سجل دخولك برباعية جاهينية ... متجدد

[جبل عالي]

أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي !!

[جبل عالي]

إيش تطلبي يا نفس فوق كل ده حظك بيضحك و انتي متنكده ردت قالت لي النفس : قول للبشر ما يبصوليش بعيون حزينة كده عجبي !!

[جبل عالي]

يا حزين يا قمقم تحت بحر الضياع حزين أنا زيك و إيه مستطاع الحزن ما بقالهوش جلال يا جدع الحزن زي البرد ... زي الصداع عجبي !!!!

[جبل عالي]

علي بعد مليون ميل من أرضنا من الفراغ الكوني بصيت أنا لا شفت فرق بين جبال و بحور و لا شفت فرق ما بين عذاب أو هنا عجبي !!

[جبل عالي]

نظرت فوق للنجوم و انا ساير رجليا عترت في الحفر و الحجاير بقيت أقول و انا ع التراب: يا سلام مش بس عبره أخذت لكن عباير عجبي !!!

[جبل عالي]

إنسان أيا إنسان ما أجهلك ما أتفهك في الكون و ما أضألك شمس وقمر و سدوم و ملايين نجوم و فاكرها يا موهوم مخلوقه لك عجبي !!

[جبل عالي]

وقفت بين شطين علي قنطرة الكدب فين و الصدق فين يا تري محتار ح اموت .. الحوت خرج لي وقالي هو الكلام يتقاس بالمسطرة عجبي !!!

[جبل عالي]

نسمة ربيع لكن بتكوي الوشوش طيور جميلة بس من غير عشوش قلوب بتخفق إنما وحدها هي الحياه كده .. كلها في الفاشوش عجبي !!!!

[جبل عالي]

جالك أوان ووقفت موقف وجود يا تجود بده يا قلبي يا بده تجود ما حد يقدر يبقي علي كل شئ مع إن – عجبي – كل شئ موجود عجبي !!!