الحلقه الثانيه من حوار مع كاتب ومعانا big bốss

[نور ونار]

السلام عليكم اسعد الله اوقاتكم بكل خير ونجدد اللقاء مره اخرى مع كاتب محترف تنتشر مواضيعه كافه ارجاء المنتدى البساطه عنوانه تلمس فى كتاباته الحماسيه والشغف وقوه الايمان بقلمه مختلف وايضا مميز معانا ضيف الحلقه الثانيه بيج بوص اترككم لمتابعه الحلقه حدثنا عن البداية .. وماهو أول مقال ( موضوع ) كتبته. فى قلم الاعضاء ,.؟ مرفق برابط الموضوع البدايه انى دايمآ بحب أعبر عن نفسي و أكتب و أثبت ذاتى و و وجودى و بحب أكون مختلف عن غيرى علشان كدا تلاقى افكارى و تفكيرى مختلف و بكل ثقه أنا اكتر عضو كتبت فى قسم الاقلام يتجاوز الألاف ، و اول توبيك كتبته http://forums.banatmisr.com/msryat86776/ موضوع تم حذفه وشعرت بالغصه لحذفه ؟ انا مش أتحذفلى موضيع فى الأقلام خالص الا مسابقه و اتحذفت بسبب الروتين و موضوع سياسي بس وقتها اتنرفزت اوى و الاتنين حذفتهم دمعه حائره هل مودك يؤثر على كتاباتك ؟ أكيد له تأثير ، خصوصآ انى بكتب بأحساس مش من فراغ و أوقات بهرب من واقع غير مرغوب فيه بالكتابه ، و اوقات بفضفض بالكتابه و أوقات بعبر عن غضبي و رفضى لموقف سياسي او مجتمعى بالكتابه متى تضنى بعلمك وكتاباتك ؟؟ ( تضنى من الصفه ضنين وهو البخل للشىء الغالى والقيم ..) حين أشعر أنى أخاطب عقول من البلهاء حينها فقط سأضنى بما اكتبه لانه لا جدوى منه فى هذه الحاله النقد ملكه من الملكات التى لا يتقنها الكثيرين هل تملك تلك الملكه وهل هى مفعله فى حياتك واذكر نقد ذكرته لم يقبل من الطرف الاخر واذكر اخر وجهه لك كان له اثر جيد فى كتاباتك ؟ بعرف انتقد و بنتقد على أسس مش بدهاء بس مش بعرف انتقد و اتناقش مع المتعصبيين فى الراى و المتمسكين بيه حالات النقد السياسى أشهرها عندى و فيه الى بيقبل نقدى و فيه الى بيرفضه هو أنا اتذكر نقد واحد كان عام 2010 غير مصير حياتى 360 درجه و لن أذكره لكل كاتب عنوان واسلوب ماهو عنوانك وبما تصف اسلوبك ؟ عنوانى : الاختلاف و التميز و الثقه أسلوبى : السهل الممتنع - أسلوبي سهل جدآ فى توصيل الفكره و لكن المضمون بيحمل الكثير من المعانى و انا لسة من هواة تدشين موضوع كبير بحب اختصر و اوصل الفكره بقليل الكلام بما تصف كتابات الاعضاء الاتين فى كلمه واحده سيلفر : الفكر ذو المدى البعيد ( يعنى بيقرأ المستقبل صح ) ، احساسى صحيح : بروفسير نقد ، انجل سمايل : الفكر الملائكى ، رائحه القهوه : الفكر الراقى و التبجيل لا يفيد هنا ، مسك الشهاده : فكر أخوانى معتدل أرفع قبعتى احترامآ له رونى : القلم الساحر .. ؟؟ فتره هجرت فيها القلم ماهى الفتره ولما وما تاثير ذلك الهجران على قلمك ؟ لم أهجر قلمى قط و لن أفعلها فكيف أهجره ؟ و هو الصديق الذى أجده بجانبي دومآ ، و هو متنفسي الوحيد و عشقى المديد ، و هو الباقى لى بعد رحيلى متى يتم غلق مدونتك الى الابد ؟ حين أرحل يرحل قلبي و عقلى تتاثر كتابتنا بقراءتنا ومجتمعنا وثقافتنا هل تؤمن بان المحيط بك من كتابات سواء جيده او سيئه تعلى او تهبط من مستواك الكتابى علل اجاباتك ... ؟؟ أكيد طبعآ المحيط المجتمعى له تأثير على ثقافة كتابتك و فكرك و كمان طريقة التعبير التعليل : فى بعض الحالات بجد أعضاء بتعبر عن اراءها بطول اللسان و كلمات سب و شتم دا بيعبر عن بيئته أكيد ، و العكس صحيح ، و غير كدا فيه الى بيعيش فى مجتمع متفتح بيكون فكره متفتح و فيه الى بيعيش فى مجتمع منغلق بتلاقى فكره منغلق و سلبي بالدرجه الاولى . هذه الحلقه الثانيه من برنامج حوار مع كاتب الحلقه الاولى كانت مع سيلفر ماهو رايك فى الحلقه واذكر اهم نقاط القوه واهم نقاط الضعف لمحتوى الحلقه واذكر اهم الاستفادات التى خرجت منها من التوبك ( من وحى لكل شىء قيمه ) ..؟ الحلقه كانت جميله و لذيذه بس كان ينقصها السؤال عن حالة القسم و النقد الموجه و الافكار المطروحه و سؤال عن تاريخ الكتابه للعضو و كيف تعلم الكتابه الاستفاده بتعرفنا على كاتب متابعين لكتاباته و نتلق فكره بثقه فأكيد من الجيد معرفة ثقل عقله من أين أتى ؟ بناء على اجابه الضيف تم تزويد الحوار بالاسئله التى تم اقتراحها للاستفاده منها فكان السؤال كالاتى ماهى رؤيتك لحال القسم والنقد الموجهه وتاريخك الكتابى وايضا كيف تعلمت الكتابه؟ رؤيتى لحال القسم :- قسم قلم الاعضاء من الاقسام المهم فى المنتدى و يعتبر وجهة المنتدى الاولى لذالك يجب الاهتمام به جدآ و بعنايه ، طبعآ من فتره كان من انشط الاقسام و لكن بعد زوج دوك سما و انسحاب ساحر الاحزان و انشغال دوك اسماء بالدراسه اصبح وجود مشرفيه منعدم و عزف الاعضاء عن دخوله و اصبح كهف مهلوس بخيوط العنكبوت و لكن تعينك على القسم سوف يعيد وضعه من جديد و سيشهد مزيدآ من التقدم و عودة الاعضاء لكنفه من جديد النقد المواجه : المشرفين الى على القسم المفروض يتشالوا تاريخى الكتابي : من زمان و انا بقرأ و بكتب و كنت بحب الجغرافيا جدا و أطلس الدول و الخرائط يعنى بحب الجغرافيا عامتآ و بعد كدا تطورت مجال قراءاتى و ثقافتى فبقيت بقرأ شعر و بكتب و بعدها اهتممت بقرأت الثقافه العسكريه و كنت عندى مجالات كتيره جدآ عسكريه لدرجة انى كنت عارف جيوش الدول و عددها و تسلحها و بعد كدا مع بدايه الكليه انفتحت بئا على الواسع كلما تثقفت اكتر كلما زاد رقى تفكير كلما أصبحت اكثر قدره على الكتابه و التعبير عن الراى و الفكر و بدات اكتب فى الجامعه و بعدها اشترك فى المنتدى هنا و نميت قدرتى الكتابيه و الثقافيه و الايدلوجيه و كان نفسي أبقى صحفى و لغايت دلوقتى أي المواضيع التي كتبتها تمنيت لو لم تكتبها ؟؟؟ ارفق رابط الموضوع لا اندم على شىء كتبته و خرج من قلبى و قنن بعقلى ماهو الموضوع الذى لاقى رد فعل وجدل لم تتوقعه ؟؟ ارفق رابط الموضوع موضوع عن رفضى مشاركة المراه فى المظاهرات عمل رد فعل واسع http://forums.banatmisr.com/msryat396599/ ماهى طقوسك فى كتابه موضوع ما ( هل بفعل انفعال ما نحو الموضوع ام فكره كانت موجوده وتم انعاشها ) ؟؟ انا بتجينى أفكار كدا من الواقع و تفاعلى فيه ، ممكن يحصل موقف قدامى ، تجينى فكره أكتب عنها و انا شارد الذهن ، و بعدها برتبها فى مخى و أشغل ميوزك هادىء و أكتب على طول فى خمس دقايق توبيك ما هى اهداف كتاباتك ؟؟ بكتب علشان أعبر عن نفسي ، أنشر فكرى ، أخاطب العقول لأعلم و أتعلم و لتبادل الافكار ، الكتابه هوايه عندى جميله جدآ و بنميها عندى و بكتب فى كل حاجه كيف يكون فكرك عامل مؤثر فى مجتمعك ؟؟ (آليه توظيفيه ) انا بوظفه فى الاستشاره و أعطاء النصيحه و الحمد الله فيه ناس كتير فى مجتمعى محتاجه النصيحه و تصحيح الفكر و انا بعمل كدا و ناس كتير بتستشرنى و بوجها للصح ماهو اول كتاب قرأته فى حياتك وماهو اخر ما قرآت ؟؟ مش فاكر بس فيه روايه عجبانى جدآ مش قادر انساها ( انت تعشق امراه مفقوده يا ولدى ) من هو الكاتب الذى يستهويك بكتاباته ؟؟ نور هلال نوع من الكتابات تود اقتحامه ماهو ولما لم تنفذه الى الان ؟ حلو السؤال دا الكتابات الدينى نفسي أكتب فيها و اخوض فيها بس محتاجه معرفه كامله و قراءه شمله لانه مينفعش أغلط فى أى معلومه ماهى مقومات الموضوع الذى يلفت انتباهك ويستهويك لقراته ؟؟ الموضوع السياسي بدون تعصب و الافكار الغير عاديه و مختلفه و لباقة الكلمات و السينما و الاعلام اذكر موضوع كتبته نتج عن انفعالك بتجربه ما واذكر التجربه ؟ انا كتبت عدة مواضيع عن السحر و دى تجربه شفتها قدامى و ملقتيش لها تفسير لدلوقتى فكتب عنها مع انى رافض تصدقها و كتبت عدة مواضيع عن البنات و تصرفتهم الى بتبوظ الشباب و كتبت عن جمال الحب و احساسه لو تم اختيار قلمك لدعم قضيه انسانيه فما يكون اختيارك ؟؟ هدعم قضية الفقر و الحرمان لانها اساس اغلب المشكلات الانسانيه من الذى دوما تنتظره فى مواضيعك وتكون حريص على اتخاذ رايه ؟ بنتظر كام حد كدا بحب ارائهم جدآ و فيه اعضاء بقول يارب استر مش تدخل عندى لانى مش عايز اعرف رايها شكرآ على الاستضافه يا نور اشكرك نور على تلبيه الدعوه انتظرونى مع ضيف اخر وتجربه ابداعيه اخرى تحيتى

[™Amiliya]

اقتباس المشاركة الأصلية كتبت بواسطة نور ونار ، رائحه القهوه : الفكر الراقى و التبجيل لا يفيد هنا

اولا للقائك يانور جميل وانت شخصية غنية عن التعريف فكر وكيان

لكن بعد ازنك بس تشرحلي لو معندك مانع معنى كلامك الفكر الراقي والتبجيل لا يفيد هنا؟

[ساحر الأحزان]

حلقة جميلة منك نور ونار

نور عضو صاحب تواجد جميل

وبقلة ابعد عن السحر

ليقلب عليك بعد كدة

وتقول لية معرفتونى

حلقة جميلة نور مع نور

منتظرين ضيف الحلقة القادمة

[big bốss]

اقتباس المشاركة الأصلية كتبت بواسطة رائحة القهوة اولا للقائك يانور جميل وانت شخصية غنية عن التعريف فكر وكيان لكن بعد ازنك بس تشرحلي لو معندك مانع معنى كلامك الفكر الراقي والتبجيل لا يفيد هنا؟

شكرآ ايمليا

أشرحلك أيه :d و انتى مش فهمه يعنى

فكر راقى : يعنى صفه بوصف فكرك بالرقى و الأتزان و ذو افق علمى

التبجيل لآ يفيد : يعنى كلمات الوصف لا مكان لها هنا

يارب تكونى فهمتى

[big bốss]

اقتباس المشاركة الأصلية كتبت بواسطة ساحر الأحزان حلقة جميلة منك نور ونار نور عضو صاحب تواجد جميل وبقلة ابعد عن السحر ليقلب عليك بعد كدة وتقول لية معرفتونى حلقة جميلة نور مع نور منتظرين ضيف الحلقة القادمة

شكرآ يا مودى

هنبعد حاضر

منور

[™Amiliya]

اقتباس المشاركة الأصلية كتبت بواسطة big bốss شكرآ ايمليا أشرحلك أيه :d و انتى مش فهمه يعنى فكر راقى : يعنى صفه بوصف فكرك بالرقى و الأتزان و ذو افق علمى التبجيل لآ يفيد : يعنى كلمات الوصف لا مكان لها هنا يارب تكونى فهمتى

عموما مفهتش تبجيل هههههههه
بس الف شكر ليك
واعجبتني ردودك ع فكرة بس ياترى لما تقول نور هلال الي بيستهويك كتاباته هل دا مش غرور ولا عادي؟

[كوين ميرو]

نور ونار حلقه جميله ومجهود رائع ياقمر احيكى عليه

نور كاتب له بصمته واجابته بتعكس شخصيته

تحياتى للجميع

[big bốss]

اقتباس المشاركة الأصلية كتبت بواسطة رائحة القهوة عموما مفهتش تبجيل هههههههه بس الف شكر ليك واعجبتني ردودك ع فكرة بس ياترى لما تقول نور هلال الي بيستهويك كتاباته هل دا مش غرور ولا عادي؟

فكره لما أختلفنا انا و انتى فى الحديث

فقولتيلى انا ايمليا الجينزورى

يا ترى دا كان نابع عن غرور ولا ثقه بالنفس و كبرياء ؟

نفس الحاله هنا مقتنع جدآ بفكر نور هلال

علشان كدا بتمتع بحالة ثقه فى النفس و الفكر و القدرات تلاته

ضيفى عليهم حالات الكبرياء الى بتجينى

[big bốss]

اقتباس المشاركة الأصلية كتبت بواسطة كوين ميرو نور ونار حلقه جميله ومجهود رائع ياقمر احيكى عليه نور كاتب له بصمته واجابته بتعكس شخصيته تحياتى للجميع

شكرآ ميرو

نورتى الحوار

[™Amiliya]

اقتباس المشاركة الأصلية كتبت بواسطة big bốss فكره لما أختلفنا انا و انتى فى الحديث فقولتيلى انا ايمليا الجينزورى مش فاكرة يا ترى دا كان نابع عن غرور ولا ثقه بالنفس و كبرياء ؟ نفس الحاله هنا مقتنع جدآ بفكر نور هلال علشان كدا بتمتع بحالة ثقه فى النفس و الفكر و القدرات تلاته ضيفى عليهم حالات الكبرياء الى بتجينى

اممم ربنا يوفقك وكل انسان بنفسه معجب
ودي حاجة طالما مبضرش حد يبقى هو صح

ربنا يوفقك ويرزقك الخير دايما نور