الحلقه الـ ( 14 ) من ( لمن يجرؤ فقط ) مع ( احضان الحبايب )

[SiLver Spectra]

طب حلو كدا انك ذكرت نقاط معينه
لو بتابع حوارات ليه هتلاقيني عمري ما كتبت حكم عن شخص الا لو كنت ذكرت مواقف بعينها

تعالى لموضوع الدستور

اقتباس فـ مثلا لما يجيب شيوخ قناة الناس و يقول ان ده مش الاسلام فعلا ده الحق .. انهم كانوا ييشهوا صورة الاسلام .. هو بقا استغل صورة الحق فى الباطل .. انه استخدم برنامج لتوجيه الناس .. لحاجات معينه .. و اقتناعات معينه .. زى مثلا انهم يرفضوا الدستور .. او انه يعمل فوكس على حاجات معينه .. عشان يظهر صورة معينه للناس .. هو عايز يظهرها .. ده بالنسبة عن كلامى عن باسم ..

مين قالك ان باسم عاجبه الدستور الحالي ؟
اقرأ اخر مقالتين ليه
اتفضل هنا
انت بقى مشكلتك يا عبده انك حكمت عليه انه مش عاجبه دستور الاخوان يبقى عاجبه الدستور الحالي !!
وجهة نظري في اعتراضه (هو الحق) انت كمصري فلازم يكون ليك كامل الحقوق مش يكون ليك الحقوق بناء على دينك و عقيدتك !
غير كدا أنا شايف انه (باطل) انت وجهة نظرك غير كدا فعادي مافيش مشاكل
ماتخافش مش هقول عنك فكسان و لا حاجه

اقتباس بالنسبة للفكسان بقا ال قولته عن ارائك .. فـ اظن انى من حقى وصف اراء اى حد بانها سليمه او فكسانه طالما ده من وجهة نظرى ..

زي ما حقي اعترض ..بس أنا كنت مفكرك أسمى من كدا شوية يا عبدو
أظن اني لو قولت عنك في استضافة انك سازج مثلا ..مش هتكون حلوة ليه قبل ما تكون ليك
فالأسمى انك تقول مش بتعجبني اراءه . أو تذكر موقف بعينه
لكن انك تلخص الليلة بالفاكس فأظن انها مش اخلاقية
و مع ذلك أنا مش جيت جنبك و لا جنب رايك في المشاركة ..
بس أظن ان حقي اعترض عليها جوا الموضوع بأدب

اقتباس انا شايفها فكسانه .. و فى تصرفات فكسانه .. زى ان فى وقت من الاوقات .. انت كنت بتحظر ناس مختلفه معاك فى الرأى .. و اظن انك قولت بنفسك مره ده ..

و الناس دي فين دلوقتي ؟
انت موقفك دا بنيته قريب بعد عزل مرسي
في حين التصحيح و الاعتذار و المراجعة تمت قبل كدا بكتير (في شهر يناير)
و دي حاجه اعترفت بيها و افتخر اني مش بوصف نفسي بالملاك و المتغطرس برايه الصحيح 100% !
و تفاديا لنفس المواقف دي اللي بيحصل فيها شد منعنا السياسة وقتها لفترة و كررنا نفس الحركة بعد عزل مرسي و توتر الجو
بس للاسف انتوا مش التزمتوا في صفحاتكم

و ليك مشاركة مدح ليه بعد شهر يناير دا في صفحاتك ..و اظن انك كنت متابع ليه لغايه ما عزلوا مرسي
يبقى مين اللي فكسان هنا و قلب الاختلاف السياسي لاختلاف شخصي ؟

اقتباس حلوه حكاية الكيوت دى .. انا مش بحب اعيش جو ملائكى ولا حاجه .. خانك التوفيق انت فى الوصف ده .. اما عن المواجهه و الثبات .. فـ اظن انى كنت ثابت و واجهت المشاكل ال قابلتنى .. و ان كنت ناسى انت .. انا افكرك .. لما اتكللمنا فون .. يومها انا انسحبت اعتراضا على تصرف من حنون .. و كان الانسحاب نوع من انواع تسجيل المواقف .. و يومها اتفقنا على نظام معين .. فى الردود و النقل .. و فعلا القوانين اتحطت و اتطبقت فعلا .. يعنى انا ما هربتش .. و ع فكره .. انا شخصيا وقتها قولت فى الصفحات .. ان الادارة و خاصة طارق .. استحملونى و كانوا بيساندونى .. يعنى انا ما انكرتش زمان ولا هنكر دلوقتى انك ما قصرتش معايا ^^ .. كيوت بقا .. اما بالنسبة لانسحابى فى الاشراف .. فـ فعلا تواجدى تبع الحالة المزاجيه .. و مش دايما بدخل كل المدونات.. حتى لو موجود 24 ساعه زى ما بتقول .. فـ ببقا قاعد من غير تصفح للمدونات .. لكن و انا مشرف .. كنت ببقا مطالب انى ادخل كل المدونات و اتابع .. و ع فكره .. وقت ما انسحبت من الاشراف و قولت سلاماات .. ما كانش فى اى مشاكل .. مع اى حد .. سواء مع الاعضاء .. او الادارة .. او رودى .. * *

يبقى ازاي خاني التعبير اذا كنت بنفسك بتقر انك عايز تخش و تلعب بمزاجك ؟
دا بالظبط تفسير عبدو كيوت
انت مش عايز تشيل مسؤولية ..مافيش مشكلة على فكرة في كدا انت حر
بس كونك تخش تقول عك ..و عكاكين ..طب و انت دورك ايه ؟
يبقى الاولى انك تسكت !
لأن في غيرك طالع عينهم
انت يوم ما جتلك الفرصة تشيل المسؤولية هربت منها !
عارف لو كنت عضو و بتنتقد بحكم ان الادارة مش عايزه تعينك ماكنتش هقولك حاجه

موضوع استقالتك جه بعد حنون بفترة ..و الموضوع كان اتلم و خلصنا من سوء التفاهم دا اللي كان بينكم و أظن مش قصرت معاك

عايز اقولك يا عبده ..من غير زعل ..المنتدى لو بقى كلوا زيك يبقى خلاص هنشمع المنتدى
ماعتش هيبقى في تفاعل
أنا حاكم عمري ما كنت بتفاعل زي الفترة من النص التاني من 2012 الى اليوم
بسبب مشاكل الارشفة و ضعف التسجيل ..بيصعب عليه اشوف حد كاتب موضوع حلو او قصة فيها معاني و ماحدش بيرد عليه !
طب انت متواجد يا عبده ليه دورك سلبي كدا ! ..رد يا اخي ..طب لايك حتى !
و الادهى من كدا انك تخش تقول عكاكين !
يبقى اقبل النقد على نفسك !

اقتباس انا غالبا ما بقولش عك الحمدلله ^^ .. حتى لما بقول .. بعترف انه عك .. عموما .. هو العك الحقيقى .. هو بناء كل حاجه على التخيلات و التفسيرات الشخصيه .. بس ..

يبقى انت بتشخص حالتك
كونك تسمع كلمة من هنا او هناك و تيجي بعد كدا تقولي في الفون اصلهم كانوا بيقولوا عليك كذا ..دا تسميه ايه ؟
أنا لو باخد بكلام منقول عن كل واحد فيكم كنت طينت الدنيا
لكن انا عمري ما احكم عليك عشان رايك السياسي زي ما انت عملت و ظاهر فيك توقيت غضبك اللي بيوافق (عزل مرسي)
قبل عزل مرسي بفترة قصيرة كنت بتدي لايك و مافيش مشاكل عندك بل انك كنت بمتدحني و دا بحد ذاته يفسر على ان الموضوع لا علاقته له بالكلام اللي ذكرته من الماضي (دا لو عايز الحق) ..أمال ايه اللي اتغير فجأة كدا ؟ أنا ماشوفتش غير مرسي !

بس يا سيدي
عايز ترد و تتناقش في امور اخرى ماعنديش اي مشكلة

[حَرفُُ هجآءّ]

مش عارفة ليه يا احمد مضايقك
اللى قولته وزعلان من اللى عمل لايك عليه
ووضحتلك انا قولت كده ليه
ومش معنى ان عضو عمل لايك يبئا مأيد الكلام
انت اكيد بتغضب وبتقول كلام منيل
وعادى بيعدى الوقت وتزعل انك قولته
ومع ذلك انا قولته فعلا وقت عصبية
بس لو هتحقق فى كلامى انا مصرية من الصميم
لكن مش عجبنى الوطنية اللى الناس والحكومه بتنادى بيها
ولو الوطنية وطنية دم وظلم اكيد ناس كتير هتتخلى عن الوطنية
المزيفة دى
وهتستنى لحد ما البلد تقييم الحق على كل المصريين
واظن الظلم باين والعدل الدنيوى بئا موجه لناس معينه

المهم انا رغيت كتير
الحلقة فعلا جميلة جدا
وعبد الرحمن شخصية محترمة جدا
ربنا يوفقك يا عبدو
وتسلم يامورشووو يا مستفز

[Silver Flower]

الله يصلح الأحوال وهادي هي مشكلتنا أو أساس الي إحنا فيه
كل واحد بده التاني على كيفه وعقليته


بس لو الكلام صحيح
كان كلنا اتحاسبنا زي بعض


لو كان في ناس تبيع عقول كان ما حد اشترى ألأنه كل واحد راضي في عقله وعقليته


شكرًا للموضوع

[۩۩ elMagic ۩۩]

عبد الرحمن
من الناس اللى بأعزها
رغم اسلوبه معايا فى وقت ما مكنش موفق فيه
بس هو زي اخويا الصغير ومازلت بأعزه
وياسيدي لو انت شايف حاجه عك زي ما بتقول
يبقى انت بقآ لازم يكون دورك إيجابي وتعمل اللى عليك
لان مينفعش يكون فيه عك ع رأيك وانت تمشي مع التيار
وتعمل العك دا بردوا وتكتفي بالمتابعه فى صمت
دا يبقى اسمه هروب وإستسلام للعك :d
عموما مفيش مكان فى العالم هتلاقي كل اللى فيه متفقين بأراء موحده
لازم اختلاف الاراء بيبقى موجود ولكن هنا الامر بيتوقف على الاشخاص
لان فيه اللى بياخد الاختلاف دا على محمل شخصي وعلى قلبه ويزعل
وفيه اللى بيقدر يوفق بين العلاقه الشخصيه والمنتدايتيه :d
كل واحد وله دماغه وفكره الخاص به
واكيد مفيش اجبار لاى حد انه تتفرض عليه اى أراء تتقال
المهم إن وجهات النظر تتقال فى نطاق الادب والاحترام المتبادل
دون التجريح لاى حد
واللى ميقدرش يعمل دا يلتزم الصمت أفضل له ويحتفظ برأيه لنفسه ..
بالتوفيق يا عبد الرحمن فى حياتكـ ..

[احضان الحبايب]

نرد تانى ع طارق ..

بس خلينا نرد رد اقل فى الطول شوية ^^ ..

ببساطة انا بشوف ان كفايه انك تشوف رأى واحد مثلا فى موضوع معين عدة مرات ..

عشان تتاكد ان متابعتك له .. مش هتجيبلك حاجه مفيده ..

انا بطلت اتابعك ي طارق ..

بعد ما شوفت ارائك و تصرفاتك تبقى " فكسانه " على حد تعبيرى ..

و كلمة فكسانه مش كلمه خارجه عن حدود الادب ولا حاجه على فكرة ..

و بردوا انا قولت فى البرنامج و قولت فى المشاركه التوضيح ..

ان رأى فى ارائك و عدم متابعتى ليك ..

ما تقلل من دورك فى حاجات كتير ..

انا نفسى اعترفت بيها قبل كدا ..

و لسه بعترف بيها ..

و ما اظنش انى اقدمت مثلا على حذف مشاركات من مدونتى ..

تحمل المدح لك .. او المدح لاى شخص ممكن اكون اختلفت معاه قبل كدا ..

يعنى تعالى كلمنى عن طارق الادارى ..

اقولك اه بيشتغل فى النقط دى ..

كلمنى عن طارق صاحب المستنقع " المدونه " ..

او طارق ال بيكتب فى باقى المنتدى ..

اقولك فى فكسان و فى كويس ..

و لان اخر الاراء كانت فكسانه ..

فـ انا اثرت عدم المتابعه ..

و طبعا ليك كل الحق انك تتكلم او توضح وجهة نظرك ..

مع العلم انى بقولك ..

انك مش محتاج لـ ده اصلاً ..

* *

بالنسبة لانى بشوف العك و بسكت عليه ..

فـ اظن انى وضحت اسباب انسحابى من الاشراف ..

او كما يُقال " المسئوليه " ..

و مش محتاج ارغى فى ده كتير ..

لكن مش معنى كدا انى موافق على العك ..

و لكن انا ال شايفه انى املك مدونه و بتتقرأ ..

بكتب فيها و بوضح ال مضايقنى ..

لو حد من حضرتكم جه قالى ايه ال انت شايفه غلط ..

هكلمه و ارد عليه و نفتح مجال للنقاش ..

لكن انك تيجى تقولى انت مالكش حق تتكلم مادام ما بتعملش ..

فـ محدش هيبقى له حق يتكلم ..

ولا حد هيبقى له الحق فى الادارة ..

لان ببساطة العك الموجود بتشارك فيه الادارة ..

و لو انا مشاركتى فيه سلبيه على رأيكم بانى بسكت " رغم انى بكتب فى المدونه فـ انا مش عارف بسكت ازاى " ..

فـ الادارة مشاركتها اجابيه ..

لانها بتحمل كل السلطات ..

و مع ذلك العك لازال موجود ..

ومنتشر ..

حتى طريقة ادارة عدم العك ..

جات بالمنع و السكات و التقفيل و الحذف ! ..

* *

ملحوظة لطارق ..

قبل عزل مرسى انا ما كنتش بشارك فى المنتدى ..

الاختلاف ما بين عزل مرسى و وجوده ..

انى كنت بتابع ناس معينه ..

و بعدين بطلت اتابعها ..

و لى رأى فى ذلك ..

و اظن ان مش من حق حد انه يحاسبنى على انى بتابع مين او مش بتابع مين ^^ ..

و الموضوع مالهوش دعوه بخلاف سياسى صرف ..

لانى بتابع ناس مخلفانى فى الرأى السياسى ..

و تقدر تشوف بنفسك لو حابب تعرف ..

و تشوف لايكاتى فى مدونات الناس ..

و اكيد مش كل دول نفس توجهى يعنى ..

او نفس رأى ..

لكن هى بتقفل مع ناس معينه ..

و ده مبنى على وجهة نظرى الكيوووت ..



* *

للماجيك بقا ..

انا ممكن اكون اتعصبت معاك فى مره ..

لكن ده لا يقلل من احترامى ليك على المستوى الشخصى على فكره ..

و اظن ان ده مش محتاج توضيح ى ابن عمى ..

و ده يسرى على الكل على فكره ..

- -

و بــس بقا : )

[Mo7aMaD 3aLa2]

انا كان ليا تعليق ع كلمة بس لفتت نظرى هنا

( جيش نوال )

نوال دة هو اللواء أركان حرب نوال السعيد رئيس هيئة الإمداد والتموين بالقوة المسلحة المصرية خلال حرب 73

وسبب هذه المقولة “جيش نوال ” إنه عندما سأل أحدهم الرئيس الأسبق لمصر الرئيس أنور السادات ” متى سنحارب يا ريس فأجاب اسألوا نوال وهو يقصد اللواء نوال لإنه المسئول عن الإمداد والتموين للقوات التي سوف تخوض الحرب من ” أكل وشرب وأمداد طبي ومستشفيات ووقود و سلاح
و ذخيرة وملابس مركبات ونقل وغيرها الكثير بمعنى من غير جاهزية هذه الأشياء وكفايتها مفيش جيش يقدر يحارب .

واللواء نوال مازال على قيد الحياة(87 سنة) وهو موسوعة علمية وعسكرية وقيمة رفيعة المستوى

فـ اللى عايز يقلل ويجرح فـ الجيش يشوفلة كلمة كلمة تانية غير (جيش نوال) لان دى مش شتيمة او حاجة تقلل منة

..

[احضان الحبايب]

شكرا على التوضيح ى محمد ..

دى معلومه انا شخصياً ما كنت اعرفها .. ^^

اصلاً
كفايه اننا نقول على الجيش ده ..

جيش " السيسى " عشان نبقى بنقلل من الجيش ..

[~♥ Queen sozan♥~]

عبده منور با صراحتك واجباتك المميزة

حلقة جميلة عشان انت العضو ..

[SiLver Spectra]

اقتباس المشاركة الأصلية كتبت بواسطة احضان الحبايب نرد تانى ع طارق .. بس خلينا نرد رد اقل فى الطول شوية ^^ .. ببساطة انا بشوف ان كفايه انك تشوف رأى واحد مثلا فى موضوع معين عدة مرات .. عشان تتاكد ان متابعتك له .. مش هتجيبلك حاجه مفيده .. انا بطلت اتابعك ي طارق .. بعد ما شوفت ارائك و تصرفاتك تبقى " فكسانه " على حد تعبيرى .. و كلمة فكسانه مش كلمه خارجه عن حدود الادب ولا حاجه على فكرة .. و بردوا انا قولت فى البرنامج و قولت فى المشاركه التوضيح .. ان رأى فى ارائك و عدم متابعتى ليك .. ما تقلل من دورك فى حاجات كتير .. انا نفسى اعترفت بيها قبل كدا .. و لسه بعترف بيها .. و ما اظنش انى اقدمت مثلا على حذف مشاركات من مدونتى .. تحمل المدح لك .. او المدح لاى شخص ممكن اكون اختلفت معاه قبل كدا .. يعنى تعالى كلمنى عن طارق الادارى .. اقولك اه بيشتغل فى النقط دى .. كلمنى عن طارق صاحب المستنقع " المدونه " .. او طارق ال بيكتب فى باقى المنتدى .. اقولك فى فكسان و فى كويس .. و لان اخر الاراء كانت فكسانه .. فـ انا اثرت عدم المتابعه .. و طبعا ليك كل الحق انك تتكلم او توضح وجهة نظرك .. مع العلم انى بقولك .. انك مش محتاج لـ ده اصلاً .. * * بالنسبة لانى بشوف العك و بسكت عليه .. فـ اظن انى وضحت اسباب انسحابى من الاشراف .. او كما يُقال " المسئوليه " .. و مش محتاج ارغى فى ده كتير .. لكن مش معنى كدا انى موافق على العك .. و لكن انا ال شايفه انى املك مدونه و بتتقرأ .. بكتب فيها و بوضح ال مضايقنى .. لو حد من حضرتكم جه قالى ايه ال انت شايفه غلط .. هكلمه و ارد عليه و نفتح مجال للنقاش .. لكن انك تيجى تقولى انت مالكش حق تتكلم مادام ما بتعملش .. فـ محدش هيبقى له حق يتكلم .. ولا حد هيبقى له الحق فى الادارة .. لان ببساطة العك الموجود بتشارك فيه الادارة .. و لو انا مشاركتى فيه سلبيه على رأيكم بانى بسكت " رغم انى بكتب فى المدونه فـ انا مش عارف بسكت ازاى " .. فـ الادارة مشاركتها اجابيه .. لانها بتحمل كل السلطات .. و مع ذلك العك لازال موجود .. ومنتشر .. حتى طريقة ادارة عدم العك .. جات بالمنع و السكات و التقفيل و الحذف ! .. * * ملحوظة لطارق .. قبل عزل مرسى انا ما كنتش بشارك فى المنتدى .. الاختلاف ما بين عزل مرسى و وجوده .. انى كنت بتابع ناس معينه .. و بعدين بطلت اتابعها .. و لى رأى فى ذلك .. و اظن ان مش من حق حد انه يحاسبنى على انى بتابع مين او مش بتابع مين ^^ .. و الموضوع مالهوش دعوه بخلاف سياسى صرف .. لانى بتابع ناس مخلفانى فى الرأى السياسى .. و تقدر تشوف بنفسك لو حابب تعرف .. و تشوف لايكاتى فى مدونات الناس .. و اكيد مش كل دول نفس توجهى يعنى .. او نفس رأى .. لكن هى بتقفل مع ناس معينه .. و ده مبنى على وجهة نظرى الكيوووت .. * * للماجيك بقا .. انا ممكن اكون اتعصبت معاك فى مره .. لكن ده لا يقلل من احترامى ليك على المستوى الشخصى على فكره .. و اظن ان ده مش محتاج توضيح ى ابن عمى .. و ده يسرى على الكل على فكره .. - - و بــس بقا : )

متابعتك او عدم متابعتك لا تعني لي اي شيء
لكن أنا استشهدت بيها بناء على موقفك مش أكتر
و لما طلبت منك توضح اكثر لبست الدنيا في بعضها
كأنك بتقول مثلا أنا سبت الاشراف عشان ضياء مشي !! ياعم انت فين و ضياء فين !
انت ضربت الدنيا كلها في خلاط و بعدين تكلمنا عن (الحق) !!
انت أكتر واحد بيشارك في القسم و أول واحد بيدي لايك للناس ..يعني تقريبا اكتر واحد متابع ..يبقى لو عايز تشارك بايجابية فتقدر تشيل المسؤولية ..تبقى راجل كدا و تشيل المسؤولية خاصة انك هتستقل بالقسم و ما أظنش ان في حد يقدر يعوقك
لكن طبعا (عبده كيوت) عارف ان الالتزام هيجبله مشاكل و شكاوي زي ما كانت بتيجي (امر طبيعي) ..فيعزل نفسه في مدونته أحسن ..و يعد بقى يقول عك و عكاكين و أنا اصلي كنت محمد نجيب و يفرد جناحاته البيضه
-------
و بعدين هسألك سؤال ..لما تقول جيش نوال ..فرقت ايه عن مرتضى منصور و هو بيقول يا ابن نادية ؟
حتى ردك في موضوع باسم (عشان ابينلك صحة نظريتي) كان ضعيف جدا
ردك تلخص في انه اصله كان بيلبس الحق في الباطل .و لما طلبت انك توضح قولت دستور الاخوان ..حتى ما فكرتش هو كان بيعارض ليه و ايه موقفه دلوقتي ؟

طب و الله كويس انك بتقول عني فكسان لأنك لو قولت غير كدا هشك في نفسي

[احضان الحبايب]

اقتباس و لما طلبت منك توضح اكثر لبست الدنيا في بعضها كأنك بتقول مثلا أنا سبت الاشراف عشان ضياء مشي !! ياعم انت فين و ضياء فين ! انت ضربت الدنيا كلها في خلاط و بعدين تكلمنا عن (الحق) !! انت أكتر واحد بيشارك في القسم و أول واحد بيدي لايك للناس ..يعني تقريبا اكتر واحد متابع ..يبقى لو عايز تشارك بايجابية فتقدر تشيل المسؤولية ..تبقى راجل كدا و تشيل المسؤولية خاصة انك هتستقل بالقسم و ما أظنش ان في حد يقدر يعوقك لكن طبعا (عبده كيوت) عارف ان الالتزام هيجبله مشاكل و شكاوي زي ما كانت بتيجي (امر طبيعي) ..فيعزل نفسه في مدونته أحسن ..و يعد بقى يقول عك و عكاكين و أنا اصلي كنت محمد نجيب و يفرد جناحاته البيضه

مش مشكلتى خالص انك ما فهمتش ال انا قولته ..

فـ مش هوضح تانى ..

اما بقا عن الرجوله و شيلان القسم و بتاع ..

و الكلام عن العك ..

عشان بس تعرف انك انت ال بتلبس الدنيا فى بعضها مش انا ..

ان السؤال ال كانت اجابته " العك و العككين " ..

اقتباس انتا معتكف فى الـ ( صفحات الاعضاء ) اعتراض على حاجا حصلت معاك فى المنتدى والا ايه سبب عدم اشتراكك فى المنتدى ؟ اعتراضاً على كثيراً من العك .. يمكن مافيش مشكله حصلت معايا انا شخصياً عشان ما اشتركش .. بس فعلاً .. كان في عك كبير فى حاجات كتير .. العك ده غطى على حاجات قليله جميله و مميزه .. فـ اكتفيت بالمتابعه فى صمت ..

يعنى العك فى باقى المنتدى ..

و عشان كدا انا موجود فى صفحات مكشوفه ..

ال هو اصلا انا زى ما انت قولت ..

موجود فيه على طول ..

يعنى انا منعزل عن باقى المنتدى عشان مليان بـ " العك " ..

و موجود فى المكان ال ما فى عك ..

و هو صفحات مكشوفه ..

ال انت مستكتر عليا اقول فيه رأى و اتكلم عن العك فى باقى المنتدى ..

العك ال انت مش قادر توقفه ..

و جاى تقولى ما تتكلمش عنه ..

فـ انت غالبا ال بلتبس الامور ف بعض ..

لان لا علاقة بين العك ال فى باقى المنتدى .. و بين تواجدى فى الصفحات و انى ممكن ابقى مشرف عليها .. ^^ ..

لو حابب تحدد الكلام على قسم " صفحات مكشوفه " ما عنديش مشكله ..

اما بقا " عبده الكيوت " فـ واضح ان ارائى مضايقاك ..

ما تبقاش تشوفها عشان ما تضايق نفسك ..

بس ..

اقتباس حتى ردك في موضوع باسم (عشان ابينلك صحة نظريتي) كان ضعيف جدا ردك تلخص في انه اصله كان بيلبس الحق في الباطل .و لما طلبت انك توضح قولت دستور الاخوان ..حتى ما فكرتش هو كان بيعارض ليه و ايه موقفه دلوقتي ؟

ى كبير انا كنت بديك مثال ..

مش بتكلم عن دستور " الاخوان " ..

ولا بتكلم عن موقفه دلوقتى ..

انا اتسالت سؤال عن باسم ..

و عشان هو كان بيظهر فى التلفزيون ..

و كنت بشوفه ..

شوف فيه انه بيلبس الباطل فى الحق ..

مواقفه دلوقتى ما اعرفهاش لانى مش متابعه ..

و رأى بقوله على اساس متابعتى ..

و ما بقولش لحد خد بيه ..

و اصلا الاراءا فى الاشخاص ..

حريه شخصيه ..

يعنى محدش له دعوه ..

انا شايف ده ازاى او شايف ده ازاى ..

بعيدا عن نظريتك الكيوت ..

ال تقدر تثبت صحتها مع نفسك و على نفسك افضل ^^ ..

و خلاص مش هنقول جيش نوال ..

و هنقول جيش السيسى ..

و للاسف التانيه اهانه اكبر اصلا ..