتى الزوج هي إرضاء لنفسية الزوج ورجولته ل(أنه يعتبر هذه المرأة ملكه بينما هي ملك لله ثم لنفسها) ولكن لا علاقة لها بمراد الله وأمره فالله أمر الزوجة باستئذان الزوج لحكمة بالغة وليس عبثا، أولا لمنع الشك بينهما لأن الشك سهل عند الرجل إلا من اتقى وأصلح، وبالتالي مشاكل وزعزعة الثقة بينهما وهذه مصيبة
ثانيا لحماية المرأة من أي أذى في الخارج والرجل أعلم بما في الخارج لأنه يعيش فيه يوميا بين لقمة العيش والانجاز والتطور، بالتالي استئذانه سيتيح لهما الحوار ومعرفة مدى أمان خروجها وذهابها إلى المكان المطلوب، ثالثا الطاعة لا تعني عدم المشورة، فالرسول عليه الصلاة والسلام كان قائدا في كل الميادين وبيته أيضا وكان يشاور ويحاور ويناقش ويحمي أهله وهو من هو صلى الله عليه وسلم..
لذلك لابد من الفهم أولا، فالغيرة لها ضوابطها والحياة إن فهمت حقا سهلت على الطرفين
بارك الله فيكم جميعا زأسأل الله تعالى أن ينير بصائرنا جميعا للحق
وجزاك الله خيرا همسة أن أتحت لنا الفرصة لندلي بآرائنا في هذا الموضوع الهام