حد فاكر الايام دى :)

[inglorious]

التسعينات


السبع بنات .. سوق العصر .. ذئاب الجبل .. حلمي وسعيد .. منعم ومصعب .. عمرو دياب ومحى وفؤاد ومنير .. المنافسه في حفظ القرآن .. طفل ضيع نص عمره عشان يفسر معنى نعناع الجنينه .. طفل كان بيحب الأيس كريم أكتر من صحابه .. مآساة جيل بالكامل أدمن اللوليتا .. كانت متعته الوحيده انه يأجر عجل .. أو يلعب بلى .. المشروع الامريكي .. بوكيمون .. واللى يكبر يتجه للبلياردو .. صعيدى فـ الجامعه الأمريكيه .. إختارنا لك .. واليوم اللى القناه التانيه كانت بتعرف تضيعه .. باتمان وزورو .. و فيلم The mask .. اللى كنت دايما بنام فـ النص وأزعل عشان مكملتوش وللأسف مكنش فيه إعادة .. أول سيبر فـ المنطقه .. فيفا 98 .. ومآساة اللى بيلعب بالماوس .. medal of honer .. Red Alert .. اللعب دى جمّعتنا أكتر مـ المدرسه .. ايام ما كنت حافظ أرقام تليفونات خالاتى _الأرضى .. ايام ما كان الفيلم الرسمى فـ العيد Home Alone .. ايام ما كان مصطفى قمر بيعمل كليبات حلوه .. أيام ماكان الربع جنيه ينفع مصروف .. كان كل همى ايامها تقريبا .. انهم لما يعملو فيفا 2004 يرسمو وش رونالدينو .. ثانويه عامه .. اسامه منير ..


الزمن إتغير شويه ..


بقينا بنتجمع فـ البلاى استيشن بس .. والقهوه ..


وشويه مبقيناش نتجمع غير عـ الفيس ..


وشويه ومبقيناش بنرد على بعض ..


وفي الاخر نقول الزمن اتغير

نعيب زماننا والعيـــب فينــا *** ومــــا لزماننـا عيبٌ سوانا

ونهجو ذا الزمانَ بغير ذنـبٍ *** ولو نطق الزمان لنا هجانا

[توحد ارواح]

كتير يقولوا الزمن اتغير و احنا اللى اتغيرنا فعلا
علشان كدا علشان ننادى بالتغير
لازم احنا الاول نبدأ بنفسنا
مشكور ع التوبيك الجميل
تحيتى

[فادي فارس]

اشكرك على المجهود الرائع يعطيك الف عافية