الحلقه الـ ( 4 ) من ( ساعدووونى ) بعنوان ( المطلقة الصغيرة )

[morshooo]

بسم الله الرحمن الرحيم

اهلا بيكم جميعا

وحلقه جديدة من برنامجكم

( ساعدوووونى )

حلقه النهاردة صاحبتها اختارت عنوان

( المطلقة الصغيرة )

تعالو نشوف ايه الحكايه

انا فتاة ابلغ من العمر ( 24 عام ) تزوجت بطريقه تقليديه

عن طريق الاهل واحد صاحب ( والدى ) قاله فى عندى

عريس كويس لبنتك وطبعا ( والدى ) قالى انهم هيجو

زيارة بصراحه مكنش فارق معايا كتير هو مين لسبب بسيط

انى مكنتش مرتبطه والا فى حد فى حياتى وكنت لسه مخلصه

جامعه فعلا جالنا البيت واول زيارة قعد معاة واتعرفنا

ومكنش فى اى ملاحظات عليه وعلى شخصيته خاصه انه

( مدرس ثانوى ) ووافقت على الارتباط وكانت فترة جميله جدا

بالنسبالى خاصه واول مرة ادخل مرحله ان يبقى فى حد فى حياتى

قعدنا مخطوبين لفترة ( سنة و 8 شهور ) طبعا خلال فترة الخطوبه

حصلت مشاكل وخلافات بينا والمشاكل كلها كانت عاديه وطبيعيه

من ناحيتى مشاكل خاصه بالغيرة وعدم الاهتمام وعدم الاتصال

ومن ناحيته مشاكل خاصه بالاهل وماتروحيش وماتخرجيش ... الخ

تم الزفاف بالفعل ( أواخر 2012 ) ماتستغربوش لما اقولكم ان زواجى

بالظبط كان لفترة ( 47 يوم فقط ) وحصل الى حصل من مشاكل

وعدم موافقته لزيارة اهلى لنا فى المنزل والا زيارتى لهم دا غير

الاهانه الدائمه امام ( حماتى واخواتة ) مع العلم اننا نعيش فى منزل واحد

مع ( اخواتة ووالدة ) وكل واحد ليه شقته الخاصه ولكن .

طول اليوم كلنا بنكون عند ( حماتى ) .

طبعا بعد منعى من زيارة اهلى ( والدى ) قرر انه يعرف الاسباب

وحصلت قاعدة بين ( والدى وزوجى ) ومكنش فى اى نتيجه

فقررت انى اسيب البيت فى اى وقت اقدر انى اهرب من

( جحيم زوجى ) وفعلا سبت البيت وحصلت مشاكل اخرى

فى النهايه وصلت ( للطلاق ) مشكلتى انى اصبحت الان

( مطلقه امام الجميع والمجتمع )

وانا ابلغ من العمر ( 24 عام ) وتقريبا وبشكل كبير

خلاص كرهت الزواج وفكرة الزواج اصبحت بعيدة

عن عقلى وتفكيرى .

وبكدا بيكون تم عرض مشكلة النهاردة

ياترى رئيكم ايه وهتقولو ايه سواء

ليها او لمشكلتها دا الى هنشوفه واكيد

( صاحبة المشكله ) هى كمان هتشوف ردودكم

تحياتى

[El 3alamy]

المشكلة احنا مجتمع بياخد بالمظاهر
وبيحب المسميات اوى
بصرف النظر عن الشخص كويس ولا وحش فى معاملته واخلاقه
فى رايى اتعاملى بشكل طبيعى ومارسى حياتك بشكل طبيعى
انت اكيد مش هتدوسى ع الزرار هتنسى
بس لازم تعدى وتشوفى دنيتك
لانك لو فكرتى فى الناس والى هيقولوه عمرك ما هتتقدمى فى حياتك ابدا

[دمعه حائره]

مشكله بتحصل دايما نتيجة الكدب والغش من اى طرف
وهنا كان هوا اللى خدع واظهر جانب مكنش واضح كله قبل الجواز
لكن كان فيه مؤشرات في تحكمه فى خروجك وانتى لسه مخطوبه
وعدم اهتمامه بيكى
اى تجربه الانسان بيمر بيها لازم يتعلم منها سواء كانت فاشله او ناجحه
وانتى لسه صغيره ومش تقفى على التجربه دى
وكويس انك طلعتى بااقل الخساير
ان شاء الله تبدأى حياه جديدة ويكون اختيار موفق

[مِسكُ الشَهادة]

الزواج ليس يوم أو شهر أو سنة هو عبارة عن حياة أبدية ما بين الزوجين
حتى الموت كفكرة سائدة لا بد أن يسوده المودة والحب والتفاهم وأن يكون
مرتبط بالله في كل المعاملات والشؤون وأن يخلو من المصالح فهو
ليس
بصفقة بيع أو شراء ليتم بهذا الشكل ... الزواج رحمة وتقبل قبل كل شيء
المشكلة هنا ليست في طريقة الزواج فحسب بل في طريقة التفكير التي أدت لهذا الزواج
الذي لا يقوم على إخلاص ووفاء ... بل يقوم ع معرفة عن بعد لوالد الفتاة أو قريبها وبالتالي
شيء مؤكد ستكون النتيجة وخيمة كما رأينا ولكن لا بد لهذة الفتاة مهما كان جمود والدها
أن ترفض هذا الأمر بقوة لأن الحياة حياتها ولا أحد مخلد لأحد ... وربما ترفض وتُجبر ع ذلك
ولكن هدفي من تكرار رفضهاا هو طرح موقفها ع والدها بهدوء وإن لم يتقبل إشراك الأقارب
كالأعمام أو الأخوال في إقناعه بأن الحياة التي لا تقوم ع صح سرعان ما تنتهي ... ولكن
بما أن الأمر نفذ وقضى ,..
فالفتاة الآن مطلقة وتشعر بحزن شديد ولكن لي أن أقدم رأيي ونصيحتي لها كأخ
المتل بقول وجع ساعة ولا كل ساعة ... يعني لو تفضلي عنده هوا حيتغير
مستحيل بل بالعكس حيتمادى أمام أهله وإخوانه وسيقودك في النهاية هو للطلاق بنفسه
لأن عقليته تغيرت ومحيطه وأقصد أسرته موافقة ع كل أفعاله وربما هي المحرك الاساسي له
والدافع الرئيسي لفعل ذلك تحت عنوان فرض نفسك ومن هذا الجمود الفكري الذي يعتبر ان
الحياة االزوجية صراع لأحد الطرفين الانتصار فيه ع الاخر دون النظر لجو المودة بينهما والعيش برغد مدى العمر ... فصدقيني إعتبري نفسك أنك أرملة فزوج ٍ كهذا لا يحترم إنسانيتك كزوجة ولا يتعامل معك بلطف وساهم في قطيعتك عن أهلك ويمارس بحقك العنف اللفظي والإهانات ولم يبدر منك شيء لا يستحق أن يكون في ذاكرتك فليذهب إلى غياهيب النسيان بالآلآمه بأحزانه بأوجاعه ... وتذكري أن هذا نصيب في الأول والآخر كما هو نصيب لعدد كبير من االشباب ذكور وإناث مر عليهم العمر ربما دون زواج حتى ... ومنهم من ذاق الويلات بزواجه ... ومنهم من تحطمت أسرته وتفككت وإنتهت ... ومنهم من مر بنفس قصتك وشكر وحمد الله ع أنها لا تقارن بشيء إذا ما قورنت بغيرها ... إحمدي الله والله لن ينساك ِ ... ودوما ً عليك ِ أن تعلمي أن ما يبنى ع صح محال ُ أن ينتهي بخطأ ...وخاصة في مثل هذة الإمور لأن العلاقة هنا حياة كاملة ... وليس مؤقتة .... أخي أحمد جزاك الله خيرا ً موضوع راقي ومميز
دام ابداعك اخي
تحياتي

[اشرف 2006]

اكيد الطلاق فى هذه السن الصغيره يدعو الى التساؤل من عامه الشعب البسيط

الذى لم يرتقى كثيرا فى درجات العلم نتيجه توارث العادات والتقاليد انما الواثقه

من نفسها وامكانياتها لا تبالى كثيرا لهذه الاقاويل وتستمر فى حياتها وتخوض التجربه مره

اخرى ونجاحها باذن الله هو الذى سيؤرق الاخرين وربنا يوفقها


تقبل تحياتى

[~♥ Queen sozan♥~]

الله يسمحك يا مورشيدى مشكلة مش فى وقتها

هو انا مش عارفة اقول اية غير ممكن يكون دة قدر وكان لازم تعيشية

انا مش لقية كلام اقوة !