مسابقة صورة فى رباعية2

[حجازى فارس المصرى]

(1)


( 1 )


عايش وحيد عايش غريب بالرغم من كتر الوشـــــوش
وان حلمى قرب م/الحقيقة ألقى حلمى ع/الفشوش
ولو تقرب على طول هيظهر ينكشف أصل المعــــادن.
واللى افتكرته م/ الدهب عند الميزان ظهر مغشـوش
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
(2)





طب ليه بتعشق مشـــــيتك وســـــــــــــــــط الضلام
بالــــــــــــــــــرغم من إن الطـــــــريق فــــــــل وتمام
أوعى تقـــــــــول حب الفضـــــــــــول هو الســــــبب
يالا العـــــــــــــــــجب كيـــــــــــف يكون هذا كلام؟!!!
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
(3)



وان كنت ناسى إنك فى يوم ماشى وراحـــــــــــل
قولى يا صاحبى فين اللى قبلك فينهم يا راجل؟!!
ما ترد قول جاوب علــــــــــى عــــــــــــــــاوز إجابة
من غير غرابة..الكل مـــــــــــــــــــيت بس بمراحل
ــــــــــــــــــــــــــــــــــــــــــــــــــ ــــــــــــــــــــــــــــــــــــ
(4)



عايش وبحلم مع إنى صاحى أعمل إيه طبع النفوس
ويادوب لو امشى خطوتى ألقاه ينورلى فــــــــانوس
الدرب ناير والسكة فل يارب ســـــــــــهل ع/الوصول
الحلم موصول ولما بصحى صحـــــيتى جاية بكابوس
ــــــــــــــــــــــــــــــــــــــــــــــــــ ــــــــــــــــــــــــــــــــــ
(5)


دايرين نفتش ع/العيوب والعيب أتارى جوانا إحـــــنا
ديه حقيقة ومش خيال والحقيقة ديـــة محــــــــــنة
بص لنفسك بص لضميرك واسأله يمـــــتكن يجاوبك
ولو يخالفك ..بنغش مين بنغش غيرنا ولا دى روحنا
ــــــــــــــــــــــــــــــــــــــــــــــــــ ـــــــــــــــــــــــــــــــــ
حجازى فارس المصرى

[ويبقى الأثر]

صاحب القلم العامى الراقى الجميل
حجازى
ماشاء الله حقاََ لااجد من الكلمات مايفى حق هذه اللوحه
العامره بالرباعيات الرائعه والمعبره والقيمه فى مضمونها
احسنت واكثر

[جبل عالي]

ماشاء الله حجازي ماشاء الله

روووعة وأكثر بحق عبرت بمنتهى الجمال والدقة

بصراحة انتم فقتم توقعاتي بمراحل ياجماعة

احييك كل التحية واتمنى لك دوام التميز والرقي

[حجازى فارس المصرى]

اقتباس المشاركة الأصلية كتبت بواسطة قيثارة الصمت صاحب القلم العامى الراقى الجميل حجازى ماشاء الله حقاََ لااجد من الكلمات مايفى حق هذه اللوحه العامره بالرباعيات الرائعه والمعبره والقيمه فى مضمونها احسنت واكثر

قيثارة الرائعة الجميلة الراقية ما أجمل أن نراكى هنا عزيزتى الجميلة بين حروفى المتواضعة خالص العرفان والود والتحية لكى أيتها الراقية... أسعدك الله وأدخل السرور على قلبك ووفقك الله.

[حجازى فارس المصرى]

اقتباس المشاركة الأصلية كتبت بواسطة جبل عالى ماشاء الله حجازي ماشاء الله روووعة وأكثر بحق عبرت بمنتهى الجمال والدقة بصراحة انتم فقتم توقعاتي بمراحل ياجماعة احييك كل التحية واتمنى لك دوام التميز والرقي

جبل عالى الروعة فى إختياراتكم الجميلة الراقية فى الصور وفى مشاركاتكم الجميلة خالص ودى وتقديرى