انام انا فين بقى ؟؟

[Lamees]

مسائكم \صباحكم زي الفل
اول مرة اكتب في يوميات الاعضاء حاجة
بس الفكرة بصراحة فرضت نفسها على القسم
زي ما شفتوا العنوان
انام انا فين بقى ؟؟؟؟؟
خليكم معايا كده وانا هحكيلكم الحكاية من الاول
قبل سنتين تقريباً او اقل شوي
كنا ساكنين في عمارتنا في حي شبه شعبي
يعني التعاون ،، الحب ،، الخوف على بعض ،،
المشاركة في الافراح والاحزان ،، في الاكل برضه ميضرش
يعني الناس الحشرية ،، يعني التدخل فيما لا يعنيهم ،،
يعني العيون ترصدك من اول باب العمارة لحد ما تختفي عن الانظار
يعني لو كلمتهم خنقوك ولو تركتهم نعتوك بالتكبر
كل ده مش مهم كنت متكيفة معاه
بس نيجي بقى للمشكلة الكبرى
الصبح في عز نومي ويا سلام بقى على الصبحية ونومه
زي ما يكون الواحد واخد منوم ومش عايز حد يفوقه
بس تنام مين بقى وسط الاصوات المزعجة
ستات شغلتهم الوحيدة الصبح الرغي بقى
ومن غير اي مجهود تعرف منهم اخبار الحي كله واسرارهم
والضحك بقى والكلام الواو اوي اوي
المهم ربنا كرمنا كده من عنده وانتقلنا من الحي ده
رحنا فين فين خمنوا معايا شويا
ها تعبتوا طب خلاص اقول انا
سكنا جمب فيلا المحافظ ومدير الامن واو واو واو
فين بقى هنا المشكلة حد يسألني بسرعة
الحياة كانت ماشية زي اللوز وعنب يا خوانا عنب خالص
لحد بقى يوم فض الاعتصام من بعدها مش عارفة انام ليه بقى
الصبح خلصت من رغي الستات اللاقي بقى اصوات الدبابات ماشية
والمدرعات رايحة جاية زي ما تكون بتلين
وشوية طايرات ميضرش انا بقى ربنا رزقنا بغرفة على الشارع
ولو جدعة نامي يا روني وسط الحرب دي
بقيت اردد بقى طول اليوم
انام انا فين بقى ؟؟
حد بقى يستظرف ويقولي
في المطبخ في السطوح في الجنينة في اي داهية
كان معكم من قلب الحدث محدثتكم روني ..~

[اشرف 2006]

ههههههههههههههههههههههههه


مش بيقولوا فى المثل


اللى مايرضاش بالخوخ يرضى بشرابه


ههههههههههههههههههههه


حد يسكن جنب الناس دى ؟؟؟


الله يكون فى عونك


مع تحياتى

[™Amiliya]

هههههههههه الله يكون في عونك
اعملي حيطة مانعة للصوت وانتي هتنامي مبسوطة

[morshooo]

يابنتى هى ( مدينه نصر )

ناقصاكى بصى هقولك حاجا

دلوقتى الناس بقت تخرج برا ( مدينة نصر )

لعدة اسباب منها القرف والزحمة مع انك بتكلمى عن

مكان المفروض انه من احسن الاماكن فى مصر عموما

عايزة تريحى دماغك اطلعى على ( العبور ) ( التجمع ) ( الرحاب )

^_^

زى مانا ماعملت كدا ^^

[واد حبيب]

وتنامي ليه اصلا
هيه البلد ناقصه حد ينام في الوقت دي
لزم تسهري علشان مصر تكون في امان
هههههههههههههههههههههه

[Lamees]

اقتباس المشاركة الأصلية كتبت بواسطة رائحة القهوة هههههههههه الله يكون في عونك اعملي حيطة مانعة للصوت وانتي هتنامي مبسوطة

انا ابني الحيطة واخد امر اعتقال مدى الحياة
هو في حد بيعرف يهزر مع الجماعة دول
نورتيني ايمليا

[Lamees]

اقتباس المشاركة الأصلية كتبت بواسطة morshooo يابنتى هى ( مدينه نصر ) ناقصاكى بصى هقولك حاجا دلوقتى الناس بقت تخرج برا ( مدينة نصر ) لعدة اسباب منها القرف والزحمة مع انك بتكلمى عن مكان المفروض انه من احسن الاماكن فى مصر عموما عايزة تريحى دماغك اطلعى على ( العبور ) ( التجمع ) ( الرحاب ) ^_^ زى مانا ماعملت كدا ^^

وتفتكر لو عملت كده هعرف انام
يعني اتكل على الله وانفذ ^ــــ^

[Lamees]

اقتباس المشاركة الأصلية كتبت بواسطة اشرف 2006 ههههههههههههههههههههههههه مش بيقولوا فى المثل اللى مايرضاش بالخوخ يرضى بشرابه ههههههههههههههههههههه حد يسكن جنب الناس دى ؟؟؟ الله يكون فى عونك مع تحياتى

تقول ايه بقى
مهو مش بمزاجي لوحدي
نورتني بس برضه مقلتش انام انا فين بقى ؟

[اميره الشعر الشجين]

ههههههههههههههه لابجد صعبتى عليه بصى محدش فينا اصلا بينام تنامى ليه بقى

واحلى حاجه تعمليها عشان تنامى اضربى حبيبتن وانتى هتبقى كويسه ان شاء الله

[Lamees]

اقتباس المشاركة الأصلية كتبت بواسطة واد حبيب وتنامي ليه اصلا هيه البلد ناقصه حد ينام في الوقت دي لزم تسهري علشان مصر تكون في امان هههههههههههههههههههههه

وهو انا اللي هحمي البلد
ده انا اول واحدة اتسرقت
مش لما احمي نفسي الاول ^ـــ^