احساس لايوصف الموضوع الثانى لاسبوع سفارى

[اميره الشعر الشجين]

النهارده الخميس اسعد يوم فى حياتى قمت على احلى نغمه تصحينى لصلاه الفجر عشان اقوم اصلى واتأكد من ترتيباتى والبس واستعد لا اجمل رحله فى عمرى دلوقتى الساعه 6 والاتوبيس هيوصل على الساعه 7 يعنى يدوبك عما اوصل لمحطه الاتوبيس السياحى انا وصلت هناك بالظبط الساعه 6.30 وكان باقى نص ساعه عشان الاتوبيس يطلع وباقى الناس تتجمع انا ديما مكنتش بحب اقعد جنب الشباك بس المره دى اخترت انى اقعد جنب الشباك عشان اشوف الجمال الا كنت بسمع عنو من طرق صحراويه وطرق عاديه انا كان معايا شويه خرايط لشرم الشيخ وعن موقعها الجغراقى الرائع كنت كل شويه ابص عليه وفجئه سمعت صوت السواق وهو بيقول ياجماعه كل واحد يلزم مكانه ويتئكاد ان كلو تمام عشان الاتوبيس خلاص هيطلع وهنبتدى الرحله وفعلا الاتوبيس اتحرك بينا طبعا قبل ما اخرج من بلدتى كانت الاماكن اعتياديا با النسبالى عشان عرفاها ومش اول مره اشوفها بس احساس جميل جدا خدنى اول ما الاتوبيس اتحرك وبقيت احسب الثوانى قبل الدقايق عشان اشوف امتى اوصل لهناك طبعا كان لسه وقت كبير علشان نطلع على الطريق الاساسى لشرم الشيخ فطلعت المجله الا كنت جيباها معايا والا كانت بتتكلم عن شرم الشيخ وسحرها وطبيعتها واماكنها الخلابه وكمان قرئت ان شرم الشيخ بتكون عروس البحر الاحمر وبعد شويه كبيره من الساعات مرينا على طريق واسع جدا ومليان رمل بصراحه انا اتزهلت من المنظر وبقيت اطلع راسى من الشباك زى المجنونه وابص يمين وشمال اصل كان منظر بجد سبحان الخالق تخيلو كدا بقى انكو فى مكان كلتو رمل شبيه بالصحراء طبعا لونها بانعكسات الشمس فيها بيتدرج فيخلى عينك تنط من مكانها سبحان الله على المنظر فعلا وطبيعى ومعروف علميا ان المناطق الازى دى بتتكون فيها ظاهره السراب يعنى لو منطقه مخفوفه الرمل شويه تحس ان الارض رطبه او انها ميه بجد كان المنظر رائع والاجمل بقى لما اتخطينا كل الرمال اينعم الجو كان خنيق شويه بس جمال المنظر والفضول فى انى اوصل لهدفى فى الرؤيه كان اكبر من كدا تعرفو بعد ما خطينا الرمال الاتوبيس وقف فجئه اصل احنا عدينا المناطق التقيله لسه الخفيفه شويه لقينا راجل من البدو ماشى ووراه عدد هائل من الجمال طبعا انا كنت وخده الكميرا معايا استاذنت السواق انزل بس عشر دقايق اصور فيها وهركب تانى وفعلا نزلت انا ومجموعه من الركاب وصورنا انا صورت صوره للجمل مره وهو قاعد ومره وهو واقف والرجل بيئكله واخدت كم صوره كدا للطريق وبعدين رجعنا للاوتوبيس تانى وبعدين طلعنا على طريق اشبه بالخيال كان فى بحر وخضره جميله وطيور فضلنا على الطريق دا ما يقرب ساعتين بس بجد دا اجمل جزء حبيته اكتر من الطريق الا كان كلو رمال تعرفو ليه بصراحه منظر الخضره كان جامد والشمس متعامده على جزء وسيبه جزء يعنى جزء يبان باللون الاخضر الفاتح والتانى بالاخضر الغامق والسحاب الا فى السماء كان منفصل كل سحابه عمل شكل بجد بقى انا كنت هتهبل وبقيت اجمع بنظرى مابين الخضره والسحاب واكون صوره خياليه وادمج ما بين الالوان بقيت انط من الكرسى وانا فرحانه وبقول الله ايه الجمال دا والكل بصلى فى ذهول شديد وغريب زى ما كون انا شيفه حاجه وهما شيفين حاجه تانيه خالص يعنى السحاب لما كنت بسرح فيه احس انو مره يعمل شكل راس دبدوب شكل قلب واشكال تانيه من وحى خيالى لما كنت بركز فى اووى والا زاد الرحله متعه ان فى الوقت الشمس كانت بتغرب طلعت الاكميرا ولقط كام صوره كدا للغروب صافى ومره تانيه للخضره وهيا مدهبه بألوان الغروب والسحاب ابتدى يخف شويه والاضائه تقل وكل الا معايا ناموا فى الاتوبيس وانا بقى عينيه زى ما يكون خاصم جفونها الليل والنوم بقى غريب مع انى بستنى اى لحظه عشان انام بس مش عرفه ليه المره دى انا الا بطرد النوم من عيونى وفضلت على دا الحال لحد ما غيمت الدنيا اوى ومعدش اى مجال للرؤيه بصراحه خدنى البال اكتر واقعدت افكر لما بس جمال الطرق يجننى بالشكل دا امال شرم الشيخ نفسها هتبقى عمله ازاى انا مكنتش حسه انى ركبه اتوبيس ومشيه على الارض لاء انا كنت حسه انى ركبه على بساط وراحه لارض ابعد من ان خيالى يتصورها وفى كل لحظه كان قلبى يشتاق اكتر واكتر ليها وهيفضل الاحساس دا لحد ما اوصل انا حاولت اكتب عاميه فربنا يستر بقى ومكنش نيلت الدنيا

[العاشق الذى لم يتب]

تعرفى ياأميرة انافرحان علشان شوفتك فرحانة
وصراحة لماصورتى الجمل والراجل بأكله
كنت انا الراجل
بس مارضتش اقولك
اصلا لقيتك حلوة خالص
خوفت لأحسدك
وكمان الجماعة اللى معاكى دمهم ظريف خالص
بجدشاطرة فى وصفك وانت فى الاتوبيس
وطول السكة
مكعاك انشاءالله لمانشوفك هناك
مودتى

[جبل عالي]

جمييييل ياقلبي بجد ماشاء الله عليكي

اتمنى لك التوفيق من كل قلبي

ربي يسعدك

[اميره الشعر الشجين]

اقتباس المشاركة الأصلية كتبت بواسطة الرجل المتواضع تعرفى ياأميرة انافرحان علشان شوفتك فرحانة وصراحة لماصورتى الجمل والراجل بأكله كنت انا الراجل بس مارضتش اقولك اصلا لقيتك حلوة خالص خوفت لأحسدك وكمان الجماعة اللى معاكى دمهم ظريف خالص بجدشاطرة فى وصفك وانت فى الاتوبيس وطول السكة مكعاك انشاءالله لمانشوفك هناك مودتى

بتعكسنى كمان دانا هقول للمودام نورت اخى رفعت

اقتباس المشاركة الأصلية كتبت بواسطة جبل عالى جمييييل ياقلبي بجد ماشاء الله عليكي اتمنى لك التوفيق من كل قلبي ربي يسعدك

جبل ياقمر منورانى دووووم

[طبيب الهوى]

أبنتي أميرة الشعر الشَجي



وصف جميل للطريق يدل على رهف مشاعرك ورقة احاسيسك


جمال الطريق لشرم يبدأ بعد المرور من نفق الشهيد أحمد حمدي


مروراً بعيون موسى


ثم رأس صدر


ثم أبو زنيمة


ثم أبو رديس


ثم الطور


ثم مدخل شرم الشيخ


هذا الطريق رغم طوله إلا أنه مليء حقاً بالجمال


الذي لا يسعنا إلا أن نقول سُبحان الله ولا إله إلا الله


ولأنك أبنتي هغششك معالم شرم


السوق القديم


وهو سوق تجاري كبير


يوجد به كل ما يلزم السياح من مستلزمات وهدايا للعودة


هضبة أم سيد


مع أني لا أعلم من هي أم سيد


وهي من أجمل المناظر الطبيعية في الشرق الأوسط


بامتداد الشريط الساحلي للبحر الأحمر


مارينا


سوق تجا ري في خليج نعمة


وفيه يحلىَ السهر والسفاري


نبق ( الغرقانة )


من أجمل المناطق السياحية في العالم


بها أجمل وأكبر مكان للغطس ( دايفنج ) في العالم


وبها أكبر وأكثر المولات والمحلات المتواجدة في شرم الشيخ


كما أن بها أكبر ملهى مائي في الوطن العربي


وهو متواجد في فندق تروبيكانا سي بيتش


وكفاية كده بئا أحسن رفعت وحجازي هيقتلوني


بالتوفيق إن شاء الله



تقييمي البسيط + ***** 5



لرقة وصف الطريق



تحياتي لقلمك المُبدِع والراقي



أبو عصام

[اميره الشعر الشجين]

اقتباس المشاركة الأصلية كتبت بواسطة طبيب الهوى أبنتي أميرة الشعر الشَجي وصف جميل للطريق يدل على رهف مشاعرك ورقة احاسيسك جمال الطريق لشرم يبدأ بعد المرور من نفق الشهيد أحمد حمدي مروراً بعيون موسى ثم رأس صدر ثم أبو زنيمة ثم أبو رديس ثم الطور ثم مدخل شرم الشيخ هذا الطريق رغم طوله إلا أنه مليء حقاً بالجمال الذي لا يسعنا إلا أن نقول سُبحان الله ولا إله إلا الله ولأنك أبنتي هغششك معالم شرم السوق القديم وهو سوق تجاري كبير يوجد به كل ما يلزم السياح من مستلزمات وهدايا للعودة هضبة أم سيد مع أني لا أعلم من هي أم سيد وهي من أجمل المناظر الطبيعية في الشرق الأوسط بامتداد الشريط الساحلي للبحر الأحمر مارينا سوق تجا ري في خليج نعمة وفيه يحلىَ السهر والسفاري نبق ( الغرقانة ) من أجمل المناطق السياحية في العالم بها أجمل وأكبر مكان للغطس ( دايفنج ) في العالم وبها أكبر وأكثر المولات والمحلات المتواجدة في شرم الشيخ كما أن بها أكبر ملهى مائي في الوطن العربي وهو متواجد في فندق تروبيكانا سي بيتش وكفاية كده بئا أحسن رفعت وحجازي هيقتلوني بالتوفيق إن شاء الله تقييمي البسيط + ***** 5 لرقة وصف الطريق تحياتي لقلمك المُبدِع والراقي أبو عصام

شرا ابى والله كنت محتاجه المعلومات دى عشان استغلها تسلم على التقيم والرد الجميل دا