الحلقه الـ ( 14 ) من ( لمن يجرؤ فقط ) مع ( احضان الحبايب )

[morshooo]

بسم الله الرحمن الرحيم

اهلا بيكم جميعا

وحلقه جديدة من برنامجكم

( لمن يجرؤ فقط )

ضيف حلقه النهاردة العضو المقيم فـ

صفحات مكشوفة

المتميز /

احضان الحبايب





فى البداية تعالو نشوف الـ ( 8 )


نقاط الـ اختار منهم ضيفى

حياتى / اعترافات

اعضاء المنتدى / سياسة المنتدى

وجع دماغ / سؤال من مجهول

كلام فى السياسة / صورة وتعليق


تعالو نشوف الحوار

( الاختيار الاول )

( اعترافات )

ياترى كان ايه سبب خلافك مع الادارة ولية سبت الاشراف
من على ( قسم صفحات مكشوفة ) رغم تألقك فيه ؟

خلافى ما كان كبير مع الادارة ..
بس انا كنت بتخنق من فكرة دخول بعض الاهواء فى تطبيق القانون ..
القانون موجود ..
اختلاف طريقة تطبيقه من شخص لشخص ..
كان بتتحكم فيها حاجات كتير ..
و ده كان غلط ..
ده كان سبب من اسباب انى اسيب الاشراف ..
و فى سبب تانى انه كان عندى هدف معين و فعلا حققته من الاشراف ..
زى قوانين النقل و الردود على الاعضاء و كدا ..
بغض النظر ان القوانين دى اُهملت دلوقتى او لا ..
لكن وقت وجودى .. كانت مُطبقه بشكل كبير ^^ ..
اخيراً .. خوفى من التقصير لان التواجد عندى يرتبط بالمزاجيه ..

ثانيا :

انتا معتكف فى الـ ( صفحات الاعضاء ) اعتراض على حاجا
حصلت معاك فى المنتدى والا ايه سبب عدم اشتراكك فى المنتدى ؟

اعتراضاً على كثيراً من العك ..
يمكن مافيش مشكله حصلت معايا انا شخصياً عشان ما اشتركش ..
بس فعلاً .. كان في عك كبير فى حاجات كتير ..
العك ده غطى على حاجات قليله جميله و مميزه ..
فـ اكتفيت بالمتابعه فى صمت ..



( الاختيار الثانى )

( اعضاء المنتدى )

الفترة الاخيرة شوفت خلاف الاعضاء بين ( مؤيد لمرسى ) و ( معارض ) .
ومشوفنلكش اى رد خارج ( صفحات الاعضاء ) اية رئيك فى خلاف الاعضاء الى حصل ؟

حطه من ضمن العك ..
ناس كتير كانت بتتكلم بعدم موضوعيه ..
و تحكمت الاهواء فى حاجات كتيير ..
الموضوع احيانا كانت بيتطور من نقاش لتطاول ..
كعادة المصريين يعنى :\ ..
و حتى ده كان بيظهر جدا فى الصفحات بعد كل نقاش او موضوع ينزل ..

ثانيا :

( ميرو ) و ( الاميرة رودى )
كان فى خلاف بينك وبينهم خاصه اثناء فترة وجودك كـ ( مشرف صفحات مكشوفه ) ؟

انا اغلب الاوقات كنت الواسطة ال بنهم ...
لتقريب وجهات النظر ..
اثناء فترة اشرافى و وجود ميرو ..
كان فى اختلاف بين ميرو و رودى فى طريقة ادارة القانون ..
و فى بعض الافعال ..
ميرو كان له و كان عليه ..
و اختلفت معاه ..
و رودى اختلفت معاه بردوا ..
بس فى اختلاف بيوصل لحد قطع العلاقات خالص ..
و اختلاف موضوعى و بينتهى بانتهاء النقاش ..

انا كلامى لسه مستمر مع ميرو ..
بس ..

لم يكن هناك اى اختلافات بينى و بين رودى لحد ما سبت الاشراف ..
و مع ميرو كانت اختلافات وقتيه و انتهت ..



( الاختيار الثالث )

( وجع دماغ )

اية سبب اعتراضك على ( جيش نوال ) وشايف ان تعبيرك كان سليم انك تقول على جيش بلدك ( جيش نوال )
واية الى قدمته لبلدك عشان تطلق عليهم هذا الاسم ؟

جيش نوال .. مش جيش بلدى ..
جيش بلدى بتاع الشاذلى ..
جيش بلدى ال حارب بـ "الله اكبر " فى 73 ..
جيش بلدى ال ما انسحبش فى 67 دون خطة انسحاب ..
جيش بلدى ال ما رفعش بندقيه فى وش المصرى ..

سبب التسميه ..
هى تسمية مُنتشره ..
خصوصا بعد الحديث عن " جاذب النساء " ..

جيش بلدى ال حارب ..
جيش بلدى ال لسه صادق مع ربناا ..
جيش بلدى ال العقيده الامريكيه ما غيرتهوش ..
هو ده الجيش ال يستحق لقب " جيش بلدى " ..
هو ده الجيش ال لازم نحميه ..
هو ده الجيش ال الانضمام له شرف ..
و للاسف الجيش ده مش موجود :\ ..

جيش صناعة المكرونه و منتجات الالبان ..
جيش الدبابه ال بتدهس الناس ..
جيش الشرطه العسكرية ال ضربت الناس عند مجلس الوزراء ..
مش جيش بلدى ..

انا كل ال املكه لمصر ..
هو الحلم ..
حلم و عندى خطواته ..
حلم ما حققتش منه حاجه لسه ^^ ..
بس هحقق ان شاء الله ..

ثانيا :

مش غريبة انك راجل وطنى وبتحب بلدك ولما عضوة تقول انا ما يشرفنيش اكون مصرية تأيدها وتدعمها بـ ( like ) رغم اعترافها انها كتبت المشاركه دى وهى عصبيه ؟ مش شايف انها اسقاطه ليك كعضو مصرى ؟

ببساطة الكلام ده اتقال نتيجه عصبيه ..
لحدث جلل حصل ..
حاجه تخلى الانسان يغضب و يتعصب ..
و وقتهاا الانسان مش بيبقى هامه هو بيقول ايه ..
كل ال هو بيعمله ..
بيحاول ينفس عن غضبه ..
انا شخصيا وقت لما بغضب ..
بشتم فى كله ..
من اول البلد بالـ فيها ..
لحد اخر موظف فى البلد ..

الدعم ما كان للـ رأى ..
كان دعم للعصبيه و الغضبه وقتها ..


هقولك حاجه ..
احنا كـ مصريين ..
بنحب البلد دى جدا ..
بغض النظر عن كلامنا و افعالنا وقت الغضب ..
بس فعلا بنحبها و بصدق ..
الموضوع بعيد عن شعارات الوطنيه و القوميه ..
و كلام الكتب ..

اخيراً .. لو دى سقطه تُحسب عليا ..
و خانى التوفيق فيها ..
سواء بالفعل او التبرير ..
فـ واجب الاعتذار عنها ^^ ..



( الاختيار الرابع )

( سؤال من مجهول )

ياترى ناوى تخرج من الصفحات والا خلاص دا قرار بان تواجدك فـ المنتدى هيكون للصفحات فقط ؟

اهلا بالمجهول ..
لا ده قرار بتواجدى فى الصفحات فقط ان شاء الله ..
لو هرد على موضوع او اتنين ..
هيبقوا استثناءات ..



( الاختيار الخامس )

( صورة وتعليق )

الصورة الاولى



من الاسباب الرئيسيه فى البهدله و القرف ال احنا فيها دلوقتى ..
يمكن انا ما كنت مع انه يمشى او يُعزل ..
بس فعلا ..
كان استاذ فى انه يضيع الفرص :\ ..

الصورة الثانيه



كنت بحبه ..
و متابع جيد جدا له ..
ايام فترة مرسى ..
كان له دور رئيسى فى تحريك احداث كتير ..
باسم .. استاذ فى توظيف الحق للباطل ..
و وضع الامور فى غير نصابهاا ..

الصورة الثالثة




له اراء بحترمهاا ..
له اراء و افعال فكساانه ..
" من وجهة نظرى " .. ايام ما كنت بهتم بمتابعته ..

و زى الكل ..
له ما له ..
و عليه ما عليه ..

و انا شخصيا بطلت اتابعه ..

و ده اكيد لا يُقلل من قيمته كـ مصمم العاب ممتاز ..
و كـ انسان يحمل فكره و رأى ..
سواء اختلفت او اتفقت معاه فى بعض اوقات ..



وبكدا بتخلص حلقه النهاردة

انتظرونى وضيف جديد فــ

( لمن يجرؤ فقط )

[ساحر الأحزان]

عبدة صاحب حضور جميل

وبيكتب مواضيع حلوة

ولة ردود تحترم

بقلة اخرج من الصفحات يا عبدة

اصل قريب حتلاقيها مخفية

حوار جميل مرشو

مع احضان الحبايب

موفقين

[Aya 7ekaya]

حلقه قويه وجريئه جدا بحي عبد الرحمن عليها جداااا
تسلم ي احمد ع الاسئله القويه والحلقه الممتازة

[مِسكُ الشَهادة]

حوار رائع وشامل يا احمد ...
وعبده إنسان محترم له كل تقدير
أسئلة مميزة وكذا الأإجابات
دمتم بألف خير وسلامة إخوتي
تحياتي

[رووكه]

ضيف غنى عن التعريف

وبحترم وجهه نظره وآكيد كلنا

بنادى وندور على استقرار البلد

سواء مؤيد او معارض

الله يوفقك ويكتب ليك الخير كله

وكل سنه وانت طيب

تسلم احمد ع الحلقه والضيف القدير

دعواتى لكم

[CAN _ 7LM]

حلقة مميزة وممتعة واسئلة جريئة
مع ضيف مميز ومحاور رائع

[-esraa-]

حلقة جميلة وضيف إجاباته صريحة ^^

تسلمووو عالحلقة
دمتم سالمين

[كوين ميرو]

كالعاده يا احمد حلقه جميله وجريئه

واجابات استاذ عبده كمان فيها جرأه وصراحه


حلقه جميله

تحياتى للجميع

[SiLver Spectra]

سهل انك تقول باسم يوسف بيقلب الحق باطل .أو انك تقول حوارت فلان فكسانه أو اني أقول علان عبيط و سازج
لكن صعب انك تقول موقف معين لأن دا هيضعفك..
و بالتالي لو سألتك : ازاي بيلبس الحق في البطال أو ازاي فكسانه ؟
مش هترد لأنك هتفضل الحوار يكون بحكم مجمل ..لأنك لو خصصت الحوار هتخش في جدال و نقاش انت مش حابه عشان ساعتها موقفك هيضعف
و بالتالي أحسن شيء انك تقول كلام مرسل و عايم سواء في حكمك على الاشخاص أو في الأمور السياسية و خلافه

...

أحضان الحبايب ..يوم ما طلبت انك تتنقل على القسم نقلناك ..و يوم ما طلبت تعديل القوانين عدلتها زي ما كنت عايز
اذ فجأة طلبت استقالة .. تقريبا بسبب خلاف مع المشرفين اللي معاك
بس أنا مش شايف تفسير لكدا برضو..لأنك لو كان عندك هدف و حابب تعمله و الادارة مش مقصرة معاك فيها كنت هتقدر تعمله ..و كان معاك الصلاحيات و القوانين و الادارة (على الاقل أنا)
و أظن إني مش قصرت معاك في اي شيء
و انت شخص 24 ساعة بايت في صفحات مكشوفة ! طب ما تفيد المنتدى بشغلك فيه مثلا ؟
بس هو الظاهر ان رقابتك و حذفك للمنقول في القسم تسبب في مشاكل و شكاوي كنا برضو بنقف معاك فيها..و دا أمر طبيعي ان القسم اللي يكون عليه التزام يكون عليه شكاوي أكتر ..لكن طبعا بالنسبة لـ(عبده كيوت) كشخص بيحب يعيش الجو الملائكي ..مش هيكون حلو ليه انه يلاقي في ناس كرهته عشان بيطبق القانون ..أو انه يثبت و يواجه ...فلقى ان الافضل ليه هو انه يتخلى عن أي مسؤولية و يتقوقع في موضوعه براحته و يعيش مع الملايكه

...

تعالى ناقش و اتكلم بموضوعية عن نقاط معينه اقدر أتناقش فيها معاك
لكن هتكتفي برمي كلمه بدون اي تفسير ليها ..فمش هقدر اقولك غير ان الكلمة سازجة
أو عك من ضمن العك بتاعك اللي بتقوله

[احضان الحبايب]

اقتباس سهل انك تقول باسم يوسف بيقلب الحق باطل .أو انك تقول حوارت فلان فكسانه أو اني أقول علان عبيط و سازج لكن صعب انك تقول موقف معين لأن دا هيضعفك.. و بالتالي لو سألتك : ازاي بيلبس الحق في البطال أو ازاي فكسانه ؟ مش هترد لأنك هتفضل الحوار يكون بحكم مجمل ..لأنك لو خصصت الحوار هتخش في جدال و نقاش انت مش حابه عشان ساعتها موقفك هيضعف و بالتالي أحسن شيء انك تقول كلام مرسل و عايم سواء في حكمك على الاشخاص أو في الأمور السياسية و خلافه

انا موقفى مش ضعيف ^^ ..

و كلامى مبنى على مواقف مش من خيالى اكيد ..

مش مشكلتى انك مش متابع ..

عشان تعرف انى قولت قبل كدا ...

ان باسم يوسف بيوظف الحق لصالح الباطل ..

و عشان اعمل بـ مبدأك ..

ال بيتكلم عن مواقف معينه ..

فـ مثلا لما يجيب شيوخ قناة الناس و يقول ان ده مش الاسلام

فعلا ده الحق ..

انهم كانوا ييشهوا صورة الاسلام ..

هو بقا استغل صورة الحق فى الباطل ..

انه استخدم برنامج لتوجيه الناس ..

لحاجات معينه ..

و اقتناعات معينه ..

زى مثلا انهم يرفضوا الدستور ..

او انه يعمل فوكس على حاجات معينه ..

عشان يظهر صورة معينه للناس ..

هو عايز يظهرها ..

ده بالنسبة عن كلامى عن باسم ..

عشان تعرف ان الكلام مش عايم ..

و لازم تحط فى اعتبارك حاجه مهمه ..

مش نقاشى معاك او مع اى حد ال هيضعف موقفى ..

لانى واثق فى فكرى و تفكيرى جدا ..

و فى رأى كمان ..

بالنسبة للفكسان بقا ال قولته عن ارائك ..

فـ اظن انى من حقى وصف اراء اى حد بانها سليمه او فكسانه

طالما ده من وجهة نظرى ..

و طالما انا مش بفرض عليه انه يقول حاجه معينه ..

ده رأى ..

هو حر ..

ياخد بيه بقا او يرميه البحر ..

و عشان اديك مثال ..

ارائك فى الفتره الاخيره ..

انا شايفها فكسانه ..

و فى تصرفات فكسانه ..

زى ان فى وقت من الاوقات ..

انت كنت بتحظر ناس مختلفه معاك فى الرأى ..

و اظن انك قولت بنفسك مره ده ..

* *

اقتباس كن طبعا بالنسبة لـ(عبده كيوت) كشخص بيحب يعيش الجو الملائكي ..مش هيكون حلو ليه انه يلاقي في ناس كرهته عشان بيطبق القانون ..أو انه يثبت و يواجه ...فلقى ان الافضل ليه هو انه يتخلى عن أي مسؤولية و يتقوقع في موضوعه براحته و يعيش مع الملايكه

حلوه حكاية الكيوت دى ..

انا مش بحب اعيش جو ملائكى ولا حاجه ..

خانك التوفيق انت فى الوصف ده ..

اما عن المواجهه و الثبات ..

فـ اظن انى كنت ثابت و واجهت المشاكل ال قابلتنى ..

و ان كنت ناسى انت ..

انا افكرك ..

لما اتكللمنا فون ..

يومها انا انسحبت اعتراضا على تصرف من حنون ..

و كان الانسحاب نوع من انواع تسجيل المواقف ..

و يومها اتفقنا على نظام معين ..

فى الردود و النقل ..

و فعلا القوانين اتحطت و اتطبقت فعلا ..

يعنى انا ما هربتش ..

و ع فكره ..

انا شخصيا وقتها قولت فى الصفحات ..

ان الادارة و خاصة طارق ..

استحملونى و كانوا بيساندونى ..

يعنى انا ما انكرتش زمان ولا هنكر دلوقتى انك ما قصرتش معايا ^^ ..

كيوت بقا ..

اما بالنسبة لانسحابى فى الاشراف ..

فـ فعلا تواجدى تبع الحالة المزاجيه ..

و مش دايما بدخل كل المدونات..

حتى لو موجود 24 ساعه زى ما بتقول ..

فـ ببقا قاعد من غير تصفح للمدونات ..

لكن و انا مشرف ..

كنت ببقا مطالب انى ادخل كل المدونات و اتابع ..

و ع فكره ..

وقت ما انسحبت من الاشراف و قولت سلاماات ..

ما كانش فى اى مشاكل ..

مع اى حد ..

سواء مع الاعضاء ..

او الادارة ..

او رودى ..

* *

اقتباس لكن هتكتفي برمي كلمه بدون اي تفسير ليها ..فمش هقدر اقولك غير ان الكلمة سازجة أو عك من ضمن العك بتاعك اللي بتقوله

انا غالبا ما بقولش عك الحمدلله ^^ ..

حتى لما بقول ..

بعترف انه عك ..

عموما ..

هو العك الحقيقى ..

هو بناء كل حاجه على التخيلات و التفسيرات الشخصيه ..

بس ..

* *

اقتباس تعالى ناقش و اتكلم بموضوعية عن نقاط معينه اقدر أتناقش فيها معاك

جيت اهو و اتناقشت ^^

او بلاش اتناقشت ..

خلينى اقول انى كنت بوضح ..

ليك .. و لباقى الاعضاء الكِرام .. ^^