هي حماتي شكلها ايه؟

[™Amiliya]

افلام كتير كانت بتتكلم عن الحموات والكنة او مرات ابنها بمعنى اوضح

وحكاوي كتير في المجتمع النسائي عن قصص الحموات المختلفة والمثيرة للضحك والاستغراب والتريقة

معرفش ليه في مجتمعاتنا العربية الكلام عن الحموات بيبقى اول القائمة واخرها

لو هنتكلم بمثالية يبقى هي زي ممتي ورعايتي ليها واجب وزوء واحترام ومعرفش ايه

بس لو هنتكلم في الواقع هقولك حاجة مهمة اوي ( الامهات بتربي بناتها ع ان حماتها هي ضرتها الي لازم تتخلص منها )

ودا الواقع الملموس الي بنشوفو ومتكرر ولو البنت احسنت معاملتها هتلاقي حماتها قاعدلها بالمرصاد تحت مبدا خدت ابني مني وهتنسيه امو وانها بتعمل حركات عشان تبين لابنها انها احسن منها

وتقعدلها ع الوحدة وطبعا التانية بتترصد ليها بردو وكل واحدة مترقبة التانية عشان تشهر عليها السلاح والحرب والبقاء لاقوى

عارفين العيب فين في حياتنا في بيوتنا

لو اتربينا في بيتنا ان حماتك زي امك او ع الاقل لو بتحبي جوزك وتحترميه هتحبي اي حد من طرفو وتقدريهم وتكرميهم

ولو هو بردو اتربى في بيتهم ع كدا

اعتقد هتفرق اوي في التعامل مع الي يخص الاطراف سواء هي او هو

مش طالبين مثالية قد منكون طالبين تربية وتحكيم ضمير ودين
لازم افكر انا كمان ياترى هكون لمرات ابني حما طيبة ولا شريرة

لالا السؤال المهم ( هي حماتي و حماتك شكلها ايه؟؟؟

يارب استر

-

ايميليا

[SiLver Spectra]

المشكلة ان دماغكم صغيره بس )

[Lamees]

فعلاً يا رب استر
شكلها ايه معرفش
بس مهما كان شكلها
عمرها ما هتكون زي ماما
وبصي بقى انا لعايزة اشوفها ولا تشوفني

[احساسى صحيح]

كل واحد ونيتة بقا يا ايميليا

[big bốss]

حماتك شكلها كدا

هتقلك بالاحضان يا مرات ابنى

و انتى تقللها لا يا طنط من بعيد لبعيد

[تجملت بالعفآف]

عاوزه الحق أي بنت بتكره أسم حماه

بس لو نظرنا ليها من ناحيه اخري

هتلاقي أنه ميستهلش الموضوع نفكر فيه كدا

لأنه من الممكن تكون الحماه أحن عليكي من زوجك

وممكن العكس وتفائلي خير

[™Amiliya]

اقتباس المشاركة الأصلية كتبت بواسطة silver spectra المشكلة ان دماغكم صغيره بس )

هههههه يمكن صغرها هو الي مخلنا مميزين يادكتور
ويمكن لو كبرنا دماغنا تكون العواقب وخيمة

[™Amiliya]

اقتباس المشاركة الأصلية كتبت بواسطة ro♥ony فعلاً يا رب استر شكلها ايه معرفش بس مهما كان شكلها عمرها ما هتكون زي ماما وبصي بقى انا لعايزة اشوفها ولا تشوفني

صدقيني روني مش لازم نكون داخلين حياتنا معاها بعداوة وتحفز
اصل كل ام بتكون مع ابنها شكل تاني مش متخيلة ان حد هيشاركها فيه
حتى انتي بكرة لما ربنا يكرمك هتعرفي دا
جدتي كانت بتقول ربنا يرحمها ان كل مكنتي مع مامة جوزك كويسة وراعيتي ربنا في معاملتها
كل مجوزك حطك فوق راسو تاج
الموضوع بس حسن نوايا ومعاملة حسب متربينا في بيت اهالينا بس لا اكتر
وصدقيني محدش مبيلينش في الاخر من المعاملة الطيببة

[™Amiliya]

اقتباس المشاركة الأصلية كتبت بواسطة احساسى صحيح كل واحد ونيتة بقا يا ايميليا

ههههههه النوايا بيضاء

[™Amiliya]

اقتباس المشاركة الأصلية كتبت بواسطة big bốss حماتك شكلها كدا هتقلك بالاحضان يا مرات ابنى و انتى تقللها لا يا طنط من بعيد لبعيد

لا والله ههههههههههههه ربنا يطمن قلبك تصدق