موعودين لبعض ..~

[Lamees]

السلام عليكم ورحمة الله وبركاته

موضوعنا النهاردة اخوتي عن تفكير بعض العائلات الكبيرة
عندما يرزقون ببنت فيقومون بقراءة الفاتحة على اي ولد في العيلة
زي ابن عمها مثلاً غير مهتمين باي اعتبارات اخرى
زي فارق السن مثلاً او الفارق في التعليم او الفارق في التفكير .... الخ
اعرف بنت في اولى ثانوي اول ما اتولدت وعدوها لابن عمها وقاموا بقراءة الفاتحة
رغم ان الفارق بينهم 17 سنة يعني هو دلوقت عنده حوالي 32 سنة وهي عندها حوال 15 سنة
فهل في تناسب هنا في السن ؟
عندما ادركوا هذا العيب قاموا قاموا بالتراجع عن الفاتحة وقاموا بقراءة الفاتحة
على واحد اخر من العيلة من نفس عمرها لا تقبله ولا يقبلها وكمان هناك فارق في مستوى التعليم
ما هذا التفكير ولماذا ؟
هل عيباً ان يتركوا كل شيء في وقته ولماذا هذه التحكمات ؟
ولماذا يلغون شخصيتهم في الاختيار ؟
ولماذا فرض الرأي وأن كان خطأ ؟

شاركوني الرأي ..~

[™Amiliya]

في اهالي الخوف من عنوسة بنتهم بيقلقهم من اول متتولد بيقمو يقرو فاتحتها ع حد مضمون في العيلة بالنسبالهم
ومش مهم هي رايها ايه او عايزاه او لا

في بنات وشباب بتطلع عارفة انهم لبعض فبيتاقلمو ع كدا ويحبو بعض وتكمل قصتهم

لكن لو وحدة مسكينة زي دي او زي شب مش عايز بنت عمه او وحدة من العيلة يعمل ايه في رغبة اهلو

التفكير دا قديم والمفروض ان في الدين البنت تخير وتستشار في العريس المتقدم ليها لان كدا زواج بالغصب
يعتبر باطل من وجهة نظري

والله اعلم

[معذب القلب]

موضوع مميز وخطير يحكم مجتمعنا منذ قديم الزمن كان الفتاه سوف تبور وتنعس ولن تتزوج
لذلك يسرعون بخطبتها لاى احد قريب او بعيد فقير او غنى متعلم او جاهل واكثر كلمه تضايقنى انهم يعلمون الفتاه الى اعلى مستوى ويقولون فى الاخر مصيرها لبيت جوزها يعنى من الاخر الى قبرها يطبقون اشياء وعادات سيئه لكى تمحى الشخصيه وايضا اصبح الان معظم الزيحات من القرائب ان لم تتم تنتهى العلاقه بين الاسر وصله الرحم تنتهى وايضا ان تزوجا تجد اطفال معلولين وتبداء مسيره جديده من التعب وايضا عندما لو حدث طلاق تجد دئما الفتاه او المراءه هيا الملامه وكانها هيا من فعلت الجريمه من الاساس
ولكن يجب ان يكون للفتاه دور ان ترفض وتنتظر دورها لان نصيبها سوف تراه هل ينفع ان تتزوج بهذا السن وعندما تبداء فتره مراهقتها او تصل لسن معين او تجد شخص يجعل قلبها يدق ماذا ستكون الخاتمه ان تقتل الفتاه لانها غلطت والغلط قادم من الاهل من الاساس
موضوعك مميز رونى ويكثر فيه الحديث والجدل تسلم يداك

[دمعه حائره]

للاسف تقاليد سيئه ورجعت تظهر تانى بعد مااختفت فتره
وده سببه الخوف من العنوسه وتجارب الزواج الفاشله
من رجال خارج العيله بيعتبروا الفشل لانه مش قريبها
وده خطر ولازم الاهل يفكروا بعقل ويبطلوا حكايه موعدين لبعض دى
البنات مابقتش زى الاول والتعليم فرق معاهم كتير

[big bốss]

شبح العنوسه هو الى بيخلى الاهل يفكروا بالطريقه دى

و يحجزوا بنتهم لاى عريس دون النظر لاى اعتبارات اخرى

و دا تفكير عقيم و سلبي بيظلم البنت جدا

المفروض يسيبوا البنت لسنها و كل شىء قسمه و نصيب

الموضوع اكبر من انه يتحجز العريس او العروسه لحد قريب

هو لسه فيه ناس بتفكر كدا

رحماك ربي


موضوع قيم رونى تقيمى + الوسام

[نزهة الفلاح]

والله لو حجزوا طابور بحاله لبعض مش ارادتهم الي بتنفذ ولكن إرادة الله
تسلمي روني موضوع مهم

[حلاتر]

مشكوووووور والله يعطيك الف عافيه

[اشرف 2006]

الموضوع جميل جدا ومنتشر بدرجه عاليه فى مجتمعات الريف والصعيد خاصه بس مش علشان

العنوسه والكلام ده همه بيعملوه للحفاظ على نسب العائلات هناك وان محدش غريب يدخل بينهم فى الاراضى والاملاك زبصراجه ايجابياته اكثر من سلبياته بكثير وفارق ال 15سنه بين الرجل وزوجته مش كبير واحنا بنشوف نجوم العالم بيتهافت عليهم اجمل الجميلات وصغار السن وفاكرين لما اوناسيس اتجوز جاكلين كان الفرق بينهم كام ؟؟؟ الظروف الان تدعونا للتمسك بهذه العادات والتقاليد علشان البنات تتجوز عدد الشباب بقى قليل وخاصه الصالح منهم


تقبلى تحياتى

[مُنـــــايا]

حدثنا إسحاق بن منصور قال: أخبرنا محمد بن يوسف حدثنا الأوزاعي عن يحيى بن أبي كثير عن أبي سلمة عن أبي هريرة -رضي الله عنه- قال: قال رسول الله -صلى الله عليه وسلم- لا تنكح الثيب حتى تستأمر، ولا تنكح البكر حتى تستأذن، وإذنها الصموت يعني ده اسلامنا وده شريعتنا يعني البنت لها مطلق الحريه في الرفض او القبول ...مش مجرد بضاعه تحجز حتي ياتي اوانها .. والاسلام كرم المرأة ... واظن هذه الظاهر ليست متواجده حاليا ًالا قليل في الريف والصعيد و مع تغيير العصر والانفتاح وتطور المجتمع ووعي الاباء بدأت هذه الظاهر تتلاشي .. موضوع قيم منكـ روني ودي وتقديري

[ساحر الأحزان]

الظاهرة دى فى طريقها للأنقراض

هو مش خوف من العنوسة ولا حاجة لان دة بيحصل لأبناء العائلة الواحدةفبقلك دة لحمنا

ودى بنتنا وأحنا أولى ببعض يخش واحد غريب وياخدها لية؟

مع أن دة قسمة ونصيب

جميل رونى موضوعك

كونى بخير