بركاتك يا ست الشيخة ..!!

[Lamees]

مساء الخير
ازيكم عاملين ايه يارب تكونوا بأحسن حال
نبدأ بئااا الحكاية
من حوالي سنتين كده او اكتر كنت كل يوم الصبح وانا نايمة
وبعد ما الكل ينزل من الشقة واكون لوحدي تماماً
احسن ان في حد في الاوضة معايا حاجة كده مش طبيعية
يمكن من وراء الطبيعة الله اعلم ،،
بس كنت بحس ان في حاجة عايزة تموتني او بتحاول تخنقني
وانا بحاول اتخلص منها اوقات كنت احس اني مسكت ايد حد
وساعات تانية كنت بحس ان في كف على فمي ،،
المهم طبعا كنت بحاول افوق نفسي بأي طريقة
وكنت طبعاً بكون مشلولة شلل تام
ومش قادرة اصرخ ولا انادي على حد
بس انادي مين هو في حد اصلاً
المهم الموضوع ده كان تاعبني اوي
لانه كان بيحصل كل يوم
كل اللي كنت بعمله وقتها اني بقرأ ايات من القرآن حفظاها
عشان اتخلص من الحالة دي وبعد عذاب فعلاً بفوق واحس اني كنت في معركة
فكرت أسال على الموضوع ده وايه سببه
فلقيت واحد كده ابن حلال ربنا يباركله متدين ومتعمق في الدين شوي
قالي ايه بركاتك يا ست الشيخة
ضحكت شيخة ايه يا عم وانا اروح فين
انا الحمد لله صحيح ملتزمة بالصلاة وكنت بحفظ قرآن
والحمد لله براعي ربنا جداً في تعاملاتي وبتحرى الحلال والحرام
وكمان كنت بالتزم بورد معين بقوله قبل النوم ده بجانب سورة الملك
وهو عشان عارفني كويس قالي انتي بتحاولي تترقي في مراتب الايمان وبتجتهدي
عشان كده ده شيطان بيزورك كل يوم عشان يرجعك تاني
المهم اثبتي ،، انا بقى فرحت وقلت وحياة امه الشيطان ده لما يجي
انا هعرفه مقامه كويس بس يجي بس
فاتت السنين واختفت الحالة دي من عندي
زعلت انا وقلت شكلي كده قصرت تاني والشيطان مش محتاج يغويني
ودلوقت بقى رجعت تاني وبكثرة شوية
طبعاً انا فهمت هو ايه اللي بيحصل بالظبط
وعرفت ان الحالة دي هي (( الجاثوم )) يعني شلل النوم
وده لعدم انتظامي في النوم كويس
من حوال 3 ايام حصلت الساعة 10 صباحاً
اللي انقذني منها وفوقني منبه الموب رن وصحاني

[™Amiliya]

ربنا يثبتك ياروني
هو الشيطان لازم يقوم بواجبه ههههه

[جبل عالي]

ربنا يحميكي ياقلبي يارب

بصي هو موضوع ممكن نطلع منه بكذا تفسير

زي اللى سمعتيه بس طبعا مش تريقة حكاية الشيخة دي

هو بس محاولة للترغيب في التقرب من ربنا طبعا



تحيتي لقلبك الطيب

[-esraa-]

هههههه كان بيتفلسف عليكي‏^‏‏^‏ المهم انك عرفتي الحقيقه بعد كده‏‏

ربنا يحميكي ^^

[العاشق الذى لم يتب]

سلامتك يارونى
حالة صعبة
بس مش كتيريعنى ماتتخضيش اوى
عندى اقتراح للحالة دى
لماتحصل
تفتحى عرض لموبينيل
وهات يارغى
مع بنت عمك
تقولك تصبحى على خير
قولى استنى شوية احكيلك على حاجة حصلتلى
تقول ايه
تردى تقول
امبارح كان ايه
وبكده يجيى النوم
وتنامى قريرة العينين
وتسلمى يارونى

[اميره الشعر الشجين]

هههههههههههه لازالت الحركه دى اختى بتحصلى طب هقولك على حاجه ساعات بتحسى ان حد بيقرب منك وبيمسكك وانتى مبتتحركيش تماما كان فى حديث للرسول مش متذكراه اوى بس هقولك مضمونه امسحى على الفراش قبل ما تنامى وانتى بتقرئى ايه الكرسى ولو الحركه دى حصلت معاكى حولى حركى راسك لفوق لان الشيطان بيبقى مسيطر الفص الايمن من المخ عشان يحبس صوتك ويشل حركتك

[morshooo]

طالما من 3 ايام
يبقى الى بيحصلك دا بسبب السقعه ^_^
الجو بقى سقعه ارونى خالى بالك من نفسك

[нαиαи]

شوفي هوه عشان انتي بتذكري ربي فالشيطان بيتأذى من الحكايه هذي
ويرجع يأذيكي انتي زي ما آذيتيه

وعلى فكره هذي دايما بتحصل لي بس الحمدلله قدرت اتغلب عليها
وفعلا كنت بحس زيك كدا انه في حد جنبي في الفراش و يحاول يلمس ايدي او يشدني وانا بكون شبه مشلوله و مو قادره اتحرك

[Nàdøỡsha]

خـوفتيبني ف الاول والله :d
ربنـآ يثبتك إن شاء الله ^^

[SiLver Spectra]

مش هتلاقي الراحة الا لما تفسري الموضوع بشكل علمي زي ما عملتي كدا
بعيدا عن التفسيرات ما وراء الطبيعة او المسماه بالخرافات