بتحبني...طب قد ايه؟؟؟

[™Amiliya]

لما بنحب مليون سؤال بيجي في بالنا واحيانا كتير عايزين نشغل نفسنا بيها وخلاص

واول ميخطر في بالنا سؤال نسال الطرف التاني الي المفروض عندو كل الاجابات الصحيحة لاسئلتنا

البنات تختلف عن الصبيان في كدا

لاننا بنات بنحب اوي الاسئلة الكتير والحبيب بيكون متوقع ان حببتو او خطيبتو هتسال خاصة لو سكتت فاجاة وهو بيتكلم في موضوع مهم تروح تقاطعو وتقولو

بتحبني ؟

ولو جاوب ع السؤال الاول ياخد بقا باقي الاسئلة

هو انت حبتني ليه؟ ايه الي فيا مختلف عن البنات؟

وطبعا لازم تكون اجاباتو منمقة وحصرية

طب بتحبني قد ايه؟

ولازم يكون الجواب مليون المية بحبك ياروحي

طب لو خيروك بيني وبين معرفش ايه تختار مين؟

لو سكت يفكر يبقى مش بيحبها بس لو جاوب دوغري يبقى هو دا فارس الاحلام

طب مين احلى انا ولا الي عرفتهم او شفتهم؟

وياعيني حتى لو هي عادية هيقولها انتي ملكة جمال الكون

مية سؤال ممكن البنات تختصرو في قعدة واحدة او مكالمة تلفون

المهم الحبيب الذكي الي يحضر اجوبتو ويكون قد المسؤولية

ودا دورو في حياة حببتو او خطيبتو لازم يكون دور فعال خاصة ان المرحلة دي في حياتهم مهمة اوي لسبب.. انها بتكون اثبات مايمكن اثباته من الحب

المسالة مش ان البنات بتحب التفاهات زي مبيعتبرها بعض الذكور

المسالة انها بتحسسها بالامان اكتر معاه حتى لو هي عارفة ومتاكدة انو بيكدب او بيجامل

بس هي مرتاحة انو حتى في دي مش عايز يحرجها او بيحبها زي ماهي بكل مافيها متقبلها

حتى لو زعلتو وصالحتو بتفضل جواه زي ماهي

-

بس ليه الشباب بيسالو سؤال واحد او سؤالين او عشرة ع الاقل في الحب

مثلا بتحبيني قد ايه؟ حبيتي قبلي ؟ حاجات كدا

الرجالة مش بتحب الاسئلة بتحب الافعال يعني مش الكلام هيثبتلو الحب دايما تفكيرهم انها لو سمعت كلامي يبقى بتحبني

لو عملت الي بقولها عليه يبقى بتموت فيا

بيختلفو عن البنات في كدا


بس في الاخر كل واحد بيثبت حبو للتاني بطريقتو

وان تعددت الطرق فالحب واحد مع اختلاف درجاتو وعلاماتو واستمرارو

-

رؤيتي

ايميليا

[دمعه حائره]

مافيش واحده بتسأل اى سؤال من ده
الا وكان جواها قلقان وحاسس بتقصير من ناحيته
حتى لو كان بقاله كام يوم ماعبرش عن الحب ده
او ممكن شافت فى عينه نظره اعجاب لواحده تانيه
حاله من التربص الدائم من ناحيه البنت
بتستمر لحد ماتستقر عاطفيا ونفسيا معاه
الرجل بيختلف لانه مشاعره مش هى اللى بتتحكم فيه
رؤيه رائعه من عقل ناضج وواعى تسلمى حبييبتى

[ساحر الأحزان]

هى عايزة تطمن على مقدار حبة ليها مع تدخل الفضول لمعرفة نسبة الحب عندة

مرتفعة ولا منحنية ليس لها ثبات معين

لو جاوب انتى حياتى وكل حبى

برضة الفضول بيدخل على قلبها

وعايزة تعرف اكتر واكتر

ذلك هو احساس الانثى التى تريد ان تحب وتعيش الحب

جميلة فضفضتك

دمتى بخير

[Stop Ana Eltop]

البنات بطبيعتها شكاكه لازم كل شويه تفضل تسأل عشان تتاكد حبه ليها قل ولا زاد ولا ايه

انما الرجاله بتبقى عارفه مشاعر البنات من غير سؤال

تسلمى ع الطرح المميز

[™Amiliya]

اقتباس المشاركة الأصلية كتبت بواسطة دمعه حائره مافيش واحده بتسأل اى سؤال من ده الا وكان جواها قلقان وحاسس بتقصير من ناحيته حتى لو كان بقاله كام يوم ماعبرش عن الحب ده او ممكن شافت فى عينه نظره اعجاب لواحده تانيه حاله من التربص الدائم من ناحيه البنت بتستمر لحد ماتستقر عاطفيا ونفسيا معاه الرجل بيختلف لانه مشاعره مش هى اللى بتتحكم فيه رؤيه رائعه من عقل ناضج وواعى تسلمى حبييبتى

احيانا القلق حب وخوف خاصة لو كانت اول علاقة في حياتها وحاسة بكمية احاسيس
نفسها تحسها معاه
وفعلا متفقة معاكي يامنة في ان الرجل قادر ع التحكم بمشاعره اكتر

منوراني

[™Amiliya]

اقتباس المشاركة الأصلية كتبت بواسطة ساحر الأحزان هى عايزة تطمن على مقدار حبة ليها مع تدخل الفضول لمعرفة نسبة الحب عندة مرتفعة ولا منحنية ليس لها ثبات معين لو جاوب انتى حياتى وكل حبى برضة الفضول بيدخل على قلبها وعايزة تعرف اكتر واكتر ذلك هو احساس الانثى التى تريد ان تحب وتعيش الحب جميلة فضفضتك دمتى بخير

فعلا الفضول بيخلي البنت قادرة ع اخراج مجموعة اسئلة تانية
حتى يطمن قلبها بس احيانا كتير بيكون الاطمئنان جميل في العلاقة
ومش معنى دا انها مش واثقة فيه او مقللة من حبه لا
ممكن في كدا وفي كدا بس الاكتر بيكون دلع واحساس بالحب

منورني امجد

[™Amiliya]

اقتباس المشاركة الأصلية كتبت بواسطة stop ana eltop البنات بطبيعتها شكاكه لازم كل شويه تفضل تسأل عشان تتاكد حبه ليها قل ولا زاد ولا ايه انما الرجاله بتبقى عارفه مشاعر البنات من غير سؤال تسلمى ع الطرح المميز

مش لازم يكون شك بيكون حب بطريقة تانية عندها
وكتير من الرجالة بتكون عارفة مشاعر البنات من غير سؤال فعلا
نورتيني