تيلفون الرئيس

[صمتى كلام]

تيلفون سياده الريس
كتبتها اواخر 2011 وماخوفتش من حسنى مبارك
كنت حاسس انه مش هيلحق يقبض عليا


……..

نفسى أعرف تيلفونه بكام

ونوعه ايه

أكيد بكرت وبينزل أغانى عليه

أكيد اغانى رومانسيه

كيف اغانى ابن الايه

...............

نفسى أعرف زيرو كام

وأيه النظام ولا عاملها 3 ارقام

عشان العيال والمدام

والعلاقات الخارجيه

..........

أكيد تيلفونك كرت ياريس

وكروت الشحن بيتجى هديه

من الروساء و الامراء

والجهات المعنيه

.........

اوعى ياريس تكون فودافون

عشان دى شبكه دوليه

والضغط عليه بيبقى كتير

مش نقصين ضغط ولا ازيه

...............

أكيد عندك خط اتصلات

عشان دى صناعه محليه

لكن موبينيل برده مهش وحشه

عشان الوحده الوطنيه

ربنا يديك الصحه ياريس

وتكلمنا كل شويه

عن مشاكلنا وعن أحولنا

وعن اخبرنا المهنيه
.......
اول مكالمه هقوله ياريس

الشعب كله بخير وكويس

مافيش طوابير

ولا فواتير

والحكومه بقى ليه ضمير

بعد ضميرها ما كان متكيس

والتعليم بقى راقى وعالى

ورغيف العيش نضيييييف

ورخيص مش غالى

والمياه العذبه فى الحنفيه

والصرف الصحى والمجارى

اتغيرت مش هي هى

كله كويس كله كويس

مع السلامه ياسيادة

الريس

[جبل عالي]

كلمات عبرت عن إستياء وتهكم كانت قيمة ومعبرة جدا

لكن اسمح لي تاريخها قبل كده بكتير

هي أواخر2010 تحديدا 26\11\2010



تسلم الايادي وننتظر جديدك

تحيتي وتقديري

[game010]

تسلم الايادى
فى انتظار المزيد
تحياتى

[شربة ببسى ومدلعة نفسى]

بجد جامدة مووووووووووت

[صمتى كلام]

كلمات عبرت عن إستياء وتهكم كانت قيمة ومعبرة جدا

لكن اسمح لي تاريخها قبل كده بكتير

هي أواخر2010 تحديدا 26\11\2010



تسلم الايادي وننتظر جديدك

تحيتي وتقديري
.......................
سيدتى سيعدنى مرورك
ولكن كيف عرفتى تاريخ نشر القصيده

[العاشق الذى لم يتب]

الريس ربنايهديه
وربنايولى من يصلح
شكرا لك
مودتى

[ويبقى الأثر]

تليفون الريس ده مش للرعيه
ده رقم خاص يابنى مدفوع النقديه
فودافون كان اوموبنيل مش دى القضيه
المهم ازاى نوصله لو قابلتنا مشكله مستعصيه

راقى حرفك سلمت
وسلم مدادك
تقديرى