بيحسدوني الناس ..~

[Lamees]

السلام عليكم

امبارح يا جماعة كان اول يوم في صرف المعاشات
وانا المسئولة عن هذا لموضوع يعني انا اللي بقبض الفلوس
المهم اول يوم في القبض ده تشوف العجب
زحمة رهيبة وقلة ادب وسرقة وخناقات وشتيمة
ومحدش طايق حد كل واحد او واحدة عندهم استعداد للخناق
المهم انا بفوت كده يوم ولا اتنين واروح كده في الروقان
بس المرة دي كنت مستعجلة اوي عشان راسمه في دماغي على
شنطة وجزمة
قلت بقى روحي واللي يحصل يحصل
المهم وصلت مكتب البريد ودخلت وشفت امة لا اله الا الله
وهما اربع شبابيك للصرف 3 منهم زحمة جداً والشباك الرابع
رايق جداً عليه 3 افراد فقط
قلت بقى خليكي في الرايق وبعت البطاقة
واحد بقى ناصح من اللي قاعدين قالي يا ابلة لو رقمك يحتوي على
8 ارقام بقى اسمك هنا في الزحمة دي
طب اعمل ايه وانا بعت البطاقة وخلاص في الشباك الرايق
وكنت هبعت ارجعها واحطها عند الزحمة
ولسه مخدتش قراري بصيت لقيته بينده علي اسمي
قلتله افندم
رحت الشباك وعطيته الرقم ومضيت وخدت الفلوس بكل بساطة
وعديتهم وحطيتهم في الشنطة وخدت بطاقتي
ورحت خارجة من المكتب
كل ده في خلال خمس دقايق
وسط ذهول تام للموجودين وهما بيبصولي وبيحسدوني ولاد الايه
المهم رجعت البيت بعد خمس دقايق الموضوع كله استغرق ربع ساعة
كان يوم لذيذ والله بس اللي مش لذيذ اني قضيت باقي اليوم بلف على الجزم والشنط
اعمل ايه بقى مش بيعجبني اي حاجة وخلاص
وفي اخر اليوم تم بحمد الله شراء جزمة وشنطة بعد يوم شاق من اللف
هاااااا اسمع حد بقى يقول مبروك

[جبل عالي]

صحيح يابنتي بيحسدوا على ايه بس ؟؟؟

هو بس من فرحتك ان ربنا كرمك وخلصت مهمة القبض بسرعة

فمتهيألك انهم بيحسدوكي ...... إشعرفهم ارقامك كام يعني ؟

بس سيبك بجد بجد ربنا يكرمك ويحميكِ ويوفقك دايماً يارب

اجمل حاجة لما تحسي ان ربنا ميسر لك الأمور


تسلمي ياقمر على روحك الحلوة

وان شاء الله تتوفقي مهو الإختيار صعب برضو

مش أي حاجة نشوفها قدامنا وخلاص

ربنا معاكِ ياقمر .... تحياتي لقلبك

[Lamees]

اقتباس المشاركة الأصلية كتبت بواسطة جبل عالى صحيح يابنتي بيحسدوا على ايه بس ؟؟؟ هو بس من فرحتك ان ربنا كرمك وخلصت مهمة القبض بسرعة فمتهيألك انهم بيحسدوكي ...... إشعرفهم ارقامك كام يعني ؟ بس سيبك بجد بجد ربنا يكرمك ويحميكِ ويوفقك دايماً يارب اجمل حاجة لما تحسي ان ربنا ميسر لك الأمور تسلمي ياقمر على روحك الحلوة وان شاء الله تتوفقي مهو الإختيار صعب برضو مش أي حاجة نشوفها قدامنا وخلاص ربنا معاكِ ياقمر .... تحياتي لقلبك

وربنا يكرمك يا جبل
وشكراً لمرورك الجميل

[™Amiliya]

مبروووك عليكي تدوبيهم بعرق العافية ( ع قولت تيتا )

[morshooo]

ميروك على الارض ^_^

مش عارف لما حد بيشترى ( جزمه )

بيتقاله كدا ليه ^_^

[موري كول]

ههههههههههههه يالهوي انا بجد حرمت اروح اسحب فلوس من البنك او من البوسطه البريد
لاني ساعات بفضل قاعده بال5 ساعات مع اني ببقا رايحه من بدري وافضل لحد ما البنك
يخلص ويقفل علي اللي جوه يخلصهم ويطلعهم هههههههههههههه

الله اكبر عليكي بئا ومبروك علي الشنطه والجزمه

[game010]

طيب مفيش صورة للشنطة و الجزمة
هههههههههههه
مبرووووك عليكى

[Lamees]

اقتباس المشاركة الأصلية كتبت بواسطة رائحة القهوة مبروووك عليكي تدوبيهم بعرق العافية ( ع قولت تيتا )

الله يبارك فيكي يا قمر

[Lamees]

اقتباس المشاركة الأصلية كتبت بواسطة morshooo ميروك على الارض ^_^ مش عارف لما حد بيشترى ( جزمه ) بيتقاله كدا ليه ^_^

الله يبارك فيك
وبيقولوا كده عشان الجزمة
بتمشي على الارض ^ــــ^

[Lamees]

اقتباس المشاركة الأصلية كتبت بواسطة موري كول ههههههههههههه يالهوي انا بجد حرمت اروح اسحب فلوس من البنك او من البوسطه البريد لاني ساعات بفضل قاعده بال5 ساعات مع اني ببقا رايحه من بدري وافضل لحد ما البنك يخلص ويقفل علي اللي جوه يخلصهم ويطلعهم هههههههههههههه الله اكبر عليكي بئا ومبروك علي الشنطه والجزمه

معاكي حق لا البنك ولا البوسطة
بصراحة حاجة تخنق اوي
بس مضطرين
والله يبارك في عمرك يا قمر ^ـــ^