نتائج اول ( 5 ظواهر ) من مواضيع ( ظاهرة فـ المنتدى )

[morshooo]

بسم الله الرحمن الرحيم

اهلا بيكم جميعا

فى التوبيك هنا هيتم عرض

اهم نتائج ( ظواهر المنتدى )

الى تم عرضها فى قسم ( النقاش )

والحمد لله كان فى اقبال كبير على الظواهر دى

النهاردة هعرض عليكم اهم ردود الاعضاء فـ

اول ( 5 ظواهر تم عرضهم )

ويمكن أدارة المنتدى تاخد بكلام الاعضاء

وأرائهم فى أمور المنتدى

الظاهرة الاولى :

( كلام الحب والغزل فى التوقيعات )

هنـــــا

رد فعل الاعضاء كان فى مؤيد وكان فى معارض
وفى قال انه قله ادب ^_^
عموما من ردود الاعضاء واضح انهم خلاص فهمو كويس
يعنى معدش فى عضو هيقدر انه يضحك على بنت فى
المنتدى بكلمتين فى التوقيع ودى حاجا كويسه
عكس من فترة كان الاعضاء بيستغلو التوقيع
عشان يقولو للبنت انه بيحبها وممكن يكون قايل
لكذا بنت انه كاتب التوقيع ليها



الظاهرة الثانية

ظاهرة ( المشرفين المتغيبين ) ياترى الادارة صح والا غلط .

هنـــــا

كان رد الاعضاء على الظاهرة دى قاطع وواضح
ودا كلنا بنقوله المشرف الى يغيب اكتر من شهر
لازم يتشال من الاشراف ودا اكد عليه الاعضاء
من خلال التوبيك الخاص بظاهرة تغيب المشرفين
وكان ردهم مقنع جدا ان الادارة تدى فرصه لباقى الاعضاء
ويتم تعينهم كمشرفين جدد .



الظاهرة الثالثه

البت دى متسجلها والواد دا بيقول لكل بت بحبك ( ظاهرة فـ المنتدى )

هنـــــا

الظاهرة دى كانت من اهم الظواهر الى نزلتها
الاعضاء اجمعو ان مش بيفرق معاهم الكلام الى
بيتقال عن الاعضاء ودا كان غرضى من الموضوع
ان ياترى كل الى نسمعه عن الاعضاء نصدقه
رد الاعضاء كلهم اجمعو ان اكيد ( لا ) ولازم مانصدقش
كلام عن عضو الا لما نتاكد الاول ان الكلام دا سليم .



الظاهرة الرابعه

الاختفاء من المنتدى والظهور لوجود اسمى فى توبيك ( ظاهرة فى المنتدى )

هنـــــا

الظاهرة دى لقيت ان اعضاء كتير واخدين بالهم منها
بس مكنوش بيكلمو عنها وكان رد فعلا الاعضاء
انهم مستغربين وبيسئلو نفسهم بيعرفو منين
ان اسمهم فى توبيك وبيدخولو يردو بس الواضح
ان الاعضاء دى على علاقه باعضاء نا فى المنتدى
وممكن يكونو قالولهم مثلا .
وكان فى ردود بتقدملهم دعوة للعودة مرة تانيه للمنتدى



الظاهرة الخامسه

( شريط الاهداءات بالمنتدى ) ( ظاهرة فـ المنتدى )

هنـــــا

كان الغرض من الظاهرة دى اننا نعرف ايه اهميه
شريط الاهداءات وايه الفائدة منه
والبعض اجمع ان شريط الاهداءات مش للشات
ولكن اهميته فى الدعايه للمواضيع .
رغم ان البعض قال ان دا عادى وشريط الاهداءات
معمول للفرفشه كمان وعادى الى بيحصل فيه .

وبكدا بيكون تم عرض نتائج

اول ( 5 ظواهر ) تم تقديمهم

انتظرونى ونتائج باقى

( ظواهر فـ المنتدى )

[رووكه]

مجهود قيم منك يآظوهرى

ومنتظرين بآقى

الظواهر ربنا يهدى

حال المنتدى من جديد

دعواتى

[جبل عالي]

حلو الشغل ده والنتايج وتفسيرها

بجد أحييك متابعة قيمة ونتيجة الشغل

لما تترك أثر ده دليل النجاح طبعا

تسلم الايادي

[beauty angel]

مجهود جميل منك يامورشووو
وان شاء لله الادارة تأخد ف الاعتبار آراء الأعضاء
فى الظواهر دى
فى انتظار باقى النتائج ..
تسلم مورشدى
بالتوفيق

[دمعه حائره]

جميل القاء الضوء على اى ظاهرة واضحه
ومحاوله تفسيرها وعلاجها ان كانت مش مستحبه
تسلم مروشو مجهود عالى

[نغم الشام بعد المغيب..]

	بجد مجهود رائع منك إنك تابع وتستقصي الردود والنتائج وتتحقق من كل ظاهرة على حدى المهم ان الادارة تأخد بالنتيجة هي وتعمل على تصحيح أي خلل والحد من انتشاره ,وإلا حتكون فوضى باتتظار باقي النتائج أكيد . تسلم دياتك ويعطيك العافية

[Arco Baleno]

فكره جميله جدا انك تعرضها بشكل دا
مجهود طيب منك مروشو موفق يارب

[აα∂ Ԑγεა]

ايون اشطات كده ياريس
حلو الاختصار وعرض اهم الافكار
علشان نضمن ان عالاقل ف امل ان يكون ف اهتمام
بالاخص ان في مواضيع مهمه كتير فيهم

تسلم ايديك وجهدك يا موروشو
حلوو اوي الشغل هيدا
موفق

[الابتسامه المصريه]

حلو العنوان انا قلت لنفسى

هلاقى كسوف ومد وجزر


وحاجات من دى


لكن الطواهر ال

بتحصل فى المنتدى

عندك حق فيها


بارك الله فيك اخى

وبالتوفيق ان شاء الله

[Lamees]

تحليل سليم وعرض للنتائج جميل
في انتظار باقي النتائج
يدوم التميز والنشاط استاذنا