إنسان ضعيف

[دمعه حائره]

إنسان ضعيف

**************

جربت مره تعيش ..ضعيف
حاسس بخوف... مابينتهيش
خايف لتنطق... تختفى
خايف لتصرخ... تنتهى

تستنى حد يلحقك,, وماتلاقيش

**************

جربت مره تقول... كفايه
كملت حلمك ... للنهايه

جربت كل دول ,,ودول

قولت اللى بيصبر ..ينول

تتمنى حلمك يتولد... مايتنسيش

**************

سكن جواك... السكات

حالف لـ تسكت... للممات

حاولت تنسي... المستحيل

شايل هموم ,,وحِملك تقيل

وعمرك يعدى كله,, ومايساويش

**************

عرفت معنى تكون... ضعيف

تسكت وجواك 100سؤال

وتعيش فى واقع... مش خيال

تمد إيدك تمسكه,,, تلاقيه مُحال

وبضحكة باهته تقول ...مايهمنيش

**************

عايش ضعيف.. فى وطن مُخيف

فيه الحرامى... يطلع برىء

والبلطجى شاطر,,جرىء

أما الشريف,,,الحر ,,العفيف

دول ناس عبيطه عاوزين شاويش

**************

إمته هاتعيش فى وطن نضيف

ولايوم تكون إنسان ضعيف
إهداء إلى وطن

دمعه حائره

2-11-2013

[-esraa-]

اقتباس عرفت معنى تكون... ضعيف تسكت وجواك 100سؤال وتعيش فى واقع... مش خيال

كلام رائع
عجبني الموضوع ومحتواه
تسلم ايدك ..
دمتِ بكل خير

[Stop Ana Eltop]

موضووع جميييل تسلم

[احساسى صحيح]

قلتى اللى جوايا وكل اللى عايز اقولة ..
.

لما تكون فى وطن بيهين النساء والاطفال
دا يبقى وطن مين
نساوى فية اية
وطن الحرامية والمجرمين
ويقولك احنا عايشين
والله انتا شخص مسكين
محتاج علشان تشوف شريط اسبرين
او الافضل لك ان تخدها من قصيرها وتدخل مستشفى المجانين ..
تشكراتى دمعة .

[مِسكُ الشَهادة]

كلـــــمات قوية جدا ً ومعبرة لأبعد الحدود ... نطق بها قلب ٌ وقلم ٌ وروح
تنشقا َ عشقا ً لوطن وألم لحاله وأمنية لرفعته وسموه دوما ً ...
صرخات ثورية لإنسان ...مغلفة برسالة سامية أن ينتصر على ضعفه
أختي الغالية منة ... دام لنا نبضك الراقي والمتميز ...
خالص تحياتي وتقديري لك ِ ...
دمت بخير

[جبل عالي]

عرفت معنى تكون... ضعيف

تسكت وجواك 100سؤال

وتعيش فى واقع... مش خيال

تمد إيدك تمسكه,,, تلاقيه مُحال

وبضحكة باهته تقول ...مايهمنيش

صح الكلام وهو ده اللي جوايا وجوه ناس كتير

جوانا كلنا بالمعنى الدقيق

بنضحك على نفسنا ضيعنا إحساس الأمان

وبنقول ميهمناش عشان رضينا من البداية السُكات



بصراحة دمعة هنا تفوقت فى وصف الإحساس

الممزوج باللوم والعتاب ومحاولة التنبيه للنفس

كعهدك دائماً للقلم بين يديك

[العاشق الذى لم يتب]

إهداء إلى وطن يئن ويشكو
وطن جريح وغريب مع الغرباء
وطن ضاعت فيه الحقائق
وتقلبت الموازين
وطن فيه يمدح المنافقون وفيه يذل الصادقون
ماأجمل إهدائك منة
وماأكثرالضعفاء الجبناء
سلمت ودمت
ودام النبض
مودتى

[اشرف 2006]

خليكو متفائلين ياجماعه


وواثقين من نصر الله القريب


استحاله الظلم ينتصر على الحق


هذه هى سنه الله فى الارض


الثبات والصمود والاستمرار هم مفاتيح النصر باذن الله


فدوله الظلم ساعه ودوله الحق الى يوم الساعه



تقبلوا جميعا تحياتى

[Lost Pearl]

حلوة جداااااااا ،، ماتسلفيني ايدك اللي بتكتب دي شوية ههههه

ربنا يحميكي يا فتاتي

تسلم ايديكي ،، فـ انتظار كتاباتك الجاية بقي

[ويبقى الأثر]

إمته هاتعيش فى وطن نضيف

ولايوم تكون إنسان ضعيف


حقيقى إمتى ؟؟

رائعه واكثر غاليتى
لروحك كل سعادة الكون