خربشات ..و همسات ..!!

[نغم الشام بعد المغيب..]

ومن بين الزرعات الحلوة يلي كانت بجنينة البيت نبتة جميلة شكلا بيشبه ورق النعنع بس إسمه:

- النمنامة
طبعا غير قابلة للاكل ههه بس ريحتا كتير منعشة وقوية.مجرد ما كنا نداعب اوراقا بكفوفنا الصغيرة انا وخواتي كان ينتشر عطرها بكل المكان

https://forums.banatmasr.net/f206/

-هي مشاركة وجدانية حابة كمان احتفظ فيها هون .فيها تتمة لذكرياتي وحديثي عن الورود والنباتات الحلوة يلي بحبا وترعرت بجوها.

[نغم الشام بعد المغيب..]

بارك الله بعمرك أخي رفعت، ولم أك لأرضى بالمنصب الجديد -ولا غايتي الالوان ولا المناصب -إلا لإنعاش هذا المكان وإنقاذ مايمكن إنقاذه حتى لا يصبح قفرا.
.......

-هذه مشاركة كتبتها اليوم.. في ردي على الأخ الفاضل رفعت في موضوع جديد لي، في الإبداعات .أحببت تسجيلها هنا.
وأضيف عليها.. باقات من الشكر والإمتنان لكل ماتفضلت به أخي الكريم بحقي في مدونتك ،هذا من كرم أخلاقك بارك الله فيك. ويسر امرك، وأمور فرحك وربي يتمم لك على خير آمين يارب.

[نغم الشام بعد المغيب..]

ورد العسلة
الله يرحمك يا أمي ويجعل مثواك الجنة، شو كنت تحبيها ،وتعتني فيها متل ماكنت تعتني فينا.. كانت بتعنيلك كتير..
كل قعداتنا كانت جنب العسلة وريحتا يلي كانت معبية أرض الدار.
-العسلة ماسميت هيك عن عبث، هي إلها من إسما نصيب أكيد. لان هي فيها ورد ناعم، لونو عسلي، وطعما عسل.. بذكر كيف كنا نقطف منها انا وخواتي.. ونمتص رحيقا، ونحس بطعم العسل طعما حلو كتير يا سبحان الله، وكانت هي لعبتنا وشغلتنا طول ماكنا ملتفين حول عريشة العسلة .
......

- هي تتمة حديثي عن الورود،في قسم النبات حبيت احفظا هون..لان متل ماكانت بتعني لأمي الله يرحمها بتعنيلي وبذكرني بريحة أمي يلي هي العسل بذاته.


https://forums.banatmasr.net/msryat611992-4/

[نغم الشام بعد المغيب..]

-وكم من أمنيات جميلة رعيناها، وخبئناها، في صندوق أحلامنا.. لا هي أبصرت النور ! ولا نحن قادرون على إمتلاكها! رغم أنها بحوزتنا، وستبقى..
.
.

-تلك المشاعر انهمرت للتو..بعد تأثري بموضوع للأخت الغالية دمعة حائرة، في قسم القصة بعنوان:صندوق الأحلام .
-أحببت أن أحتفظ بها في مدونتي.

[نغم الشام بعد المغيب..]

- تتمة حديثي عن زرعاتنا وجنينتنا وجنتنا ونحنا صغار..
كان في نبتة اسما العطرية..هي بئا إسما بيخبر عنا، ريحتا بتجنن وفي منها كتير ألوان.. وكانت من ضمن الزرعات الحلوة يلي ضلت عالقة بذاكرتي من وقت ما كنت طفلة ،كنا انا وخواتي نتلمس النباتات والوردات الحلوة ونسأل
أمي الله يرحما عن أسمائن وحدة وحدة، وكنا من نحنا وصغار نعرف نميز بين ريحة كل نبتة او زهرة على حدى.
-وبذكر كمان كيف كنا نتحذر ونتحدى بعض نحتا وعم نلعب مين بقول أسرع اسم كل وردة او نبتة، أو شجرة، ويلي بتفوز بالنهاية كانت تقعد تتأأمر وتشرط علينا ، ونحنا لازم ننفذ، وكل وحدة بئا هي وحظا هههه.

[نغم الشام بعد المغيب..]

-قدامي سفرة طويلة أكثر من عشر ساعات طريق..
أسأل الله العلي العظيم ..أن يهونا علي، وعلى كل مسافر يارب.
صرت بكره السفر ع قد ماسافرت خلال هالسنتين.
يمكن ما اقدر ادخل هالكم يوم، مع إني رح حاول ..

-لا تنسوني من دعوة بظهر الغيب.
حفظكم الله.

[نغم الشام بعد المغيب..]

قطعت الحافلة مسافة خمس ساعات تقريبا.. مازالت الطريق، موحشة، طويلة،لكن وجود الثلوج
على جانبي الطريق..يشعرك بالراحة نوعا ما..
احتسيت قليلا من النسكافيه لكنها لن تعوضني عن قهوتي التي أحب، والتي أتلذذ حين أصنعها بيدي ،وأعيش طقوسها!
مرهقة جدا، حاولت النوم مرارا مثل باقي الركاب لكن دون جدوى.
أشعر أني بحاجة للنوم يوما كاملا... حتى أعوض تعب هذه السفرة، والفترة
التي قضيتها هناك.
الحمد لله دائما وأبدا.. الحمد لله حتى يبلغ الحمد منتهاه.
.
.
.

-تدوينة للذكرى.

[نغم الشام بعد المغيب..]

-زهرة الختمية . -بتشديد الياء
أما هالزهرة فصحي مالها ريحة متل باقي الوردات يلي كان بأرض الجنينة، وكانت منزوية لوحدها، بس
منظرها كتير حلو ..وفي منها كمان ألوان كتيرة، ولها فوائد طبية لعلاج الرشوحات وهجمات البرد .
بذكر أمي الله يرحما، ويحسن إليها، كيف كانت تقطف الزهرات وتجففن مشان نستعملن بالشتاء، مع
باقي بعض النباتات لهاد الغرض.

[نغم الشام بعد المغيب..]

-أصعب مافي الغربة على الإطلاق..

وعكات الحنين!

[نغم الشام بعد المغيب..]

الذكريات الجميلة ترسخ في ذاكرة القلب.
أما الذكريات المؤلمة فهي تحفر في دهاليز العقل،
والإنسان منا.. لايستطيع أن ينفصل عنها ،إنما يستطيع أن يفصل بينها! لأنها في النهاية تمثله، وتمثل شريط حياته..
ومن المؤكد أننا نكون سعداء في إسترجاع الحلو منها ،كلما هزنا الحنين إليها.