الحلقة الرابعة من حوار خاص ومعانا ( دمعه حائره) ( الجزء الثانى )

[عاشق متيم]

بسم الله الرحمن الرحيم

الجزء الثانى من حوار خاص مع الاداريه المتميزة

دمعة حائرة



وجهة نظر

1-شايفة ايه اسباب الانحطاط وتدنى الاخلاق وعدم الحياء اللى بقينا نشوفه فى معظم الشباب والبنات ؟؟؟

اكيدالانفتاح على العالم الخارجى وانهم عاوزين يقلدوا الغرب
فى كل حاجه على ان ده تحضرفبتضيع هويتهم

2- رأيك ايه فى الموضة العجيبة بتاعة البنات والطرح الفسفورى والبطيخى وشفنا اخر حاجة موضة الشنب على العبايات والخواتم ؟؟؟

مش بتعجبنى الطرح العاليه دى وكمان حرام
والفسفورى مش كله وحش فيه منه بيتعمل
بطريقه هاديه وشيك
ووشنب ايه ده ماشوفتوش اكيد هاتبقى بايخه
عن نفسي بحب الموضه جدا بس باخد اللى يناسبنى منها

وليه التقليد الاعمى منتشر بين البنات ؟؟ لحد ما الجامعات منعت الدخول بالملابس دى اخرهم جامعة حلوان ؟؟؟

السن ده طبيعى يبقى متابع الموضه ويلبس احدث حاجه
وكمان المحلات تلاقيها نزلت كل اللبس كده
فلو عاوز تنزل تشترى هاتتعب جدا على ماتلاقى حاجه تناسبك غير الموضه
بس هما زودوها فى انهم يروحوا الجامعه بلبس مش مناسب
كل مكان ليه لبسه

3- رأيك فى حكاية الموالد والتمسح بالمقامات وامتى هنتخلص من الجهل ده ؟؟؟

مولد السيد البدوى قرب خلاص
طبعا حرام الكلام ده وعاوزة اقولك ان وعى الناس زاد جدا
يعنى هنا فى طنطا مابقتش زحمة فى المولد زى الاول
ولاالطقوس اللى بتتعمل زى زمان قلت كتير
وفئه بسيطه جدا اللى بتعملها

4-فى ناس مستنكرة وجود الامن داخل المدارس ؟؟ وفى ناس بتقول حماية ليهم ؟؟ ( رأيك )

انا كنت فى مدرسه الاسبوع اللى فات وعجبنى النظام ده
حفاظ على الاولاد وامان وبتبقى مطمن عليهم
بس العيب بيكون فى حارس الامن نفسه
ممكن يكلم الناس وحش ويتعالى عليهم
فبتحصل مشاكل

5- شباب كتير بقت بتكتب اللغة العربيه بحروف انجليزيه ؛ يعنى مثلا كتابة الارابش ؛ لما الشاب عاوز يكتب ( ان شاء الله ) يكتب (isa )
وكتابة الفرانكو والانجلو اراب زى واحد عاوز يكتب عامل ايه يكتبها 3amel eih
رأيك ايه سبب انتشار اللغة الغبية دى بين الشباب ؟؟ ما هو يا تكتب عربى يا انجليزى يافرنساوى ؛ لكن الهبل ده اسمه فذلكة ؟؟؟

دى حريه خاصه وممكن جهازة مافيهوش عربى
او تعليمه انجليش
فى حالات فعلا مابتكونش فزلكه ولاتباهى
قد ماهو عيب عنده
المهم هوا واللى بيكلمهم يكونوا فاهمين بعض
بس ده مؤشر لضمور اللغه العربيه بينهم

6- كان فى موضوع فى قسم النقاش عن فستان الفرح والاعضاء اختلفوا فى الرد فى اعضاء قالت دى ليلة وهتعدى والعروس تأجر فستان الفرح وفى اعضاء قالت لأ ازاى قلب فستن حد لبسه قبلى ؛ لازم العريس يشترى فستان الفرح ؟ ( رأيك ايه )

اكيد الفستان ليه زكرى جميله عند كل بنت
بس دى حسب امكانياتهم تأجره او تشتريه براحتهم
المهم مش ترهق العريس بمصاريف مش قدها



المنتدى

1- انتى اول ادارية منتخبة من قبل الاعضاء ؛ وكان ليكى صلاحيات غير مسبوقة ؛ اوصفى لنا احساسك بالنجاح وسبب بكائك ؟؟؟

انا بكيت من الفرحه يوم اعلان النتيجه وكان اول مره اجرب الاحساس ده
لانى مكنتش متخيله انى اكسب
كانت تجربه بناء على رغبه صديقات ليا
وحبيت اجربها واكيد النجاح جميل بشكل مايتوصفش
ولحد دلوقتى بشكر كل اللى صوتولى

وشعورك لما احد الاعضاء قال انك كسبتى مجاملة ؟؟؟؟

عادى ده كلام بيتقال فى المواقف اللى ذى دى
بس مجهود الواحد بيقدر يثبت العكس

2- انتى من اقترحتى عمل قسم ( حكم واقوال الفلاسفة ) وبالرغم من كده مش لكى غير موضوعين فقط فى هذا القسم ؟؟ وهل انتى مع الغاء بعض الاقسام ؟؟؟

انا لما بقترح قسم مش لازم انى اتابعه المقصود منه الافادة
انا بدأت فى الفتره الاولى اتابع
لكن اكيد بنشغل بحاجات تانيه
ولو فيه اقسام مافيهاش تفاعل طبعا تتلغى يكون افضل

3- فى بعض القرارات الادارية بتتاخد بطريقة فردية من غير ما بقية الطاقم الادارى يعرف ولاحظت ان احد اعضاء الطقم الادارى تفاجأ باحد القرارات ؛ شايفة ان ده عادى وان فى قرارات مش لازم تناقش بين الطقم الادارى ؟؟

اوقات بيكون فيه حدث بيجبر الادارى الموجود انه يتصرف
وهوا عارف ان باقى الاداره هاتوافق لانهم بيكونوا عارفين بعض والسياسه المتبعه بينهم
فمش هايستنى اجتماع علشان ينزل قرار
ممكن اتنين موجودين كفايه
ولو حصل وفيه اعتراض بيتصلح القرار بعدها

4- ليه قرار الحظر بيتاخد بطريقة فردية ؟؟ وليه المراقب بيمتلك قرار الحظر وفى قرارات بتبقى مش صحيحة والادارة بتشيل الحظر ؟؟

الحظر بيعمله المراقب او الادارى الموجود
بناء على قوانين المنتدى
وفيه منه بيكون بمدة معينه وبيتشال تلقائى
او الاداره بتشوف انه مش لازم يكون دائم
وبتناقش اللى اخد القرار فيه

وكان فى اداري بيتستخدم قرار الحظر بصورة تعسفية مش عاوز اذكر اسم الادارى لانه مش بقى موجود ومش هيقدر يرد ؛
هل ممكن نشوف قرار الحظر يقتصر على الادارة ويتاخد بطريقة جماعية ؟؟؟؟؟؟؟؟؟؟؟؟

ممكن اللى انت تشوفه تعسف يكون غير كده
لان مش الكل شايف المخالفات اللى بتحصل
ولما بيكون فيه مظلوم اكيد بننظر فى شكوته
وبيرجع لو اتأكدنا من كده
وصعب يتلغى الحظر من المراقب
لان دى مهمته يراقب المخالفات

5- مورشو طالب ان يتحط يتعمل موضوع ويتقال فيه لما عضو يتحظر المادة التى خالفها العضو فتسببت فى حظره . ( ردك )

يعنى انا بشوفها احراج للعضو المحظور
وممكن تتسبب انه مايرجعش تانى لو كانت المخالفه خاصه بغلطه عابره مش هاتتكرر او كانت عن جهل بالقوانين
فده هايكون جارح ليه

6- ليه شايفه ان قسم التنمية البشريه هو المكان المناسب لذوى الاحتياجات الخاصة ؟؟؟؟

انا كنت شوفت كام موضوع عنهم هناك
عشان كده كان ده ردى لكن بعد كده فكرت
ممكن يكون تابع للصحه او عالم الطفل
اى اقتراح بندخل نتكلم وبنوصل لفكره نهائيه بتخليه افضل
بس على حسب التفاعل بيتنفذ

7- فى مشرفين فى المنتدى متغيبين باستمرار ولاحظت ان فى مشرفين مش لهم اى نشاط فى المنتدى من 5 اشهر وبالرغم من كده لم يتم استبعادهم ؟؟؟

فيه منزل توبيك قايل انه هايغيب او ارسل رساله للاداره
وبعد فتره لو مارجعوش بنعفيهم من الاشراف
لمصلحه القسم اكيد

وفى مشرفين مش لهم اى نشاط فى اقسامهم ولا بينزلوا مواضيع ولا اى حاجة ولا حتى فى اهتمام بالقسم ؟؟ ( ردك )

احنا بدأنا من الشهر اللى فات فى توجيه المشرفين
لبعض الانشطه
وبالفعل بدأوا فيها واتكرموا النهاردة
واتمنى الباقيين يكونوا على قد المسؤليه الشهر الجاى

8- ليه مش بنشوف جوائز تشجيعيه للمشرفين بحيت كل شهرين يتعمل تكريم لانشط مشرف ويبقى فى وسام ( انشط عضو خلال شهرى مارس وابريل )
ويبقى فى نجوم ومشاركات ؛ عارف ان فى وسام الابداع الحصرى ؛ ساعتها هنشوف منافسه قويه واللى يكسب مرة يجتهد علشان يكسب مرة اخرى ؟؟؟

بالفعل بينزل كل شهر تكريم للاعضاء الاكثر نشاط
واخدوا اوسمه الشهر اللى فات على التميز والابداع
والنهاردة لسه المشرفين واخدين مشاركات ونجوم
على نشاطهم فى سبتمبر
وقريب هايكون فيه تكريم وترقيات ليهم

9- قسم الخزعبلات مش عليه مشرف !!!!!! وطبعا القسم حصرى ؛ شفت اعضاء بتكتب فى شريط الاهداءات وبتبعت رسايل للاداريين لكى يتم الموافقة على مواضيعم ؟؟؟

لسه بندور على حد مناسب يقدر يضيف جديد
ويكون متابع يوميا للقسم
والشهر ده عموما ان شاء الله
فى تعينات نتيجة للمتابعه الشهر اللى فات
على حسب توبيك طلبات الاشراف
( تم تعين مشرف على قسم الخزعبلات )

طب ما تعينوا مشرف ؟؟ كنتوا معينين 2 مشرفين دلوقتى مفيش ؛ او تسندوا المهمة لاى مشرف نشيط ومتواجد باستمرار لو مفيش عضو هيقدر يقوم بالدور ده ؟؟؟

ان شاء الله هايتعين مشرفين على اغلب الاقسام اللى مش عليهامشرفين
بس الحكايه ان لما مشرف بيمسك قسمين بيأثر على نشاطه
وكمان عاوزين ندى فرصه للاعضاء تانيين

10- انتى من اقترحتى عمل مجلس حكماء المنتدى ؟؟ وكان فى حاجة اسمها المتحدث باسم الاعضاء ؟؟؟ هل ممكن نشوف الحاجات دى تانى ؟؟؟؟

مجلس الحكماء اتعمل بداله المتحدث باسم الاعضاء وبعدها الادارى المنتخب ونائبه
وده كان بديل كويس
مش عارفه الايام الجايه هاتنفع ترجع تانى ولالا
وممكن نفكر فى حاجه جديدة

11- منتدى ابداعات الاعضاء كا فى عهدك نشيط جدااا وكان فى لكى افكار كتير من مسابقات وجوله فى مذكرات عضو كان فى قصائد جماعية ؟؟
رأيك فى القسم دلوقتى ؟؟؟؟؟؟؟

القسم كويس بس نظرا لغياب بعض مشرفيه ممكن الاعضاء
تشوف فيه تقصير
لكن الموجودين قايمين بعملهم على اكمل وجه
وبعد تعيين طبيب الهوى وكمان نقل جبل عالى
ان شاء الله يكون افضل من الاول

12- من يومك وانتى بتشجعى الاعضاء الجدد وكان ليكى فى قسم الابداعات مسابقات لهم وكان ليكى برنامج اتنين فى واحد ؛ وبرنامج اجدد عضو ومسابقة لنشيط الاعضاء الجدد ؛ لاحظت ان اهتمامك زاد بعد ما احد المشرفين السابقين هاجم الادارة وعمل حوار تخيلى بين عضو اخضر وعضو احمر ؛ ولا مفيش علاقة وانتى استمريتى فى تشجيعك ؟؟؟؟؟

لامش زاد بعدها انا اصلا ماشوفتش الحوار ده
الحمله اتعلمت عادى ده كان مخطط ليها
وانا متعوده على البرامج دى كل اسبوع
او كل مااكون فاضيه ممكن مرتين فى الاسبوع
على حسب مااشوف عضو جديد وبيرد على الاقسام
وان شاء الله استمر فيها

13- ليه من وسط كل قصائدك اخترتى حائرة على جسر من الذهب ليكون اسم لمدونتك ؟؟ وليه مدونتك كلها حزينه مفيش فيها فرح خالص ؟؟؟

عجبنى الاسم واصل الحيره دى ليها ناسها
ومابتفرق ماشيين على شوك ولادهب
ربنا ينعم علينا براحة البال
وفيها فرح بس انت ماخدتش بالك دور تانى

14- فاكره مين العضو الذى اطلق عليكى لقب روح التسامح السبب كان ايه ؟؟ ولا اقول انا ؟؟؟؟؟

لامش فاكره اللقب ده اسفه جدا لو كنت نسيت
او مخدتش بالى يمكن كان فى وسط كلام من فتره
فكرنى
انا فاكره شمس المنتدى كان احمد سيفين
وكان منزله فى توبيك يوم راس السنه 2011

العضو الذى اطلق عليكى لقب روح التسامح هو العضو نيمو ؛ وسبب اطلاقه هذا اللقب عليكى ؛ ان كان فى عضو اسمه بحر ولكن ؛ وهذا العضو اخطأ فى حقك فتم حظر هذا العضو ؛ فأنتى سامحتى العضو وطلبتى من الادارة رفع الحظر عن العضو ؛ وفعلا الادارى اراجون قام برفع الحظر ؛ واشاد جميع الاعضاء بموقفك النبيل واخلاقك العاليه ... فقام نيمو باطلاق هذا اللقب عليكى ( روح التسامح ) وقام العضو شاعر الاحساس بكتابه قصيدة عنك واهداها لكى ......

- انتى بدايتك كان فى قسم الخواطر والنقاش وليك مواضيع مهمة فى ارشيف قسم النقاش ؟؟ هل المشاغل الادارية هى اللى ابعدتك عن قسم النقاش ؛ كان لكى موضوع قريب مسلوبى الاراده ؟؟

انا كنت بكتب الاول فى النقاش على طول
لحد ماحصل لخبطه فى موضوع ليا وكمان كنت بتوتر
فى النقاش مع الاعضاء وكان فيه منهم مستفز
وبعدها ركزت فى قلم الاعضاء
مكنتش بفكر اكتب نقاش قد مااكتب مقال
ورجعت بقى اكتب وان شاء الله استمر

- مين العضو اللى كان موجود وتتمنى يرجع تانى ؟؟؟؟

فيه كتير اعضاء اتمنى يرجعوا
وكنت زمان بعمل برنامج بنقولك ارجع
ابعت رسايل للاعضاء ويقولوا كلمه للغايب
بفكر ارجعه تانى
عندك مثلا قلم بلاحبر
بيوتى سول
بيوتى كات
ميشو واحمد تكنكال
ضياء
احمد سيفين
السفينه
ناس كتير مش هاقدر اكتب كل الاسامى
بس اتمنى كل الغايب يرجع

- 1مايو 2013 بيمثل لكى ايه ؟؟؟؟؟

عيد العمال
وتعيينى و ساحر الاحزان
اداره عامه
كان يوم جميل وكنت خايفه ماقدرش اكون قدها
بس طارق طمنا وادانى ثقه فى نفسي كبيره

- شايفة ايه الاختلاف بين الادارة القديمة والادارة الحاليه؟؟؟

ممكن التفرغ اكتر لشئون الاعضاء
لان الاداره زى طارق او محمود وهيثم
شغلهم الفنى بيعطلهم انهم يتابعوا الاقسام والمواضيع
والترقيات وكان بيكون ضغط عليهم كبير
انا وامجد شويه متفرغين للمهمه دى
بس كان زمان طارق بيعمل كل حاجه وكان مسيطر بردوا

- ليه غيرتى الحكمة بتاعتك من عامل الناس كما تحب ان يعاملوك الى حكمتك الحايه ؟؟ السبب ؟؟

كان فيه سبب بعد وفاة كينج ليون الله يرحمه
ونزل توبيك فيه كلام ليه حسيت قد ايه مهم
ناخد بالنا من كل كلمه بنكتبها عشان يوم زى ده




اوتوجراف

silver spectra

اقول لطارق مديرنا
منتدى بنات مصر فى نظرى يعنى انت
ولااى حد يقدر يملى مكانك وانا اتعلمت منك كتير اوى
ومش هانسي انت عملت عشان المنتدى يتطور ايه
وخليتنا ارتبطنا بيه كـ اسره واحده
ربنا يوفقك فى حياتك

حودا

ولمحمود رجعت تغيب وانت عارف
وجودك اكيد بيفرق جامد فى المنتدى
يارب يكون المانع خير وترجع تانى

ساحرالاحزان

ولامجد غير رمزيتك بخاف منها وشد حيلك الشهر ده شويه
عاوزين نخلص الشغل اللى ورانا
ربنا يوفقك وترجع مصر بالسلامه

عاشقة الهدوء

هبه من يوم مادخلت المنتدى وانتى اخت وصديقه
واكيد لما بتغيبى بزعل ويمكن اتشائم كمان
ربنا يسعدك ويوفقك فى حياتك

Lost Pearl

لولو وقفت جمبى كتير وماشاء برغم سنها الصغير
الا انى دايما بحتاج اخد رائيها وعمرها ماخزلتنى
ربنا يوفقك ويحقق امنياتك

الأميرة رودي

انسانه هاديه وبتحب اى حاجه بتعملها
وبتحترم نفسها والناس
ربنا يسعدك ويرزقك الزريه الصالحه

Words Whisper

دكتوره منتدانا والكاتبه الممتازة
فخورة بوجودك وكتير فيه توافق فى التفكير بينا
وبحب تصاميمك ومواضيعك جدا
واتمنى ترجعى متواجدة زى الاول

DR.SMA

عروستنا الجميله شهر العسل هايخلص امته
وحشتينا ونفسي ترجعى تانى تكتبى لانك موهوبه
وليكى اسلوب رائع
ربنا يسعدك

حنون

حنون دى حكايه تانيه بحبها جدا وطيبه ومالهاش فى المشاكل
وكتير ساعدتنى زمان ووقفت جمبى
بشكرها جدا وعاوزاها ترجع تانى تشارك وتكتب

رنين

انا ماعرفش رنين الا من خلال مدونتها
وقد ايه هى بنت مثقفه وليها شخصيه قويه
اتمنى بنات كتير يبقوا زيها

شاعرة الرومانسية

عضوة جميله وحساسه وبتكتب كلام جميل
واجمل مافيه صدقها
مفتقدينك

جبل عالى

نورتى الابداعات العاميه
وماتبعديش عن النقاش
لان بجد آراءك بتعجبنى وقيمه
وخساره تبعدى
ربنا يوفقك فى قسمك الجديد



بمناسبه مرور 3 سنوات على وجود دمعة حائرة فى المنتدى

رسائل من الاعضاء

silver spectra

keep up يا منه

________________

ساحر الاحزان



اليوم أنا حتكلم عند دمعة

الأنسانة أولا ::

هى أنسانة وأخت لما لهامن حكمة وتحمل عند المشاكل

محبة للجميع متعاونة ألى أقصى الحدود أحبها الأغلبية

لما لها من قلب طيب يحب ويعطى

الأدارية

هى هية لم تتغير لما كنا أعضاء جدد نفس الحماس والنشاط والمجهود بسى هى تميزت قبلى كنت أنا

فى أجازة وقتها وبعدين بقت مشرفة الخواطر

ومن بعدها بقى وأحنا مع بعض فى الترقيات لحد ما

وصلنا للأدارة لم تتأخر ولم تتوانى عن تقديم المساعدة

والمشورة وأحترامها وحبها للجميع فأحبها الجميع

بتمنى ليها كل سعادة بحياتها
____________

Arco Baleno

دمعه حائره صاحبه قلب كبير جدا مرت فتره حدثت لي خلافات معاها وكلها بسبب سوء التفاهم

وكنت احسها تحاول تسيطر وبس وتفرظ سلطتها كنت اتصورها كذا ويمكن بسبب كذا مشكله اترسخ المفهوم دا عندي

بس هي قلبها كبير وانا قلبي مثل قلبها ومع مرور الايام حسيت فيها وبحنيتها وخاصه لما كنت اداريه هي اكثر حد لامست فيها انها حاسه في وبجد ندمت على كل فكره اخذتها تجاهها وندمت اني في يوم شديت معاها

حسيت بعمق قلبها ودفاه وحبها وحنانها ومايكسر الانسان الا انك حد كنت مختلف معاه فجه تلاقيه في اصعب لحظاتك واقف جنبك تكون محتاج الى كلمه حلوه تخفف ضغوطك واوجاعك فعلا اتكسرت وقتها وندمت وبجد منه بحبها كثير واحب عطفها وحنانها

واحساسها الكبير في الاعضاء

برغم ان علاقتي معاها سطحيه مثل باقي الاعضاء بس انا احس كثييييير ودي موهبه

احس بالانسان الي جواته نقي وطاهر والي جواته عكس دا

ومنه نقيه وحساسه ومرهفه وحنونه وحبوبه جدااااا

بجد منه تستاهل كل خير وهي اختي الغاليه الي اتمنى تسامحني لو يوم من الايام ساء الفهم بيننا بسبب مشاكل تافه جداااااا

منه نشيطه واداريه تحب تطور على قد ماتقدر صعدت بسرعه بسبب نشاطها ومتابعتها الى ان شهد ليها الجميع

انها تستحق المنصب دا

منه اختي الحنونه الي اتمنى لها الخير ومستحيل انسى احساسها بي في اصعب الظروف ومستحيل انسى حبها وحنانها واحتواها اتمنى ليها الخير

واتمنى تحصل على توقيع من لميس

لانها تستاهل كل خير

وربي يوفقها ويسعدها يارب

______________________________________

عاشق متيم

كل سنه وانتى معانا

وبتمنى لكى مزيد من التقدم والتألق

وبتمنى لكى التوفيق والسعادة فى حياتك

ويارب تحققى كل احلامك وامنياتك

وربنا يشفى والدتك ويرحم جدتك

تكريم

SiLver Spectra

( تكريم للعضو بمناسبه مرور 5 سنوات على وجوده فى المنتدى

وتألقه وابداعه وتقديمه المزيد الى المنتدى )

______________________________________

دمعه حائره

( تكريم للعضوة بمناسبه مرور 3 سنوات على وجودها فى المنتدى وتألقها وتميزها وتقديمها المزيد الى المنتدى )








اخر حاجة نختم بيها هى قصيدة شاعر الاحساس التى اهداها لدمعة حائرة


قصيدة ( دمعة حائره تتحدث عن نفسها ) بقلم شاعر الاحساس

أنــا دمعـــة حــــــــــــائره

لحــروفي الاقلام فـــاقره

ببديــــعي دومــا نـــاثره

أبيـــاتي جمــا عـــامــره

كلمــــاتي حتمــا نــابضه

بالخيـــر دومـــا بـــــادره

بصفـــاتي حقـــا نــــــادره

للصـــدق إنــــي ســـابقه

فحروفــي حقــا صـــادقه

وورودي تلمــــع بـــارقه

أنا زهرة لدمعه حـــــائره

أرســـــم طريقـــا بخـــارطه

للحــــب شعــــرا وخــــاطره

تـــهدي قلــــوبا تــــائهــــــه

تغمض عيــــــونا ســـــاهره

دومـــــا لأنــــي ســـــــاحـــره

نبضـــــا مشـــــاعر بــــاهره

صدقا وأنــــي شــــــــــاعره

أظهــــي الحـــــروف البـــاهته

فنقــــائي شمســــــا عـــاليــه

وأنا دمعــــه فريـــــده حــــائره

جوبت البــــــلاد دائـــــــــره

ما وجــــدت غيري راقيــه

ما لاقيت مثلي وهــا أنــــا

جوبـــت مرارا دامعــــــــه

دمـعه عزيــزه غـاليه

دمعــة جفوني السـاهره

دمــعه بإسمي حــائزه

دمعـه ما زالـت حــائره

أنا شمـس دوما شـارقه

بضيـائي لست حـارقه

ببريقـي حتمـا ظــاهره

بورودي حقـا زاهـــره

بالطيــب إنـي زاخــره

بنسيمـي دومـا عــابره

ولسـت لغيـري غــائره

أنـا شمــس حقا ظـاهيه

وأنــا دمـعه تلك الحـائره

"اهدء الــى دمــعه حـائره"

"شــاعر الإحســاس"

انتظروا الحلقة القادمة مع المشرف المتميز بيج بوص

دمتم فى امان الله

[SiLver Spectra]

تستاهلي يا منه
و بالتوفيق ليكي في الإدارة دائما

و ألف شكر على كلماتك في حقي ..
و عقبال كدا ما تبقي ..تبقي ايه تاني لسه ؟ تبقي الحب الصامت ههههههه

[ساحر الأحزان]

حوار جميل يا عاشق

ومناسبة جميلة جدا وهو حوار وأحتفال

بمنة ألى تستحق كل تقدير وأحترام

وطارق ألى بنتعلم ونستفيد منة ومن نصايحة

ومنا هنا بقول لطارق ومنة

أيد كل واحد فيكم على عشرين نجمة

على شأن اعلق ليكم الأوسمة

ومتقلشى أنت المدير وهى أدارية لأنى دلوقتى بجهز ليكم الأوسمة على شان أعلقها

بحييك عاشق على الحوار والأحتفالية لمناسبة جميلة علينا

دمتم سالمين

[نور ونار]

عجبنى جدا الحوار
وكمان الروح ما شاء الله عليها
وكمان المحاور اشتغل كتير
على موضوعه ومجهود يستحق التقدير
بجد شخصيه جميله منون
دوام التالق والعطاء
تسلم عاشق على الحلقه

[ساحر الأحزان]

سورى بقى أنا نزلت الموضوع فى التنبيهات لأحتفالية دى

وحيتم خصم 3نجوم من طارق

ونجمتين من منة

على شان دى ضريبة وضع الموضوع فى التنبيهات

فى متجر النجوم السلفرية

[السفينة]

رااااااااااااائعة يادمعة

اسفة حبيبتي الغياب غصب عني والله

اتمنى اكون بينكم دايما بس الظروف لاتسمح

وها انا بدخل كل ما الظرف يسمح بذلك

واتمنى لكم جميعا السعادة ومايحرمني ربي من كل من يسأل عني

تحياتي للجميع

[العاشق الذى لم يتب]

شكرا ايها المتيم
حواررائع ماأجمله وماأعظمه
جامع وشامل
وهو من شخص متمكن ومحاوربارع
والاسئلة متنوعة ومتعددة ومفيدة جدا
وأجمل مافى تلك الحلقة وجود رائعة كانت هى نجمة بكل المقاييس
انسانة تحمل حس عالى ورقية وطيبة وذات خلق جليل
اختى الغالية منة
ومديرتنا العظيمة
شوفت إجبات تحمل عقل راجح
وتفكيرلايخلو من الحكمة
استمتعت بحواركما
بارك الله فيكما
والشكرالخاص لأختى منة
ربنامايحرمناش من عطائك
تقبلوا تحياتى وودى

[CAN _ 7LM]

حوار جميل جدااااااا
وحلقه مميزه مع ضيفه متألقه
مبروك التكريم
فى انتظار الحلقه القادمه.

[مجدي الحفناوي]

ماشاء الله علي المجهود الرائع في هذا الموضوع
لك الشكر علي ماطرحت من موضوع هائل اهنيك عليه
واتمني لمنه كل توفيق
شكرا لك علي هذا المجهود الرائع في تكريم الهائل لكل اسره منتديات بنات مصر

[همسه الجوارح]

حلقه رائعه
واحتفاليه هايله
تستاهلى منه كل خير
منوره ياقمر
تسلم اخى ع الحلقه الرائعه
احترامى