صياد و شبكة ((كلماتى))

[kimomodern]

رمى الشبكة اوام في المياه
اعد مستنى والارزاق جاية
عدت ساعة و هي هي
وكأن المياه من الحنفية
عياله جاعوا و لسا مستني
فاكر هايرجع اوام متهني
اعد و شايل هموم الدنيا
نفسه يفرح اوام ويغني
بس ليله لساه طويل
وجايز يخلص ظلام الليل
ويفضل اعد نفس الاعده
يوم يومين وتكله المعده
نزلة دمعة جوه عيونه
خايف يرجع بيته بطوله
خلص اكله حتى و فوله
نفسه عزيزة برده عليه
مش عايز حتى يمد ايديه
جاله حكيم قوام ادامه
قال له ايه بتبكي عليه
دي بحيرة للغيلان
ابعد و امشي يا غلبان
لو جعان نادي لربك
هتلقى نفسك تبات شبعان
لم شبكته وجري قوام
وطلب رزقه من الرحمان
وساب الدنيا للغيلان
ورضي بحظه وغنى كمان

[ويبقى الأثر]

ونعم بالله العلى القدير
هو الغنى ولامغنى سواه

عاميه راقية المعنى اخى
دومت ودام فيض القلم

تقديرى

[جبل عالي]

تسلم الايادي للعامية الراقية هنا

ننتظر جديدك دائما