لو كان على أنا

حجازى فارس المصرى · منذ /10-24-2013, 12:30 AM

لو كان على أنا
أجيب القمر فى إيدك
واعملك عقد نجوم
واثبتلك إنى باريدك
واخدك على طول على فوق
ونسيب دنيا الناس
وتشوف فى قلبى الشوق
وكل نغم إحساس
لو كان على أنا
أعدى بيك البحر
ولا نقطة مية تمسك
واعفص ع/الشوك والصخر
وأعيش ويا أحاسيسك
واعبرها جبال وصحارى
ومن قلبى تاخد زادك
ومن قلبى تطفى نارى
دالبعد لى عذابك
لو كان على أنا
أفديك بعمرى ومالى
ولا اشوف فى عنيك الحزن
داما حالك دا من حالى
والقلب فاتح بالإذن
وابنيلك قصر بورد
ويكون خدمه الحور
دا بضحكة جنب الخد
أحزانى تبقى سرور
لو كان على أنا
من شمس الصيف أحميك
ولا عمرى أقول الآه
ومد لى إديك
وأملنا نعيش وياه
وف-الشتا أكون دفاية
تدفى بيها م/البرد
ولا اقول بس كفاية
مهما الزمن اتعد
لو كان على أنا
تاخد نفسى منى
ساعة مايجيلك الموت
وتعيش الدنيا بسنى
وياخدنى بدالك الموت
لو كان على أنا
***************
بقلمى/صعب نسيانك-حجازى

yasmena512 · منذ /10-24-2013, 05:02 AM

mashkuur 3ala mawdu3

Lamees · منذ /10-24-2013, 05:20 AM

كلمات جميلة جدا...
استمتعت بقراءتها
شكراً لك ..لامتاع ذائقتنا
شكراً من القلب

العاشق الذى لم يتب · منذ /10-24-2013, 08:57 AM

اقتباس

المشاركة الأصلية كتبت بواسطة yasmena512


	mashkuur 3ala mawdu3

ياسمينا
انازعلان منك
مشكوراحلى موضوع
مالها لوكتبتيها بلغة الست ماما
ولاماما مزعلاك فى حاجة
سامحينى لحسن بتقهر شوية
وبعشق لغة امى

العاشق الذى لم يتب · منذ /10-24-2013, 09:02 AM

آه ياحجازى ياأخويا
تموت بدالها
وهى شاغالة تقرطس فيك
وتستغلك
وتلهف القرشين بتوعك
وهى اصلا ولاحبتك ولانيلة
غير شوية كلام
معسولين
وهى بتقولهم لسبعة تانيين
أسالنى أناعارفهم
والله شوفت بعنيا ماحدش قالى
وانت تطلع السما
وتجيب القمروالنجوم ليها هدية
وتغوص فى قاع البحار
وتحضر ليها اللؤلؤ والمرجان
وتسافرالبارارى والسحارى
وتعبرالوديان والسهول
وتحلم وتحلم
وفى الآخر أنت فى كابوس
ربنا يكون معاك وعايا
تسلم شاعرنا الكبير
مودتى