كورس التصوير الفوتوغرافي _ بالصور

[موري كول]

السلام عليكم كيفكم اولا كل سنه وانتو طيبين بمناسبه عيد الاضحي المبارك بعد دراسه وتفكير كتير قررنا انا وحوراء اننا نفذ فكرة كورس التصوير الفوتوغرافي علشان حبايبنا الموهوبين يستفادو دي هتكون حلقه اولي بسيطه فيها شويه معلومات ولو لقينا تفاعل في الردود والاعضاء حبو الكورس ده هنكمل بأذن الله الحلقات التانيه بعض النصائح المهمه التي يجب ان نعرفها قبل التصوير حتي نحصل علي صور فوتوغرافيه ممتازه 1_التثليث: واللي هو بيعني اننا دايما نقسم الصوره الي ثلاث اجزاء بالطول ونخلي بالنا دايما ان الشخص وثلاث اجزاء بالعرض اللي بيتصور مش يكون في وسط الصوره بالظبط لاء لازم يبقي شويا ناحية الجزء اليمين من الصوره او الثلث الشمال اولا الفكره دي بتدي شكل جمالي للصور 2_ضبط الخلفيه الظاهره في الصور يعني دايما يبقي الشئ اللي بيتصور ليه علاقه بالخلفيه اللي وراه يبقي بينهم اي صله،، وبرضو الشخص اللي بيتصور ميكنش وراه بمسافه شجره مثلا او عمود بتحس في الصور انها خارجه من دماغه بيبقي شكلها وحش اوي 3_تغير وضعيه التصوير يعني مش كل مره نبئا وقفين واحنا بنصور فالصور كده هطلع شكل واحد لا نحاول نغير في وقفتنا ممكن نقرب شويه من الارض واحنا بنصور او اننا نقف علي حاجه عليا شويه برضو بتدي زاويه جديده ومختلفه للتصوير في كذا وضع ممكن نبتكره علشان الصور تكون مميزه 4_تثبيت الصوره اكتر الصور اللي بنتصورها مش بتبئاا ادينا ثابته فيها فـ بتظهر الصوره مش واضحه نعمل ايه علشان كده في حلين الحل الاول وهو اننا دايما نمسك الكاميرا او التلفيون اللي بنصور بيه بأدينا الاتنين وتبقي ادينا مش مرفوعه وطايره ادينا يبقو بجنبنا ملمسين جسمنا والحل التاني هو اننا نستخدم حامل ثلاثي ودي بعض الصور للاستخدامات الصحيحه والخاطئه للكاميرا 5_الاستخدام الغلط للفلاش والزوم كتير مننا تلاقيه دايما يستخدم الفلاش في كل وقت في الليل والنهار ولكن النتيجه بتبقي بشعه اولا بتظهر عندنا في الصوره علي عيون الاشخاص اللي متصورين نقط حمرا بيبقو شبه الاشباح . . . وكان في صوره لمجموعه من اولاد العيله في فرح عندنا كنت برضو انا اللي مصورها بس بكاميرا لقيت كل عيون اللي كانو في الصوره حمرا خالص معادا ولد منهم عينه كان شكلها يخوف والله قصيت عيون الولد من الصوره علشان تشوفوها بس والله هي كانت كده من غير ما اعمل فيها اي حاجه والله وده مش تأثير من الفوتوشوب ولا حاجه يارب تصدقو انها كده فعلا ثانيا ممكن من استخدام الفلاش الغلط بنلاقي خلفيه الصوره غامقه جدا ومش باين منها اي حاجه ثالثا وبيحصل كتير تلاقي جزء من وجه الشخص المتصور فيه اضاءة متركزه في جزء وجزء لاء مع ان المصورين بيستخدموه علشان يقللو من الاماكن الغامقه والمظلمه في الوجه مثال دي صوره صورتها علشان اوضحلكو الكلام ده صوره لطبق كبير من الموز بس متصوره بالليل في مكان مغلق وبستخدام الفلاش شوفو ازاي الضوء متركز في جه وجه لاء طيب نعمل ايه علشان نستخدمه صح استحاله نستخدمه بالليل ابدا لاء لازم الاستخدام يكون في النهار وفي الاماكن المفتوحه ودي صوره تانيه للدبدوب برضو مستخدمه فيها الفلاش في مكان مغلق بالليل جزء كبير من الصوره مش فيه ضوء الزوووووووووم الزوم معروف انه بيقلل دايما من جوده الصوره فياريت مش نستخدمه خالص لما يكون في حاجه عاوزين نصورها من قريب بنقرب احنا الكاميرا منها فبكده تقنيه الصوره وجودتها مش هتتأثر الشمس ياريت ناخد بالنا واحنا بنصور ان الشخص اللي هيتصور مش يكون موجهه وجه ناحيه الشمس لان كده النتيجه هتبقي مش حلوه ابدا لانه مش هيبقي عارف يفتح عيونه في الشمس و برضو مش تبقي الشمس وراه هيطلع هو شبح اسود مش باين اجمل وقت لتصوير الشمس هما اخر لحظه من غروب الشمس واول لحظه من شروق الشمس ودي صوره كنت صورتها في قنا فأخر لحظه من الغروب ودي صوره للشروق من بلكونتي معلومه اخيره دايما نهتم بنظافه عدسه كاميرا التليفون لان التليفون من استعماله بيأثر علي الكاميرا فبطلع عليها بصمات الايادي وبقع فـ دايما ناخد بالنا من حكايه التنظيف دي ونمسحه بقطعه من القطن الصغيره عليها نقطه صغيره من الكحول المباع في الصيدليه لما نصور بكاميرا التليفون لازم بعد ما نفتحها نستني شويه علي ما الكاميرا تاخد وضعها وتظبط درجه الضوء مع نفسها يارب تكون استفدو موري كول Arco Baleno

[esra2 mohamed]

التوبيك هايل جدااااااااا
يامورى انتى وحوراء
موفقين يارب

[دمعه حائره]

برافو مورى توبيك هايل واستفدت منه كتير
كان زمان بيتكررعندى غلطه الفلاش فى العين وبتظهرفيها نقطه حمرا
بدايه موفقه تسلمى

[-esraa-]

توبيـــك جميل جدا واستفدت منه كتير
وفعلا في صور كتير بتبقى العين عامله زي العفريت كده ^^

تسلمووو ي فتيات
مجهود مميز

[Arco Baleno]

ممتاز ممتاز ممتاز جداااااا يا حبيبتي ومجهود عالي منك وتوضيحات رائعه
ومدعومه بتصويرك ودا اعطى للموضوع قوه وفكره جميله
ابدعتي في الشرح وبدايه رائعه وموفقه معاك والشرح مفيد كثير وطريقتك في الشرح
جميله ومبسطه جداااااااا
احييك على ابداعك الرائع والجميل
وان شاء الله الكورس التاني راح انزله حتى اتعاون معاكي
ابدعتي واستمري في نشاطك يا اجمل مشرفه للهوايات

[Nàdøỡsha]

بجد تحـفهه أوي أوي ♥

ونصـآيح جميـلهه

بس كنتـى مثـلآ تعملي دروٌس على صـور أكتر ،،

بس بـرضـو الشـرح جميـل جدآآ جدآآ

تسـلموو

تقـييمي +5

[موري كول]

اقتباس المشاركة الأصلية كتبت بواسطة arco baleno ممتاز ممتاز ممتاز جداااااا يا حبيبتي ومجهود عالي منك وتوضيحات رائعه ومدعومه بتصويرك ودا اعطى للموضوع قوه وفكره جميله ابدعتي في الشرح وبدايه رائعه وموفقه معاك والشرح مفيد كثير وطريقتك في الشرح جميله ومبسطه جداااااااا احييك على ابداعك الرائع والجميل وان شاء الله الكورس التاني راح انزله حتى اتعاون معاكي ابدعتي واستمري في نشاطك يا اجمل مشرفه للهوايات

تسلميلي يا حبيبتي
انا ولا انتي واحد لو مشغوله خليني انا انزل الحلقه التانيه براحتك
وشكرا يا حبيبة قلبي علي صوره الموضوع و الخلفيه

[مشتاقه للجنه]

فعلا موضوع مهم ومفيد جداا
تسلم أيدك عليه
وفى أنتظار المزيد من الدروس

بالتوفيق

[Ŗăήćy]

ماشاء الله مجهود جميل ومميز منك
تسلمى يامورى انتى وحورى كورس مفيد انا عن نفسى استفدت كتير :d
يدوم النشاط والتميز يارب,,استمروا بئا ومتابعة معاكم دايما

تقييمى

[Aya 7ekaya]

ايوة بقااااا

بصراحه توبيك شاامل وفيه معلومات جمييله جدا تسلمى حورى ومورى قمرات الهوايات ومتابعين معاكم باقى الدروس