عاوز افضفض

[دمعه حائره]

السلام عليكم ورحمة الله وبركاته

انابرغم انى بحب القسم ده بصراحه مش متعوده افضفض لحد

يمكن عزله او تعود اويمكن ناس معينه بس اللى بقدر اكلمهم

لازم يكونوا زي اوى وقريبين لسنى وتفكيرى

ومش فى كل الاوقات بحتاج الفضفضه دى

مش عيب انك تحكى وتفضفض

يمكن اللى قدامك يساعدك وينسيك همك

لكن للاسف الدنيا فيها من الغدر الكافى

انه يخليك تشك فى كل اللى حواليك

لان ببساطه النفوس اتغيرت وبقت تحكمها المصالح اكتر

فتلاقى نفسك كل يوم مصدوم فى حد ومش لاقى سبب لكده

بس هاقولك حاجه ماتزعلش لما الغدر يجى من حد متوقع منه ده

وحتى لما تيجى من حد قريب ليك وكان صاحبك فى يوم من الايام

بردوا ماتزعلش وادعيله ربنا يشفيه من المرض اللى اصاب قلبه وعقله

خلاه مايعرفش يفرق بين الحلال والحرام

بين انه يكون انسان محترم وربنا راضي عنه

وبين انه يكون انسان كله شر ومايعرفش الخوف من ربنا

ولانفسه ينول رضاه

ادعيله ربنا يشيل الغشاوة من على عينه

وينور قلبه بالايمان قبل مايقابل ربه

يمكن ينصلح حاله بدعوتك دى

ووقت ماتكون مدايق والدنيا داقت بيك

فضفض لربنا هوا عالم بحالك وقادر يفرج همك

وادعى وقول اللهم اغفر لنا زنوبنا واختم بالباقيات الصالحات اعمالنا

وتوفنا وانت راض عنا

دمعه حائره

[جبل عالي]

لا اله الا انت سبحانك إني كنت من الظالمين

واللهم أغفر لنا ذنوبنا وكفر عنا سيئاتنا

وتوفنا وأنت راض عنا

ربنا يهدينا جميعا والله

اللهم آمين آمين

[™Amiliya]

الفضفضة من راي يادمعة زي الثرثرة المباحة

لكنها احيانا تحدث ضجيج واحيانا تمسكك من ايديك الي بتوجعك لما يكون اختيارك للشخص غير سليم

ربنا عالم بالي جوانا مش محتاجين فضفضة محتاجين كثرة استغفار وركعتين

وماضاقت الا فرجت

تسلمي حبيت الكلمتين دول بجد

[Angel Smile]

ربنــا كبيــر اكيد ..
و خاصية الصـبر للاسف مش موجودة عند الكتيير ..
فضفضة جمييلة منك .. و تذكير حلو
تسلمى بقى

[ساحر الأحزان]

فضفض تزيح عن قلبك

تحس انك كنت مخنوق

ومضايق

وبعدها تحس انك مرتاح

ربنا يريح بالك يا منة

[Caramilla]

كلام جميل يا منه
بس مفيش داعي بردو انك تتكلمي شويه مع اي حد
حتى لو متعرفهوش
المهم تزيلي عن قلبك هم
لو كان في هم
ربنا يريح قلبك يارب يا منه
وقلوب الجميع
امين يارب

[نور ونار]

الفضفضه فى حد ذاتها
هو اطلاق سراح لطاقه سلبيه
بداخلنا من اجل ان يعم السلام الداخلى
ولكن للننتبه لان ممكن ان نخرج طاقه سلبيه
من جوانا وفى المقابل نشعلها نارا!!
اذا لم نختار الشخص المناسب للفضفضه
وطبعا مافيش خير من رب العزه
للمناجاه والتنفيس عن مكنون ذاتك
هو اعلم بسرك واعلى
منونه
اعتبر الفضفضه هنا نصيحه وتوصيه
جزيت خيرا
فيض ودى

[Lamees]

مش في كل الاوقات الفضفضة بتريح
دي على حسب اللي بتفضفضيله
ربنا يريح قلوبنا جميعاً يارب

[إيلاانا]

في زمننا هذا نجعل فضفضتنا مع الله

لاغيره

لانه كما قلتي نفوس البشر اتغيرت كثير موبس مصالح

دي ممكن اشياء اخرى

اجمل وقت لما نكون مع الله ونطلع كل الي بدواخل نفوسنا

وهو اعلم منا بها

كلامك ميه ميه صح

اشكرك اختي على الطرح الرائع

وبارك الله فيك واسعدك في الدارين

لك خالص ودي واحترامي

بقايا صمت

[دمعه حائره]

منورين جميعا
وده فعلا كان قصدى ان مش اى حد تحكيله وتفضفض معاه
لان نادرا لما تلاقى الصديق والصدوق المخلص
ومافيش احسن من انك تفضفض لربنا بالدعاءوالصلاه
احسن حاجه تهدى النفس وتشيل الهم