فرااااغ

[™Amiliya]

حطيت اللاب توب على رجلى.......ده انسب مكان ليه في كل حالاتي وقمت شغلت بوب مارلي ...

وجيبت قهوتي واستعديت لبداية الساعة الاولى على النت

بدايتها دائما بصفحتي على الفيس بوك وصفحات اصدقائي ومتصفحاتهم الممتعة

بعدها بيدج مشتركة فيه اقرأ المشتركين بيقولو ايه وبينقلو ايه لينا

المهم الشهر دا كان شهر صعب اوي عليا مليان احداث ومتعلقات وامور مش بحب تلغبطلي حياتي

ولكنها نجحت في كدا

بقيت اعيط اوي وفاجاة اضحك لاي سبب وانسى اني عيطت او اتخنقت بعدم وجود تيتا جنبي

فقدانها غير معتاد خاصة ان احداثنا سوا طول العمر

عارفين احساس فقدان الام عند الايتام دا بالظبط الي جوايا والاصعب من دا انك تترجى انك متكونش

يتيم في عيون الي بيحبوك او بيخافو عليك

ودايما كلمتهم انت قوي وشخصيتك هتقويك ( هو الفقدان واليتم فيه قوي وضعيف ) انك تتقلص على احزانك

حتى وانت بتتجمل بفرحة مش موجودة او ابتسامة باردة بس لازم تقوم بدور مش دورك لان الي حواليك

مالهمش ذنب في حالتك دي

حتى لو قلك حد انا قريب منك واشكي وابكي في حضني دا مش معناه نتقل عليهم لان الحالة الي

بنكون فيها بعد موت حد مستمرة لغاية وقت غير محدد وحسب قرب الحد دا منك او بعدو

وحسب طريقة تعبيرك عن حزنك وطريقتك في خروج الحزن منك

اكتر كلمة توجعني لما حد وسط كل حزنك دا يقولك اضحك الحياة فيها اكتر .... قد ايه سهل على الي

قدمنا ومعانا انو يقول كلام مش موزون في وقت انت مش مستعد لسة تسمعو

مش اي حد فينا بيعرف يختار الوقت ولا الكلام ومش اي حد بيكون قادر يحتويك وانت من جواك لسة وحيد

مع الاسف

الوحدة الحقيقية من وجة نظري هو فراغ من جواك من حضن حد اتعودت يحضنك في كل حالاتك وفاجاة

صحيت لقيت برد صقيع بيقتحم ضلوعك وانت ساكت مش بايدك حيلة لانك عاجز لسة

بتملى وقتك بكل الاعمال ومش بتدي نفسك فرصة للفراغ بس من جواك عارف انك بتكدب على نفسك

ومش مستعد لاي ضغوط تتفرد على ضهرك عشان كدا بتهرب منك ومن الي حواليك

ودا ابسط تعبير انك لسة مش بخير

-


ايميليا

[اشرف 2006]

رائحه القهوه


موضوع رااااااااائع ونعانى منه جميعا وخاصه كلماتك المبدعه :-


الوحدة الحقيقية من وجة نظري هو فراغ من جواك من حضن حد اتعودت يحضنك في كل حالاتك وفاجاة

صحيت لقيت برد صقيع بيقتحم ضلوعك وانت ساكت مش بايدك حيلة لانك عاجز لسة

بتملى وقتك بكل الاعمال ومش بتدي نفسك فرصة للفراغ بس من جواك عارف انك بتكدب على نفسك


والاصعب عندما تعانى الوحده مع نفسك ذاتها فلا تعرفين ماذا تريدين وعمن تبحثين


اصلح الله احوالنا جميعا ووفقنا لما فيه الخير


تقبلى تحياتى

[Lamees]

ربنا يعوضك خير ايمليا
هي الحياة كده بنفقد فيها من نحب
وليس لنا غير قول الحمد لله
وان اشتقنا لهم واحتجنا لاحضانهم تذكرناهم
ونقول يارب هو نعم المولى ونعم المصير

[™Amiliya]

اقتباس المشاركة الأصلية كتبت بواسطة اشرف 2006 رائحه القهوه موضوع رااااااااائع ونعانى منه جميعا وخاصه كلماتك المبدعه :- الوحدة الحقيقية من وجة نظري هو فراغ من جواك من حضن حد اتعودت يحضنك في كل حالاتك وفاجاة صحيت لقيت برد صقيع بيقتحم ضلوعك وانت ساكت مش بايدك حيلة لانك عاجز لسة بتملى وقتك بكل الاعمال ومش بتدي نفسك فرصة للفراغ بس من جواك عارف انك بتكدب على نفسك والاصعب عندما تعانى الوحده مع نفسك ذاتها فلا تعرفين ماذا تريدين وعمن تبحثين اصلح الله احوالنا جميعا ووفقنا لما فيه الخير تقبلى تحياتى

فعلا اشرف الوحدة.مش مصطلح سهل المعنى انها اقسى من مجرد كلمة

نورتني بوجودك لعطر

[™Amiliya]

اقتباس المشاركة الأصلية كتبت بواسطة ro♥ony ربنا يعوضك خير ايمليا هي الحياة كده بنفقد فيها من نحب وليس لنا غير قول الحمد لله وان اشتقنا لهم واحتجنا لاحضانهم تذكرناهم ونقول يارب هو نعم المولى ونعم المصير

عارفة ياروني الاصعب من الذكرى هو انك بتتقلصي ع نفسك وع مترجعي لطبيعتك
بتلاقي انك فقدتي حاجة جواكي وفي حاجة مش متوازنة حصلت

دام تواجدك الذي احب

[نور ونار]

قريت فضفضتك
كانى بكلم نفسى
وابلغ كلام هى لحظات الصمت
التى هى فقط من تعزينى
فذلك كل شعور من فقد عزيز لديه
وتتلونى لكى تقولى انا بخير
لا تقلقوا من اجلى
وانتى تحترقى من داخلك
غاليتى
ربنا يسكنها فسيح جناته
وكل غالى لديك فارق الحياه
وظلى دوما بخير
اكراما لها

[™Amiliya]

اقتباس المشاركة الأصلية كتبت بواسطة نور ونار قريت فضفضتك كانى بكلم نفسى وابلغ كلام هى لحظات الصمت التى هى فقط من تعزينى فذلك كل شعور من فقد عزيز لديه وتتلونى لكى تقولى انا بخير لا تقلقوا من اجلى وانتى تحترقى من داخلك غاليتى ربنا يسكنها فسيح جناته وكل غالى لديك فارق الحياه وظلى دوما بخير اكراما لها

اسكن الله جميع من فارقنا جنته والحقنا بهم في دار الخالدين

نورتيني نور بعطرك

[اميره الشعر الشجين]

أختى الغاليه .... دوما هو احساس الفقد ما يعوق خطواتنا فى الحياه ولكن هكذا الدنيا نلتقى بها على طرقات

ثم نفترق على مفترق طرقها مهما كانت السبل الا ان الحياه لن ولن تقف لطالما املنا فى الله

فا الله يعين ويصبرنا فى كل ما نمر به من محن

اسعد الله قلبك غاليتى

موضوع حلو وسرد راقى دام التميز

[دمعه حائره]

احساس اليتم والفقد مالوش سن بيتساوى الكبير مع الصغير
انك تفقد انسان عاش معاك كل مراحل عمرك دى اقسي حاجه ممكن تحسها
بتلاقى نفسك تايهه مش عارف طريقك ولاحاسس باى متعه فى الدنيا
فعلا وصفتيه صح جدا خواء وبرد ومافيش حد يقدر يبدله
موضوعك اثر فيا وكأنك بتتكلمى عليا
ربنا يرحم جدتك وجدتى وجميع اموتنا

[™Amiliya]

اقتباس المشاركة الأصلية كتبت بواسطة اميره الشعر الشجين أختى الغاليه .... دوما هو احساس الفقد ما يعوق خطواتنا فى الحياه ولكن هكذا الدنيا نلتقى بها على طرقات ثم نفترق على مفترق طرقها مهما كانت السبل الا ان الحياه لن ولن تقف لطالما املنا فى الله فا الله يعين ويصبرنا فى كل ما نمر به من محن اسعد الله قلبك غاليتى موضوع حلو وسرد راقى دام التميز

فعلا لا وجود في الخلود ع الارض وجميعنا سنرحل بااجل مسمى

منوراني دايما اميرة الشجن