مناظرة : مين يرد على مين ..

[اوتار الليل]

منوره أستاذتنا / الابتسامه المصريه

مفيش أجمل من كلام الإبتسامة المصرية ..
المرأة فعلا عيونها فيها نور ملائكية ..
بس الخوف لما النور يقطع ..
وبتتحول لعيون شيطانيه ..
وساعتها برفع شعار ..
ما أجمل حياة العزوبية ..

[اوتار الليل]

يا أهلا بالسفيرة عزيزة

نصيب واعمل إيه فى قسمتى ..
قولت أتجوز زي الناس مابتتهنّي ..
طلعت عناديه ونكديه .. وسمّمت دنيتى ..
واللى مجنّنى .. إزاى قضية ترفع قضية ..
طيب كمّلى الأول الثانوية ..
ديه شهادتك يادوب م المحكمة الإبتدائية ..

لأ ويقولوا عليها ربيع .. وورود ..
مع ان وراء كل رجل بيضيع ..
إمرأة سكّتها كلها ألغام وبارود ..

بس اخلص منها ازاى يارب يامجيد ..
وانا عايش معاها موش برضايا لكن بالتهديد ..

[Lamees]

وعايش ليه بقى بالتهديد
هو كان حد ضربك على ايد
ولا انت عامل فيها رجل حديد
اختيارك واقبله او امشي بعيد
في الاول لو مش معايا هموت اكيد
واتمسكن لحد ما اتمكن حصل بالتحديد
نكدية قلت وهو انت يعني فرحان سعيد ^ــــ^

موضوع رائع اوتار الليل
يدوم التميز

[اوتار الليل]

صدقينى وبأمانه يارونى ..
انا كنت فرحان لغاية أهلى ما دفعونى ..
أتجوز وقالولى الجواز ده نص الدين ..
أتارى عفاريتكم سكنونى ..
وأصبح الخلاص منكم بطلوع العين ..

شكرا لتفاعلك معنا
رونى