اهداء الى امى الحبييه

[مالى سوى الله حبيب]

الهارده اليوم السنوى لوفاه أمى تمت 12 سنه ميته وبعيده عنى 12 سنه من عمرى وهو عمرى لاشفتها ولا اعرف حتى شكلها حبه النهارده اهديها الكلمات دى أمى.... ديما وأنا لوحدى بفكر كتير فيكى بفكر ازاى لو كنت جنبى ازاى كانت حياتى قلولى عنك كلام خلانى اشتاق ليكى قولولى اد أيه يا امى بحور الحنان جواكى جبتينى للدنيا وسفرتى السما وسبتينى طب ااقلها كنتى قبل ما تمشى ضمينى كنت ساعتها هعرف معنى حنان الام أيه لاشفوتك يا عمرى ولاا نتى ياعمرى شفتينى وحبك جوايا بيجرى فى دمى وشراينى بس يأمى لو تعرفى اد ايه عشقى ليكى هتقولى أد السماء هقولك لاء دى مش حاجه يانور عينى هتقولى اد البحور هقولك لاء يا روحى وقلبى وسنينى انتى حبك جوا قلبى كون ملكوت جوايا ملينى وميعلمش الملكوت غير الا خلقه ربنا بس يعلم حبى ليكى امى كان نفسى اقول الكلمه دى بس ليكى أنتى مش لغيرك اصلى أنا حته منك وانتى منى ولعمرى هلاقى ام غيرك يمكن انا مشفتكيش ومعرفش ازاى الامومه هتكون فيكى بس كل الا انا اعرفه أنك بجد وحشتينى تعرفى يا امى لما بشوف أم بتحضن ولدها بحب قدامى بتدمع عيونى فى لحظه وبتنى فى كل لحظه تكونى قدامى اشكيلك حمولى واحضنك وتخففى عنى هموم ايامى بيقولى ضحكتى زى ضحكتك حبتها ياأمى علشانك بيقولى انى بشبهك حبيت نفسى وصورتى علشانك بس يأمى صعبه اووى ... اوووى بجد الحياه من غيرك انتى دلوقتى فى الجنه وبابا معاكى وانا هنا لوحدى بس انا مش زعلانه عشان عرفه ان دا اختبار من ربى بس لما الحياه بتشتد بيا وملقيش حضنك يا امى يا صبرنى والايام تقوى عليا ومفيش أب يحميلى ضهرى تصعب عليا بجد روحى وتزيد الاحزان فى قلبى بس لاء الا خدكم منى معايا فى كل لحظه وجنبى يوم ما بتسيل دموعى بحس بطمئنينه بتواسى قلبى لامن الناس الا حواليا ولامن حبايب جنبى لاء يا أمى دا احساس اجمل عشان بيواسينى ربى أمى كان نفسى اقول الكلمه دى ليكى يا قلبى ومهما لفيت فى بلاد الدنيا مش هلاقى غيرك أمى معايا صوره ليكى ايون بس رسمتها فى حلمى أنى بين ايديكى بنلعب وبنرقص وبنغنى انا كل يوم بعيش الحلم دا يأمى وبشوف فى كل ام انها امى بس مش هلاقى زيك بردو يامى اهداء الى امى ابنتك الحبيبه ملك

[بلدنا في القلوب متشاله]

كلماتك من اجمل ما قرأت غاليتي
رحم الله والديك

واسكنهم فسيح جناتكـ

شكـــررا

[ويبقى الأثر]

ربنا يرحمها غاليتى
يقيم ويثبت
لروعة الاحساس
ولى عوده للرد ان شاء الله

[Lamees]

ما هذا المساء دخلت الى هنا
ولا اعلم اني على موعد مع الدمع
كلمات هزت كياني واحسست فيها مرارة الفراق
غاليتي قمة في الاحساس والروعة
رحم الله والديكي واسكنهم فسيح الجنان
لكي مني كل الود

[جبل عالي]

ياالله ياالله ياالله

سامحيني ياملك ..... كنت جبانة أوي لما شفت عنوانك

هربت بعيد وداريت خوفي من كلماتك

واللي حسبته لقيته وأديني والله ماعارفة أقولك ايه

أي كلام عمره ما يجدي هنا أبداً

ولا حتى أعتى الشعراء يقدروا يقفوا قدام

قلب بينبض هنا بين إيدينا ..... قلب خرج من جوفك

وإترمى وسط الحروف والكلام

يصرخ يقول ياناس عايز أقولكم اللي جوايا

اسمعوني مش عايز غير بس احكيلكم أسايا

دقاتي بعيدة بس الغريب ساكنة جوايا


ملك ....... اروع وصف وصفتيه هنا

ربي يحميكِ ويسعد قلبك ويثبته على حبك

[بحر النسيان]

بجد كلمات رائعه

بجد ابكيت لحسن اختيار الكلمات

وبجد ربنا يرحمهم ويرزقهم الفردوس الاعلى

وده صحيح حكم الله بس فعلا المشكله الوحيده هى الفراق

كلمات احيكى عليها من صميم قلبى

[مالى سوى الله حبيب]

[quote=بلدنا في القلوب متشاله;4221618]كلماتك من اجمل ما قرأت غاليتي
رحم الله والديك

واسكنهم فسيح جناتكـ

شكـــررا[/quoteآمين يارب اشكر مروركم

[مالى سوى الله حبيب]

اقتباس المشاركة الأصلية كتبت بواسطة قيثارة الصمت ربنا يرحمها غاليتى يقيم ويثبت لروعة الاحساس ولى عوده للرد ان شاء الله

اشكرك قيثاره الصمت للمرور

[مالى سوى الله حبيب]

اقتباس المشاركة الأصلية كتبت بواسطة ro♥ony ما هذا المساء دخلت الى هنا ولا اعلم اني على موعد مع الدمع كلمات هزت كياني واحسست فيها مرارة الفراق غاليتي قمة في الاحساس والروعة رحم الله والديكي واسكنهم فسيح الجنان لكي مني كل الود

أختى رونى ابعد الله عنكى الدموع نورتى

[مالى سوى الله حبيب]

اقتباس المشاركة الأصلية كتبت بواسطة جبل عالى ياالله ياالله ياالله سامحيني ياملك ..... كنت جبانة أوي لما شفت عنوانك هربت بعيد وداريت خوفي من كلماتك واللي حسبته لقيته وأديني والله ماعارفة أقولك ايه أي كلام عمره ما يجدي هنا أبداً ولا حتى أعتى الشعراء يقدروا يقفوا قدام قلب بينبض هنا بين إيدينا ..... قلب خرج من جوفك وإترمى وسط الحروف والكلام يصرخ يقول ياناس عايز أقولكم اللي جوايا اسمعوني مش عايز غير بس احكيلكم أسايا دقاتي بعيدة بس الغريب ساكنة جوايا ملك ....... اروع وصف وصفتيه هنا ربي يحميكِ ويسعد قلبك ويثبته على حبك

جبل عالى لا عليكى بس ردك عجبنى جدا اشكر مرورك