ثورة ام انقلاب

[لولووبس]

هل تعتقد يوم 30 هو ثورة ام انقلاب ننتظر تعليقكم

[ميدو الرومنسى]

انقلاب اكيد

[تجملت بالعفآف]

طبعاً انقلاب
والجيش المصري مش معترف بأن اليوم دا ثوره 30
ازي الشعب هيعترف بأنه ثوره
خالص احترامي

[اشرف 2006]

ازاى تبقى ثوره

1- الدبابات والعربيات المسلحه تملا الشوارع والحوارى

2- حظر تجوال وقانون طوارئ

3- قتل المتظاهرين بكل اجرام

4- كبت الحريات واعتقال اللى يحمل شعار رابعه ( مجرد شعار )

5- الغاء قنوات ومنع الحريات

6- ايقاف حركه القطارات

7- اغلاق الميادين وكانها ثكنات عسكريه

8- تلفيق تهم واصدار احكام مشبوهه على المعارضين

9- اعتقال الطرف الاخر ومصادره امواله وممتلكاته

10- ممارسه القمع فى السجون والتعامل بكل وحشيه لدرجه منع الدواء والزيارات وحتى المحامين

11- القاضى الذى يذهب للرئيس المخطوف يذهب معصوب الاعين ثم يتعود ليتحدث عن نزاهه القضاء وعدم التدخل فى شئونه وهم ينفذون مايملى عليهم !!!!


يبقى اكيييييييييييييييييد انقلاب مش محتاجه سؤال

[العاشق الذى لم يتب]

أنقلاب بكل المقاييس
سلمت ودمت بخير

[ابراهيم دياب]

انقلاب طبعا

[ضحكة عيون حبيبى]

بكل لغات العالم انقلاااااااااااااااااااااااب

[سلطان ابوالغنم]

اتوقع ثورة

[لولووبس]

وانا أرى ايضا انه انقلاب شكرا لتعليقاتكم وان شاء الله النصر قادم مهما حاولو الانقلابيين ان يفعلو

[‎Mя_kaSpEr]

انقـــــــــــــــــــــــــــــــــــــــــــــــ ـــلاب
انقـــــــــــــــــــــــــــــــــــلاب
انقـــــــــــــــــــــــــــــلاب
انقــــــــــــــــــــلاب
انقــــــــــــلاب
انقــــلاب
انقلاب


ثورة دى ولا انقلاب ؟! لما تلغى الانتخاب … لما تقتل الشباب
لما تفتح السجون … لما يرجع العذاب
لما تقتل السجود … لما تنزع الحجاب
ثورة دى ولا انقلاب ؟!
لما تخنقنى بغاز … لما تحرقنى بجاز
لما تضرب بالرصاص … لما تحرمنا القصاص
لما مستقبل بلادى … لنظام بقى ملك خاص
ثورة دى ولا انقلاب ؟!
لما تحرس اللى خان … لما تسجن اللى صان
لما تقطع اللسان … لما يتهدد ميدان
لما يوعظنا شيطان … لما تمنع الاذان
ثورة دى ولا انقلاب ؟!
لما تيجى طيارات … ترمى حبة منشورات
ترمى ف التحرير جوايز … ترمى لينا تهديدات
ليه بتفرق المعاملة … ليه تقسمنا لحارات
ثورة دى ولا انقلاب ؟!
لو تلبسنا لجام … أو تموت الكلام
لو تفض الاعتصام … أو تكسر العظام
لما تحبس الكرام … والنهار يبقى ظلام
ثورة دى ولا انقلاب ؟!
لما تقفل الشاشات … والكلام بقى سكات
لما تقتل السنوسى* … اللى صور الممات
لما ترجع الطوارى … لما تقتل البنات
* الصحفى احمد عاصم السنوسى
ثورة دى ولا انقلاب ؟!
لما سيسى اللى خاننا … بيوجهنا بالسلاح
لما اعلامنا يحاربنا … لما نسمع النباح
لما بلطجى بلدنا … للمساجد استباح
ثورة دى ولا انقلاب ؟!
لما تسجن الرئيس … لما تلغى برلمانا
لما تمدح اسرائيل … ف اللى بعنا واللى خاننا
لما دستور البلاد … بيدسوه بالف جزمة
ثورة دى ولا انقلاب ؟!


والجزء التانى


لما بتْطَلع مبارك والعصابة هيه هيه
لما تسْجن الشريف لما تحمى البلطجية
لما أمن الدوله يرجع والفساد والمحسوبية
ثورة دي و لا انقلاب

-لما دستور البلاد يِكِّتب (يِتكِّتب ) بإِيد خفية
لما يلغولنا مواد الشريعة والهوية
لما يامصرى بلادك تبقى دوله علمانية

ثورة دي ولا انقلاب

لما خربت البلاد والوطن والاقتصاد
لما بتخلص علينا السلاح والعتاد
لما كترت الارامل لما يتمت الولاد

ثورة دي و لا انقلاب

- لما تحظر التجول لما تنشر بلطجية
لما مش عارفين نروح و أكل عيشنا يكون ضحية
لما بتلفق قواضى و المحاكمة عسكرية

ثورة ولا انقلاب

------------ لما بتفض اعتصام ... مش معاه غير الهتاف
لما تحرق اللى مات مهما تنكر.. كله شاف
لما يوم واحد تمِّوت من صحابى تالتلاف (3000

ثورة دي و لا انقلاب

لما تعتقل البنات لما تحرق ترحيلات
لما تعمل تفجيرات .... تتهم فيها اللى مات
لما بتدسنا البيادة والحرس والدبابات

ثورة دي و لا انقلاب

لما بتزود رواتبك لم للفلوس تصادر
لما بتْقلل علاوة لما تلغى لنا ف كادر
لما بتخلص فلوسنا ع العساكر والمجازر

ثورة دي و لا انقلاب

لما بتلفق جرايمك .. تتهم ركع سجود
مين حرق القدسين وافتعل اذمة وقود
واللى يقتل السجود هو قاتل الجنود

ثورة دي و لا انقلاب

لما اى ملتحى عندكو ارهاب خطير
لما يبقى البلطجى الشريف والامير
لما بتخلى الحرامى السفير والوزير

ثورة دي و لا انقلاب