حلقه جديدة من ( لـــو ) معانا ( ضحكة القمر )

[morshooo]

بسم الله الرحمن الرحيم

مزاج الخيرات

المنتدى مش عاجبنى يا ( أدارة ) ^^

المنتدى الفترة دى فى حاله بيات شتوى

ودا كلنا واخدين علية مع بداية الدراسة المنتدى بينااااااام

بس الواضح ان الاعضاء بتتجمع على المواضيع ( الترفيهية )

خلال فترة الدراسة فياريت الاعضاء تبقى تخف شوية فى مواضيعها

واشتغلو اليومين دول على المواضيع ( الترفيهية ) واهو مش هيبقى

مزاكرة ودروس وكورسات وكمان مواضيع المنتدى

النهاردة حلقة جديدة من برنامج

( لـــــــــــو )

ضيفة حلقة النهاردة

المتميزة /

ضحكة القمر



تعالو نشوف مع بعض المواقف الـ

( لـــــــو )

اتحطط فيها هتتصرف فيها ازاى

الاسئله الخاصه بالمنتدى

( لــــــــو )

1 / بعد تعيينك مشرفه لقيتى الادارة بعتالك رساله ان اخر يوم ليكى النهاردة والسبب انك مقدرتيش تعملى حاجا فى القسم ؟
هتعملى ايه ؟

مش هزعل خالص بالعكس هكون سعيدة جدا
وهعرف ان فى حد يستحق يكون فى المكان ده
غيرى وجدير بيه
وهيقدر يعمل الا انا قصرت فيه
واكيد الادراة شايفة الصح
وهبعت رسالة شكر للادراة لجميل نشاطها
واهتمامها برقى المنتدى
لان كل يهمنى تقدم ورقى المنتدى
لانى بحب المنتدى ده جدا وبعتبرة بيتى الثانى
واول سوال سالته قبل ماوافق انى اكون مشرفة
دور المشرف الا مفروض يقوم بيه
علشان اشوف هقدر اكون جديرة بالاشراف ولا لا
وانا من البرنامج الجميل ده بوجة رسالة للادراة
لو فى عضو يستحق يكون مشرف
وياخذ مكانى فى الاشراف معنديش مانع
وهتنمى له التوفيق
لان انا استطيع الحمد لله اثبت وجودى وانا عضوة
مش لازم اكون مشرفة علشان اثبت وجودى
فى اعضاء ماشاء الله نشاطهم واضح
مش مهم عندى اكون مشرفة اوعضوة
المهم انا هقدر اقدم ايه

( كفاية لاحسن قربت اعيط وانا من مكانى هذا اتمنى من الادارة تعينها سفيرة النوايا الحسنة بالمنتدى )

2 / عضو بعتلك اسئله عشان يستضيفك وسئلك عن حياتك وصفاتك وفى الاخر قالك ( مش هنزل الحلقه عشان اجاباتك مش عجبانى ؟ هتعملى ايه ؟

انا هتكلم بكل صراحة عن حياتى
وهذكر عيوبى قبل مميزاتى
و اجاباتى الحمد لله هكون راضية عنها
وده الا يهمنى شكلى امام نفسى فقط
مش هعمل حاجة ولا هزعل طبعا
لان اختلاف الراى لا يفسد فى الود قضية
لان مش برنامج
هو الا هيزيد من شخصيتى
ولا البرنامج هو الا هيقلل من شخصيتى
شخصيتى هتفضل هى شخصيتى الا بحبها وبحترمها
سواء بعرض البرنامج او لا
مش هيزيد عليها حاجة ولا هيقلل منها حاجة

كان فاضل تقولى كلمه ( شخصيتى ) كمان مرتين ونديكى وسام ( شخصيتى ) )

3 / عضو بعتلك رساله خاصه بيطلب الايميل بتاعك ووافقتى وقعد يقولك بحبك واعجب بيكى وبعد ما اكلمتو طلع قريبك فى الاخر ؟ هتعملى ايه ؟

اولا انا معنديش ايميل اعطية له
انا اصلا مسجله هنا فى
المنتدى بى ايميل صديقتى الا نتيم
وعلاقتى باى عضو م انه اخى فى الاسلام
و فى حدود االاحترام المتبادل
يبئا السوال مش هينطبق معايا خالص
بس بردوا هقولك هعمل ايه
هنصدم فى البداية
بس هحاول انقذ الموقف بسرررعة
هقوله انا كنت عارفة انك قريبى بس
كنت بختبرك

( وفى الاخر هنلاقى ان 50% من شباب مصر معاهم ايميل ضحكة القمر )

4 / بتكتبى رساله لزميلتك فى المنتدى وبعتلها رقم موبيلك عشان تكلمة وبعد اعتماد الرسله اكتشفتى انك بعتيها لولد ؟ هتعملى ايه ؟

طبعا هرتبك جدا
وهموت من الكسوف
وهقفد الذاكرة
وبعدين لما ترجع تانى ليا بعد دقائق
هغير رقمى
وابعت رسالة اعتذار للعضو ده هعتذر له
وهقوله سورى مخدتيش بالى انا كنت ببعت الرقم ده لصحبتى مش لحضرتك
ولو تقبل اعتذارى مشكور ع كدة
متقبليش هكون كدة كدة غيرت الرقم

( شكلها هتبعتلة رسالة اعتزار وفى اخرها وانا غيرت رقمى على فكرة ودا رقمى الجديد )

5 / عضو من المنتدى نزل توبيك وقال انه كلمك وقابلك ونزل صور بنت على اساس ان انتى مع انك والا شوفتيه والا كلمتيه ؟ هتتصرفى ازاى ؟

هتقبل الموقف بهدوء شديد
وهرد ع العضو ده باسلوب محترم ومهذب
وهقول للعضو الا بيدعى انه يعرفنى
يجيب دليل واحد انى كلمتة قبل كدة
وطبيعى مش هيعرف يرد عليا
لان الحمد لله علاقتى محدودة فى حدود الاحترام المتبادل مع الكل
وطبعا هقول مش انا الا فى الصور دى
لانها مش صورتى هكون انا ازاى
ولا اى حاجة من دى حصلت
وانا متاكدة الا يعرفنى كويس
هيعرف ان من غير ما اتكلم وارد
ان ده مقلب وكلام مش حقيقى
ودة الا يهمنى
وفى الاخر لازم ربنا هيظهر الحق
الان الافتراء والكذب عمره ما هينتصر على الحق

( وساعتها هنزلكم صورتى الحقيقية عشان تتاكدو بنفسكم انه كداب وواااطى )

الاسئله الشخصيه

( لـــــــــو )

1 / قاعدة فى الشقه لوحدك ولقيتى الباب بيخبط ولما فتحتى طلع واحد شارب ومتنيل ومقتنع ان دى شقته ؟ هتعملى ايه معاة ؟

يا نهار ابيض طبعا هموت من الخوف
بس هحاول اتظاهر بالقوة
واحاول افقل الباب تانى
ولو معرفتيش هجرى ع اى اوضة بسرعة
علشان اتصل ع بابا يجى يتصرف معاه

( تجرى على اى اوضة )



2/ ماشيه فى الشارع ولاحظتى ان الناس كلها عماله بتبصلك وتضحك وتشاور عليكى ؟ هتعملى ايه ؟

ليه بلياتشو ماشى ولا ايه
هكمل طريقى عادى ولا هتم
لانى واثقة الحمد لله ان مفيش فيا حاجة ولا ملفته
ولا حاجة تستدعى الضحك
هتم ليه
وممكن يكونوا بيضحكوا ع حاجة تانية هو مفيش غيرى ماشى
يعنى
وبالنسبة للناس ربنا يسعدها دائما

( ماشاء الله البنت شمعه تحترق من اجل الاخريين ^^ )

3/ دخلتى شارع فااااااااضى وفجاة لقيتى ناس كتير جدا فى وشك وعمالين يصوتو ووقفين حوليكى ؟ هتعملى ايه ؟

هو ايه حكاية الناس معايا
ههههههههههههههه
هما سايبين كل حاجة
وماشيين ورايا فى كل شارع كدة
وايه لازم يكون شارع فاضى
يعنى انا المقصودة
لا انا همشى من الشارع واروح البيت
لحد ما يصوتو براحتهم
ابقى اخرج تانى



4 / ماشيه مع مامتك وقابلك ولد وقف سلم عليكى وقعد يرغى وازيك وفينك وانتى والا تعرفيه ؟ هتعملى ايه انتى ومامتك ؟

لو هو مش قريبى يبئا مش هكون اعرفة ولاحاجة
وبالتالى اكيد والداتى متعرفوش
يبئا فى الحالة دى الا هيتصرف معاه والداتى مش انا
وهتقول له انت غلطان انت تقصد حد تانى واكيد لما هيعرف انه غلطان
هيعتذر ويمشى وهنكمل طريقنا ولا اى حاجة حصلت

( هاتولى البت دى من شعرها اية البرائة دى )

5 / بما اننا خارجين من عيد وطبعا مامتك فكراكى الخدامه الى جابتها وطلبت منك تغسلى السجاد وفجاة وانتى قاعدة بتغسليها لقيتى ( فأر ) قاعد جنبك ؟ هتعملى ايه ؟

يا مااااااااااااااااااااااااااااامى
لا انا فى المواقف دى شجاعة جدا
هقوله خاليك زى ما انت واطلع اجرى
فى الحالة دى الجرى نصف الجدعنة

( يعنى كلنا هنحسد الفأر انه قعد جنبك على سجادة واحدة )

وبعد ما ضيفتنا هتجرى لما تشوف

حبيبها الفار الصغير

يبقى خلاويص انتهت حلقة النهاردة

انتظرونى وحلقة جديدة وضيف جديد فـ

( لـــــــــــو )

[-esraa-]

هههههههههههههههههه تعليقاتك يا مورشو ممكن تخلي ضحكة ترمي نفسها من أقرب شباك:d

اقتباس ( هاتولى البت دى من شعرها اية البرائة دى :d )

انت كده ممكن تحطم برائتها = ))

لا حلقة حلوة جدا تسلمو

[Lamees]

حلقة جامدة مع عضوة اجمد
رائعة في الردود لذيذة بريئة جداً
شكراً مورشوو للحلقة
وفعلاً تعليقاتك مضحكة جداً

[احساسى صحيح]

/ قاعدة فى الشقه لوحدك ولقيتى الباب بيخبط ولما فتحتى طلع واحد شارب ومتنيل ومقتنع ان دى شقته ؟ هتعملى ايه معاة ؟

يا نهار ابيض طبعا هموت من الخوف
بس هحاول اتظاهر بالقوة
واحاول افقل الباب تانى
ولو معرفتيش هجرى ع اى اوضة بسرعة
علشان اتصل ع بابا يجى يتصرف معاه

( تجرى على اى اوضة


.
........................................

ههههههههههههههههههههههههههههه
وهتتصلى على بابا يجى بسرعة ألطم ولا اصوت
لا حلوة بجد الحلقة تسلموا

[حَرفُُ هجآءّ]

ايه ده يابنتى ؟
ده انتى طلعتى فريسه سهله لو حرمى دخل بيتكم هههههه
هما قلمين وهتعترفى بكل حاجه ههههه
بس حلقة جميلة اووى واجاباتك بريئة
نورتى الحلقة
وتسلم مورشوووو

[العاشق الذى لم يتب]

أهلال وسهلا
ومرحبا ومليون سلام ليك يارشرش
مرشو الغالى أخويا أحمد
والله وحشنى ياأبن الأيه
صراحة انت من اتجوزت
ونورت خالص
وبقيت سكروعسل
نفسى أجوز وأبقى سكرزيك
بس شكلى هفضل طول عمرى ملح
وأيه ياأخويا احمد الاسئلة المعفرتة دى
يااخى بطل شقاوة
مافيش فايدة فيك
البت ضحكة قمر
دى حكاية كبيرة
وعلى فكرة وعلى الهواءمباشرة
أناهعلن أنها صحبتى خالص
وانا وهى أحباب خالص
وكمان ماعديش رقما الاولانى عندى الجديد
وتقريبا انا وهى متفقين على الزواج
بس ماحدش قال للتانى
الغالية العظيمة ( نرمين)
لو ماحدش عارف المعلومة
هى بتشتغل فى البنك الأهلى فى مدينة المنصورة
علشان هى من أوائل الدفعة فى كلية التجارة
يانرمين لو المعلومات دى غلط
أبقى ماتزعليش منى
عسولة خالص صنرمين
وانسانة طيبة جدا
وطيبة اهل المنصورة موجودة فى جميع إجابتها
بس أنازعلان منك
علشان طلبت منك طلب من يومين وطنشتيى
اتمنى ليك كل السعادة ياغالية
وتسلم يارشرش
ونعيش ونتمتع ببرامجك الجميلة
تشرفت بيكم
مودتى

[™Amiliya]

ههههههه اللقاء جميل اوي وضحكة فعلا بريئة موت
وتعلقياتك انت ملهاش حل ربنا يصبرهم عليك والله هههههه

منورة ياضحكة

[פﭠة ﺳگـړُھَہّ]

هههههههههههههههههههههههه
ضحكتنى آمورشو ههههههههههه
والضيفه زى العسل بجد
فى انتظار الجديد