تنمية حواس طفلك

[انجي_1]

كل طفل بيجى للعالم وعقله مهيأ يتلقى الكثير من المعلومات اللى بيحصل عليها من خلال حواسه الخمسة السمع والبصر والتذوق والشم واللمس ومهمة الأم هى إزاى تنمى الحواس دى عشان يكبر وينمو بطريقة طبيعية.
بعد مرور أيام فى عمر مريم بدأت تكتشف العالم من حواليها وتحاول تميز بين كل حاجة بتحصل قدامها يعنى بتشوف الألوان لكن ما تعرفش تميزها كمان كانت ممكن تسمعنى وأنا بدندن ليها بعض الأغانى عشان تنام فتبص لمصدر الصوت بعد كده بقت بتميل إلى أصوات معينة وممكن تتخض وتخاف من الأصوات العالية والمزعجة.
ده بالنسبة لودانها والسمع بالنسبة بقى لحاسة التذوق والشم أنا كنت قريت فى مجلة طبيبة أن الطفل بيقدر يميز رائحة مامته من الأسابيع الأولى لإرتباطه بيها و وبعد كده أول ما يبتدى ياكل مع مرور أول خمس شهور بيقدر يميز بين الحلو والمر وفى أغلب الأحوال بيفضل الحلو.
وعموماً فى الشهور الأولى مريم كانت بتنتبه إلى كل شئ حواليها يعنى الإضاءه والألوان بتجذبها جداً وفى المرحلة ديه كانت تبتسم ابتسامة لا إرادية و كنت فى المرحلة دى حريصة إنى أعمل حاجات تنشط حواسها زى إنى اقدم لمريم ألعاب يدوية بسيطة لما صوابعها تبدأ تملس وتمسك الأشياء وطبعا يفضل جداًإن الألعاب يبقى ليها صوت عشان تنمى حاسة السمع.
بعد كده بأت مريم زحف على بطنها وترفع راسها عشان تشوف اللى حواليها وهنا بدأت مرحلة ممكن نسميها الأخذ والعطاء فى أفعال الأم مع البيبى بتاعها ودايما كل الأمهات بتلعب لعبة الإخفاء وعلى قد ما هى بسيطة لكن الحقيقة انها ليها تأثير كبير فى تنمية حواسه لان إخفاء الحاجات وإظهارها بتخليه يتعلم معنى بداية الحاجات ونهايتها وممكن الأم فى الوقت تستعين بأدوات بسيطة تنمى عند الطفل التمييز بين الأشكال والأحجام والألوان حتى لو فى أبسط الاشياءو الأدوات الى بتأكله بيها.
وتمر الشهور الأولى لحد ما يوصل الطفل للشهر السابع والثامن وهنا كانت مريم بتشعر بالإستقلالية فبدأت تتعلق بالحاجات اللى حواليه وتحاول تمسكها وتنمو هنا حاسة اللمس بصورة سريعة فتمسك الحاجات وتنقلها من إيد لإيدها للتانية كمان ملاحظ جدا ان الأطفال فى المرحلة ده بيحب المياه جدا واللعب فيها واللعب على الأرض
وأخيرا فإن الكيفية اللى بيستخدم بيها حواسه فى الشهور الاولى لها أثر بالغ فى نمو مستقبلاً كل أم تقدر توفر للطفل البيئة المناسبة لتنمية حواسه ومن ثم بناء شخصيته.

[ياسمينااا]

الأم بتكون أقرب شخص للطفل وبالذات في بداية عمره
وهي القادره علي بناء شخصيته ومهاراته
وتوفير البيئه المناسبه ليه
توبيك مهم ومفيد
تسلم إيدك إنجي
بإنتظار جديدك

[انجي_1]

تسلمي لمرورك

شكرا

[شاعر واسير الحب]

مشاركه لهابريقُ في سماءُ الإبداعِ
حقاً أبدعتي بنثرُ حرووفكِ الراقيهٍ
سلمت وسِلمُلنااا احسااسُك الرائعُ
ودمت ودامٍ فيضُ قلمك
عووافي ياارب
ودمت بسعاادهللابدُ

[انجي_1]

شكرا ليك على تواجدك

[Nàdøỡsha]

بتفـكريـني بكتـآب قـريتهه قبـل كده ف المـدرسـهه عن الحـوآس و الوحجـآت دي
تسـلمي ^^

[بحر النسيان]

يرى الخبراء أن الكيفية التي يستخدم بها الطفل حواسه في الأشهر الأولى من حياته لها أثر بالغ في نموه مستقبلاً، وتستطيع الأم إيجاد الأرضية المهيأة لبناء شخصية الطفل الأولى، التي تبنى عليها الكثير من الآمال في المستقبل، فهي لا تتكون إلا في المراحل الأولى من العمر، وما يليها تكون الأغصان التي نمت بفعل الجذور السليمة والصحية.

توبيك اكثر من رائع

تقبلى مرورى وتحياتى

[انجي_1]

اقتباس المشاركة الأصلية كتبت بواسطة nàdøỡsha بتفـكريـني بكتـآب قـريتهه قبـل كده ف المـدرسـهه عن الحـوآس و الوحجـآت دي تسـلمي ^^

شكرا ليكي يا قمر على المتابعة

[انجي_1]

اقتباس المشاركة الأصلية كتبت بواسطة بحر النسيان يرى الخبراء أن الكيفية التي يستخدم بها الطفل حواسه في الأشهر الأولى من حياته لها أثر بالغ في نموه مستقبلاً، وتستطيع الأم إيجاد الأرضية المهيأة لبناء شخصية الطفل الأولى، التي تبنى عليها الكثير من الآمال في المستقبل، فهي لا تتكون إلا في المراحل الأولى من العمر، وما يليها تكون الأغصان التي نمت بفعل الجذور السليمة والصحية. توبيك اكثر من رائع تقبلى مرورى وتحياتى

اهلا بيك شكرا لمرورك

[العاشق الذى لم يتب]

فعلا الطفل فى حاجة ماسة لمتابعته
ودائما يحتاج لمنشطات حركية وصوتية من قبل الام
وباقى الاسرة
حتى تنموحواسه
ولايكون بها عرض مرضى فيكتشف مبكرا
شكرا لك
طرح عظيم
مودتى