الف مبروك يا ( big bốss ) الخطوبة

[عاشق متيم]

بسم الله الرحمن الرحيم

معايا خبر حصرى النهارده وهو ان

المشرف المتميز
والعقل الذى سجدت امامه الاقلام
وقاهر قلوب النساء

big bốss



اخيراااااااااااااااااااااااااااااااااااااااااااااا ااااا
خطب
بعد محاولات كتير من البنات انهم يوقعوه فى شباكهم بس فشلوا وكان اخرهم بنت الجيران ؛
لحد ما جت صاحبه النصيب اللى سحرت نور وخدت عقله ..

الخطوبه تمت ازاى ؟؟ انا هقول لكم
نور كان فى الشغل ؛ ولقى الفون بتاعه بيرن
نور : الو
المتصله : هاى ؛ لو سمحت عاوزه سالى
نور : نقول لها مين ؟؟
المتصله : قول لها نانى
نور : نانى لاعب مانشستر يونايتد ؛ ده لاعب جامد اوى
هى : انت رخم على فكره ؛ وعيب عليك
نور : العيب على الجيب هههههه
هههه
هى : انت مش اخو سالى
نور : ولا اخو ليالى
هى : طب شكراا
سلااااااااام
وتغلق السكه
يأتى زميل نور فى العمل ويسأله كنت بتكلم مين ؟؟؟
نور : البنات دول مش راحمين الواحد ؛ طول النهار والليل اتصالات ورسايل
دا حتى بيجوا ليا البيت
زميل نور : بيجوا البيت !!!!
نور : ايه يا عم دماغك راحت فين ؛ بيجوا ليا البيت ونطردهم
صحيح على رأى سيلفر سبيكتر شعب دمافه شمال
زميل نور : سيلفر مين ؟؟
نور : وانت مالك خليك فى حالك ؛ دا انت حشرى اوى

طبعا نور روح البيت وعمال يفكر ويقول لنفسه دا البت صوتها كان حلو ؛
فاتصل بيها وهى مش رضيت ترد وقفلت التليفون ؛ وبعد ساعتين اتصل تانى وردت
نور : الو
هى : نعم عاوز ايه ؟؟
نور : انتى ذعلتى ولا ايه ؛ انا بهزر معاكى
هى : ما هو ده مش اسلوب تكلمنى بيه
نور : خلاص ما تذعليش ؛ خدى ايدى بوسيها
هى : ههههههههه ؛
نور :ايوه كده اضحكى خلى الشمس تطلع
هى : انت دمك خفيف على فكره
نور : وانتى صوتك حلو اوى
هى : بس بقى علشان بتكسف
نور : يا اختى كميله ؛ ننوس عين امه انت
هى : بس يااااااااااه
نور : دا انتى اخدتى عليا بسرعة
هى : مع انك ترخم بس تدخل القلب بسرعة
نور : بلاش كده اصل انا هضعف
هى : عملت الحركتين دول مع كام واحده قبلى ؟؟
نور : وحياتك انتى ولا واحده ؛ هما اللى بيجروا ورايا
هى : ايوه يا عم الجامد
وفضلوا يتكلموا مع بعض لحد لما نور اتعلق بيها
وطلب انه يكلمها ميل فقالت له بابا مانع عننا النت ؛ فطلب انه يقابلها فقالت له انا مش بخرج لوحدى خالص
فقال لها ابعتى صورتك وبعتت له صورتها وانبهر نور بجمالها وارسل لها نور صورته فاعجبت به
وحبوا بعض جداااا وكانوا بيكلموا بعض بالساعات على الفون
لحد ما قالت له احنا هنفضل نتكلم كده لحد امتى ؛
فقال لها نور لحد ما ربنا يسهل
قالت انا كل يوم بيجيلى عرسان وبرفض علشان خاطرك ؛ لكن لو فضلت كده انا هوافق
فقال لها بسهوله كده بتبعينى ؛ فردت عليه وقالت له انت عارف انت بالنسبه ليه ايه ؛
بس مش هينفع نستمر كده وودعته واغلقت الهاتف
ومرت الايام وكلم نور اهله انه عاوز يخطب ففرح اهله واعجبوا بصوره العروسه
واتصل بها نور وحكى لها ما حدث ففرحت وقالت له وحشتنى وتبادلوا الكلام العاطفى
وقالت له خد رقم بابا وكلمه وحدد معاه ميعاد
نور : طب هقول له ايه وانا معرفش عنوانكم ؟؟
هى : قل له انك شفتنى وسألت علينا واخدت رقم بابا من الجيران واطلب انك تزورنا وانا هبقى اقول لك على العنوان
وفعلا كلم نور والد العروسه وطلب منه ان يزورهم وشرح له كل حاجة
ويزور نور العروسه هو واهله ؛ فيدخلوا
ويرحب اهل العروسه بهم
فيهمس والد نور فى اذن نور : هو مال اهل العروسه وحشين كده ليه
نور : هو انا هتجوز اهلها ولا هتجوزها هى ..
والد العروسه : انتوا بتتوشوشوا على ايه
والد نور : لأ يا حاج احنا بس بنسأل فين العروسه
والد العروسه : احنا هنتفق ونقرأ الفاتحة وبعد كده هتشفوها
نور : طب نقرأ الفاتحة
والد العروسه : شكل مستعجل اوى يا نور ؛ نقرأ الفاتحة
ويقرأوا الفاتحة ويتبادلوا العيلتين التهانى

نور : امال فين العروسه
والد العروسه : شكلك مش قادر تصبر ؛ تعالى يا نانى
وتدخل نانى



ويصرخ نور ويغمى عليه

والد نور : اعوذ بالله من الشيطان الرجيم ؛ انصرفى ؛ لاتأذينى ولا أذيكى
والد نانى : ايه انت شفت عفريته
والد نور : العفريته ارحم من كده
نانى : امال ابنك كان مزهقانى كلام حب وقارفنى اتصالات ليل نهار
والد نور : فوق يا نور علشان نمشى
والد نانى : ليه ؟ هو دخول الحمام زى خروجه ؛ وينادى على اقاربه الموجودين بالغرفه المجاوره
فيدخلوا بالرشاشات
ويقول احدهم : يا ابنك يكتب على البنت يا نخلص عليكم
؛ احنا صعايده ودمنا حامى وابنك بيلعب بالبنت بقاله كام شهر
والد نور : قصدك انتوا اللى لعبتوا بينا
ويدخل المأذون ويفوق نور وهو فى حاله يرثى لها : ضحوا عليا ودى اخرت اللى يصدق صوت بنت فى التليفون ويجبروا نور على كتب الكتاب

صوره نور بعد تلقيه الصدمه



وتقول له نانى تعالى يا جوزى



فيصرخ نور بشكل فظيع ويجد نفسه فى غرفه بيته ومامته بجانبه وتقول له مالك يابنى
نور : كابوس فظيع ؛ واحده من بنات مصر الغفر جت ليا فى الحلم واتجوزتنى مش عارف هما عاوزين منى ايه ؟؟؟


ابقى اتغطى كويس ومش تاكل كتير يا نور قبل ما تنام

[нαиαи]

نصيبك وحش يا نور >> دي نهايه الحب الأسود هههه

سؤال !!
مالها خطيبتك خدودها متورمه كدا

مرسي يا عاشق على الخبر الظريف

[دمعه حائره]

مكنش يومك يانور ادى آخرة الهزار والكلام مع البنات فى الفون
ربنا يصبرك وتعدى منها على خير
هى بس تشيل الدبابيس دى وتبقى فله شمعه منوره
عاشق برافوا عليك كنت فين من زمان

[Islam Hagras]

ههههههههههه
اهدى شوية يا نور
مش انت لسه خاطب
ايه حكاية على الفيس .. ؟!

[زهـــ*ــرة النرجــس*]

ههههههههه
يا عيني
وده فعلا اخرة اللي يصدق صوت بنت في الموبايل
أسلوب عرض التوبيك جميل اوي
تسلم ايدك على التوبيك

[~♥ Queen sozan♥~]

استغفر الله العظيم

يارتنى ما جيت هنا ههههههههه

مش مبروك عليك يا نور فكر فى الهرب يبنى

[سيناا]

ههههههههههههههههه


حلو كتير


الله يحميك من شر نانى يا نور


الف مبروووك


ههههههههههه

[countess]

استغفر الله العظيم

ايه دا ي نور ههههههههههه

يلا اهم شي جمال روحها لو جميل يبقا مش مهم الشكل

[Lamees]

بالهنا والشفا ههههههههههه

[-esraa-]

لا يانور ذوقك حلو حلومفيش كلام ^^
وكمان شعرها طويل زي ماكنت عايز : ))
بس ياريته ماكنش حلم
خبرحلو عاشق عقبال باقي الاعضاء ^^