انا واحمد يونس

[نور ونار]

اللى متابع اذاعه اكيد عارف المذيع المشهور احمد يونس
ده مذيع على الاذاعه نجوم اف ام واسم برنامجه
على القهوه بيجى تلات مرات فى الاسبوع
لمده ساعتين من 12\2
المهم احمد يونس فى برنامجه متعدد الفقرات
وكل فقره اسمها تربيزه وكل ترابيزه لها عنوان
فـ اخر ترابيزه فى الحلقه اسمها ترابيزه الرعب
بيقول قصه رعب بمؤثرات صوتيه صريخ
وخبط ورزع والكلام ده
وقبل كل قصه يقول من فضلكم اللى فى المنازل يهدى النور
او يطفيه خالص ويحاول يندمج معانا واللى فى الشارع فى العربيات
ياخد باله فى دخلات صوت صريخ مفاجىء عشان مش يلبس فى عمود
ولا حاجه هههههههههههههه
المهم عشان مش اطول عليكم طبعا سمعت الكلام وهديت النور
ولما يستحسن طبعا عملت الاحسن روحت مطفياه خالص
ومولعه نور اللى بره بس واصلى النور مع نور التليفزيون
عاملين جو حلو
هو بدآآ القصه من هنا وانا بقول لنفسى طبعا مش هخاف
ايه العبط ده طب ما انا بكتب قصص ايه يعنى
شويه كلام على ورق احنا سوابق بالصلاه على النبى يعنى
كانت القصه دى اسمها عماره الاشباح
وكانت الشبح اسمه فوزيه والبطل صاحب العماره اسمه صبحى
المهم هو بدآآ من هنا وسمعت الصريخ والصويت وانا بقول عادى
مع الاندماج فى الاحداث لاقيت النور الصاله اللى انا مولعاه عمال يولع
ويطفى وقتها قولت انا بيتهيالى وبدات اخاف ولا ايه
المهم حصل مرتين قدامى قولت لا دى ليله سودا النهارده ههههههههههه
قومت بسرعه مولعه نور الاوضه مش ولع !!
قولت احمد يونس بيزاولنى ولا ايه
هى الاشباح انتقلت هنا كنت بضحك على ازبهلال على خوف
بس انا عارفه انه توتر منى خلانى مش عارفه اتصرف
حد يقولى بقآآ اقفلى الهباب ده هقوله ولا فكرت اصلا
المهم النور الاوضه ولع الحمد الله وقولت مادام اللمبه بتهزر هطفيها
واما اشوف العفاريت دى هتعمل ايه النهارده
المهم الشبح فوزيه بتقول صبحى بطريقه غريبه وبصريخ تشيب اى حد
وكان لينا جار اسمه صبحى كل ما تيجى تصوت اقفل الصوت اصل يفتكر حد بينادى عليه
يقوم يصحى نص الليل اخربيت كدا
شويه لاقيت بابا صحى قالى هما الجيران عندهم حد متوفى هو الحاج صبحى جراله حاجه
سامع صريخ وصويت قولتله لا يا بابا نام انت انت بتحلم هع
المهم الليله كملت بفصلان النور
اليوم ده مش نمت زى البنى ادمين فى اوضى
بس اتصرفت ههههههههههه

[عاشق متيم]

دى اخرت الاستماع للبرامج .....
لأ وكمان مطيعة بتنفذى الكلام وتطفى النور...
وموقف بابا عسل
اوعى لنفسك المره الجايه للاشباح تخرج لكى من التلفزيون
وساعتها محدش هينقذك ؛ كله هيبقى نايم
موضوع حلو وضحكنى
وبالتوفيق فى الاشراف

[ساحر الأحزان]

المرة الى جاية حتلاقى صبحى وفوزية

معلقين احمد يونس من رقبتة

وحطوة فى اوضتك

على شان يحرم يلعب مع العفاريت

[™Amiliya]

ههههههههههههه تحفة يانور

انا اصلا بخاف من الضلمة خلي بالك كل الرعب بيحصل في الضلمة هههههههه

[♥..pure]

هههههههههه
عقلك البآطن عآمل عمآيله معآكي آهو
أخر مرهـ تتفرجي ع يونس دآ ,
المرهـ الجآيه ممكن متلآقيش شعرك خآلص ))

[اميره الشعر الشجين]

ههههههههههه طب وربنا ما فيه احلى من الظلمه انا بحبها ولما بكون لوحدى بطفى انوار الشقه كلها وبقعد

بس بجرى بعديها بشويه ههههههههههههه حلوه ياقمر

[✿ Celiηα]

مش اد الحاجة بتسمعيها ليه بس

ده انا سمعت منه قصص اد الرز :d

[نور ونار]

اقتباس المشاركة الأصلية كتبت بواسطة عاشق متيم دى اخرت الاستماع للبرامج ..... لأ وكمان مطيعة بتنفذى الكلام وتطفى النور... وموقف بابا عسل اوعى لنفسك المره الجايه للاشباح تخرج لكى من التلفزيون وساعتها محدش هينقذك ؛ كله هيبقى نايم موضوع حلو وضحكنى وبالتوفيق فى الاشراف

هههههههههههههه
ما انا اتعلمت بقآ
هسمع من غير ما اندمج
او هعمل استاند باى للريموت فى ايديا
اى توتر اقفل على طول ههههههههه
عاشق تسلم على حضورك وتعليقك
ودوام الضحك يارب
وتسلم على دعواتك وتبريكاتك لى
تحيتى

[نور ونار]

اقتباس المشاركة الأصلية كتبت بواسطة ساحر الأحزان المرة الى جاية حتلاقى صبحى وفوزية معلقين احمد يونس من رقبتة وحطوة فى اوضتك على شان يحرم يلعب مع العفاريت

هههههههههههههه
لا يا امجد روايه صبحى وفوزيه خلصت خلاص
دلوقتى فى روايه تانيه
بس رهيبه الرهيبات
جرب كده هتحبها اوى اوى ههههههههههه
نورتنى امجد

[نور ونار]

اقتباس المشاركة الأصلية كتبت بواسطة رائحة القهوة ههههههههههههه تحفة يانور انا اصلا بخاف من الضلمة خلي بالك كل الرعب بيحصل في الضلمة هههههههه

ههههههههههههه
ايون اسالينى انا
منا جربت النور كان بيلعب مع الصريخ
هههههههههه
ربنا يستر بقآآ
دوم الضحك يا جميله
نورتينى