يا ربنا أنت هناك ونحن هنا (تابع مسابقه ظاهرة فـ المنتدى )

[نزهة الفلاح]

يا ربنا أنت هناك ونحن هنا(تابع مسابقه ظاهرة فـ المنتدى)

بسم الله الرحمن الرحيم وبه نستعين

حياكم الرحمن جميعا إخوتي أخواتي

أثارت انتباهي ظاهرتين في المنتدى مرتبطتين ببعضهما...

تلاقي التوقيع فيه دعاء خاشع مثلا وتقول الله دة بجد بيفكرنا فربنا، ربنا الي أصلا مش لازم ننساه لأننا هنا في أرضه بإذنه وعلشانه وبيه ورايحين لعنده لما نخلص مهمتنا فأرضه...

تنزل شوية تلاقي فنفس التوقيع حاجة فيها معصية، مثلا بنوتة مع واد ورومانسية ... وتلاقي الصورة الرمزية فيها كدة واد وسيم ولا بنوتة حلوة ولا واد ماسك بنت على أساس ان الكلام دة عادي يعني؟

أنا بصراحة مش فاهمة اوي يعني ايه انا الي هي أنا ( من باب الثقة في الله ثم في النفس) حاطة صورة حد ثاني، قدوة مثلا؟ أفضل مني مثلا؟ اومال أنا ربنا مكرمني ليه ومديني قدرات مهولة عشان أقلد غيري؟ دة حتى التوأم بصماتهم مختلفة عن بعض يعني كل واحد فريد من نوعه

ومالو مقلناش حاجة بس الي أعرفه ان الواحد مننا محتاج كل ثانية وكل حاجة من عمره القليل دة عشان يكسب رضا ربنا..

أوكييي مش كل حاجة دين بس هو ايه الدين؟ هل الدين هو اننا بس نقول قال الله قال الرسول؟ دة ربنا قالنا في القرآن على لسان إبراهيم عليه السلام:

قل إن صلاتي ونسكي ومحياي ومماتي لله رب العالمين..

الدين هو عقيدة وشريعة ومنهج حياة

الدين عقيدة ومناسك ومعاملات

طب مش ربنا رب قلوب برضه؟

اه والله بس هو مش الإيمان ليس بالتحلي ولا التمني ولكنه ما وقر في القلب وصدقه العمل؟

يعني احنا كدة مش بنقول بأفعالنا: يا ربنا انت هناك واحنا هنا، ملكش دعوة بينا، نعملك المناسك وسيبنا نعيش حياتنا؟
هو مينفعش نعيش حياتنا ونتمتع في رضا الله؟ دة حتى الواحد بيحترم نفسه والناس يتحترمه لما يكون إنسان خلوق وناجح وبيطيع ربنا فكل صغيرة وكبيرة وكمان روش وعايش حياته وبيتفسح ويضحك وكل حاجة بس في رضا ربنا


يعني كل حاجة لله، نذاكر عشان ننجح اه بس عشان نعمر أرض الله بالخير... نشتغل عشان ننجح وننجز فحياتنا ونستقل بذاتنا ونصرف على نفسنا وأسرتنا اه ماشي مقلناش حاجة بس كل دة ليه يعني؟ مش عشان تحقيق العبودية لله وإعمار الأرض؟

زي ما نكون ماسكين سبحة بيد وشيشة بيد

والظاهرة دي صراحة موجودة فمجتمعنا كمان تلاقي واحد مصاحب واحدة ودة حرام زي ما كلنا عارفين وبيقولها وحياة ربنا متكسفنيش نتقابل بكرة نشوف بعض.. طب يعني ألطم مثلا؟

دة حتى يبقى إهانة لربنا وحاشاه سبحانه...

الحل:

من وجهة نظري لازم الادارة تفكر جديا انو المنتدى يساعد على طاعة ربنا انا عارفة ان فيه أعضاء مش مسلمين، طبعا أهلا بيهم وزينا زي بعض، بس مفيش ديانة سماوية إلا وتحث على الأخلاق والقيم الحميدة

وأعتذر فأنا لا اقصد شخصا بعينه، هي ظاهرة وإذا مقلناش الحق يبقى منستاهلش نتواصل لأننا ساعتها هنكون أقنعة تتقن المجاملات والصباغة الملونة ...ومحدش يقولي بتكلمي لهجة مصرية وانتي مش مصرية عشان انا هنا فمنتدى مصري واحنا كلنا واحد الحمدلله...

تحياتي وأطيب دعواتي لكم جميعا

[™Amiliya]

اولا عجبتني الظاهرة نزهة بحيكي عليها

ثانيا محدش مش متناقض البعض متناقض حد الفجور والبعض متناقض بروية وهدوء

وانك لا تهدي من احببت

التوقيع ممكن جدا تلاقينا حاطينو ناخد اجر منه عند الذكر للي مكتوب فيه

الصورة الرمزية حاجة تشبه حالتك او تشبهك او انت

ومش معنى دا ان تلاقي حاجة مخالفة لطبيعة تمسك بالدين وكل واحد بيشوف حقائق الدين او كيفية الدين بطريقته

لكن طالما مفيهاش مضررة لعين القارئ او نفسه يبقى الموضوع سهل تجاوزو

بالنصيحة والتغير النفسي اولا

عارفة الموضوع عامل زي الي بتصلي وتخرج من غير حجاب وزي الي بيصلي ويكدب والي بيشرب خمر وهو بيصلي وقايم بواجباته

من وجهة نظري التشابه يعني

[انجي_1]

ربنا يهدينا جميعا

تسلمي يا قمر

[Angel Smile]

عدك حق كتيير .. بس انتِ بتكلمى فحالة مُجتمع عامة :\\
يعنى تقريبا تلت الكرة الارضية كدة ^^ .. و مؤمنين جدًا ان معظم الحاجات دى مش غلط وكدة
و ليهم تبرير و اضح .. ده ف نقط معينة ذكرتيها
انما فحوار التوقيع و كدة .. فدى حرية شخصية فعلا
انتى لما تقرى حاجة تعجبك كتير و لا يقة على مشاعرك
و تجبيها تحطيها فالمدونة بتاعتك مثلا يبقى انتى كدة قلدتى ؟؟
كذلك فالصور .. مثلا البنوتة دى نظرتها حلوة بتعبر عن مشاعرى فحطتها يبق انا كدة قلدت
و الرومانسية و ولد ماسك ايد بنت .. ده رمز الحُب عندهم .. غلط تمام معاكى
بس لكل واحد معتقداته و لكل واحد طريقة تواصل مع ربنا ..
مظنش ان لما اكتب فتوقيعى اذكار و فصورتى الحمدلله .. و بعدين اروح اهزر مع ده وده فالمنتدى
يبقى انا كدة منافقة .. كل شىء بحدود اقصد يعنى ^_^

نظرة تستحق ..
مشكوورة الظاهرة ^^
موفقة فالمسابقة بقى وكدة

[big bốss]

هو عندك حق المفروض الرمزيه و التوقيع بتعبر عننا و عن دينا

فلازم تكون متوافقه مع شخصيتنا لا متناقضه

بس دى حريه شخصيه لانك مش هتقدرى تفرضى الدين او التدين على حد

هو الاداره اخرها انها بتمنع الصور الاباحيه بس

و لفته جميله منك و نشوف رايي الاداره فيها

موفقه اختى

[نزهة الفلاح]

اقتباس المشاركة الأصلية كتبت بواسطة رائحة القهوة اولا عجبتني الظاهرة نزهة بحيكي عليها ثانيا محدش مش متناقض البعض متناقض حد الفجور والبعض متناقض بروية وهدوء وانك لا تهدي من احببت التوقيع ممكن جدا تلاقينا حاطينو ناخد اجر منه عند الذكر للي مكتوب فيه الصورة الرمزية حاجة تشبه حالتك او تشبهك او انت ومش معنى دا ان تلاقي حاجة مخالفة لطبيعة تمسك بالدين وكل واحد بيشوف حقائق الدين او كيفية الدين بطريقته لكن طالما مفيهاش مضررة لعين القارئ او نفسه يبقى الموضوع سهل تجاوزو بالنصيحة والتغير النفسي اولا عارفة الموضوع عامل زي الي بتصلي وتخرج من غير حجاب وزي الي بيصلي ويكدب والي بيشرب خمر وهو بيصلي وقايم بواجباته من وجهة نظري التشابه يعني

انا لسة مشربتش قهوة وممكن أتخانق دلوقتي
عزيزتي التناقض دليل على عدم اكتمال المفاهيم والقناعات كما يجب لأنها هي المسؤولة عن السلوكيات
والكمال لله أكيد وانا والله مش بحاول أقنع حد كل واحد حر وأدرى بنفسه
أسعدني مرورك عزيزتي، بارك الله فيك

[نزهة الفلاح]

اقتباس المشاركة الأصلية كتبت بواسطة انجي_1 ربنا يهدينا جميعا تسلمي يا قمر

اللهم آمين يارب العالمين
الله يسلمك عزيزتي ويكرمك

[نزهة الفلاح]

اقتباس المشاركة الأصلية كتبت بواسطة Angel Smile عدك حق كتيير .. بس انتِ بتكلمى فحالة مُجتمع عامة :\\ يعنى تقريبا تلت الكرة الارضية كدة ^^ .. و مؤمنين جدًا ان معظم الحاجات دى مش غلط وكدة و ليهم تبرير و اضح .. ده ف نقط معينة ذكرتيها انما فحوار التوقيع و كدة .. فدى حرية شخصية فعلا انتى لما تقرى حاجة تعجبك كتير و لا يقة على مشاعرك و تجبيها تحطيها فالمدونة بتاعتك مثلا يبقى انتى كدة قلدتى ؟؟ كذلك فالصور .. مثلا البنوتة دى نظرتها حلوة بتعبر عن مشاعرى فحطتها يبق انا كدة قلدت و الرومانسية و ولد ماسك ايد بنت .. ده رمز الحُب عندهم .. غلط تمام معاكى بس لكل واحد معتقداته و لكل واحد طريقة تواصل مع ربنا .. مظنش ان لما اكتب فتوقيعى اذكار و فصورتى الحمدلله .. و بعدين اروح اهزر مع ده وده فالمنتدى يبقى انا كدة منافقة .. كل شىء بحدود اقصد يعنى ^_^ نظرة تستحق .. مشكوورة الظاهرة ^^ موفقة فالمسابقة بقى وكدة

منورة عزيزتي أنجل
أنا شكلي هضرب النهاردة ولا ايه
وجهة نظرك أحترمها على اختلافي معها، إن الله يريد بنا اليسر ولا يريد بنا العسر وهو خالقنا عشان نعبده، دة مش معناه منستمتعش بس ممكن أعبر على مشاعري بجنون مع صديقتي مثلا، أهلي، في كتاباتي مثلا بس بطريقة متثيرش غرائز حد وتنفع لأن نفع الناس مش كرم أخلاق بس ، احنا كلنا فسفينة واحدة وإذا غرقت هنغرق كلنا
أهزر ( شفتيني وانا بهزر ) بس مع البنات ، الولاد الهزار معهم بضوابط حفاظا عليهم وحفاظا علي دة ربنا الي قال يبقى هو الأعلم بالأصلح
أكيد الكمال لله بس مطلوب مننا نرتقي للكمال حتى لو موصلناش ليه عشان نسعد فعلا والله أعلم
الله يسعدك ويكرمك يا قمر

[نزهة الفلاح]

اقتباس المشاركة الأصلية كتبت بواسطة big bốss هو عندك حق المفروض الرمزيه و التوقيع بتعبر عننا و عن دينا فلازم تكون متوافقه مع شخصيتنا لا متناقضه بس دى حريه شخصيه لانك مش هتقدرى تفرضى الدين او التدين على حد هو الاداره اخرها انها بتمنع الصور الاباحيه بس و لفته جميله منك و نشوف رايي الاداره فيها موفقه اختى

الله يكرمك ويرضى عنك أخي الكريم
الادارة مش المفروض تحجر على حرية الآخرين طالما أنهم لا يضروا
بس ساعات فيه صور فعلا بتؤذي وبتثير الغرائز ودة ضرر
إن شاء اللخ خير، أنا قلت رأيي وهو طبعا غير ملزم لحد
بورك فيك

[morshooo]

ظاهرة مهمه على فكرة جدا
وانا معاكى فيها وبنشوفها كتير فى المنتدى
وانتى قدمتيها بشكل كويس
وماتقلقيش مش هنقول بتكلمى مصرى ليه ^_^
بالتوفيق