ما وراء الجريمة ..

[احمد يحي]

بسم الله الرحمن الرحيم

اولا هذا الموضوع ليس لإتهام أى فئة لها توجهها السياسى الخاص بها أو الإنتقاص منها .. هو فقط من أجل

التوصل الى المجرم الحقيقى .. ومن أجل الوصول الى الحقيقة المجردة بغض النظر عن الإنتماء والتوجه ...

والله على ما أقول شهيد

موضوع الطفل الذى تم قتله على أيدى البلطجية فى مدينة العمرانية اثناء مسيرات الإخوان وأنصارهم

جريمة بشعة من هجوم مسلحين يحملون المولوتوف وفرد الخرطوش على مسيرة المتظاهرين سقط خلالها طفل

يبلغ 9 اعوام بإصابة بطلق فى البطن - رواية شاهد عيان - وبعد نقله الى المستشفى اخبرهم الطبيب أنه توفى ....

وبعد ذلك اقتحم المستشفى مجموعة من البلطجية قاموا بسب الناس وتخويفهم ثم انتزعوا جثة الطفل القتيل من

أبيه ( أو قريبه ) ثم لاذوا بالفرار من الباب الخلفى للمستشفى !!

ان المجرم عندما يرتكب جريمته فإنه يلوذ بالفرار لكن أن يعود الى مسرح الجريمة ويخطف جثة المقتول !!

إن هذا يؤكد وجود جهة إجرامية كبرى تقف خلف الموضوع ...

كما أنه أيضا من المعلوم بشكل يقينى أهداف هذه الجهة الإجرامية

فهذه القضية كانت - وإنها بالفعل - لقضية رأى عام ، ستؤدى الى

تهييجه ضد هؤلاء البلطجية التى تستعين بهم الشرطة المصرية فى قمعها للمتظاهرين ..

وستؤدى الى جذب تعاطف محلى ودولى للمُعارضين ، مما سيؤدى فى النهاية الي بتر هذه اليد الآثمة المشتهية للدماء

والتى لا تفرق بين كبير او صغير ... وهذا ما يخشاه الخبثاء فى امن الدولة ...

لذا فقد كان متوقعا أن يُمارسوا شتى أنواع الضغوط والتهديدات على

والد الصبى وأن تتم مساومته بجثة ابنه على أن يخرج بتصريح يقول فيه أن الإخوان هم من قتل ابنه !!

لكن فى الحقيقة لقد زاد الأمر عن هذا نتيجة ما تم نشره من فيديوهات توثق ما حدث بالفعل

فخرج والد أو قريب الصبى فى اليوم التالى ليدعى أنه ليس والده او قريبه !! وأن شخص ملثم كان يطلق الرصاص من طبنجة

وبعد ما جرى لقى الولد واقع على الأرض !!

لكن من خلال نظرة ثاقبة ودقة وتمحيص وتمعن فى احداث الفيديوهات

فى اليوم الأول ، ثم مقارنتها بتصريح والد أو قريب الصبى فى اليوم التالى ستكتشف الحقيقة

لحظة هجوم البلطجية وخطف جثة الطفل :

ان المدقق فى هذا الفيديو يجد انه من المستحيل أن يحتضن هذا الرجل لجثة الصبى بهذا الشكل وبهذه الصدمة

وألا يكون قريبا له على اقل تقدير !!

يأخذون جثة الصبى غصبا من الرجل .... وهو نفسه مش عايز يسلمهولهم ( وبيقولهم انتو مين ) ؟ وهما بيفكوا

ايديه بالعافية !!

تعليقات من بعض الأعضاء على يوتيوب :

>>> ( لما كان بيتصل بحد في التليفون بيقول الحقني يا فلان الواد مات الواد مات .. المفروض لو هو ابن جاره هيقول

مثلا الحق دا ابن فلان جارنا اتقتل )

>>> ( دي قضية رأي عام ومحتاجين بدل مايستخدمها مؤيدو الشرعية يستخدموها ضد الاسلاميين )

>>>( شوفوا الفديو كويس وهتلاقوه اول ما مسك التليفون يتكلم فيه خده منه واحد جنبه وقال له اتصل بامه ، قال له

امه لا امه لا امه لا جده اتصل بجده )

>>> ( واذا كان هو جارهم زى ما بيقول وابوه يبقى صديقه ليه ماتصلش بيه نفسه عشان يبلغه ؟ ليه يتصل بجده ؟

وازاى جاب رقم هاتف جد الولد ؟! وليه يرفض بشدة انه يتصل بأم الطفل ويقول امه لأ .. امه لأ ؟ وازاى معاه

نمرة أم الطفل أصلا عشان يرفض الإتصال بيها ؟! )

>>> ( فى الفيديو الثانى يقول انه اتصل بصديق له عشان يبعتله حد من أهله !! طب ازاى يعنى جارك وصديقك ومش

معاك نمرته ؟! لأ وكمان فى الفيديو الأول معاه نمرة جد الولد ويتصل به ؟ّ!!! )

>> ( والست اللى بتصرخ فى آخر الفيديو وتقول مين دول ؟ مين دول ؟ دول تبعهوم ( البلطجية ) !!

>> ( امن الدولة اللى يخلي الناس تمضى ان اولادهم ماتوا منتحرين يعملوا اى حاجة .. )

__________________________________

فيديو اليوم التالى لوقوع الجريمة ونفس الرجل بعد تهديده ومُساومته بجثة قريبه

تعليقات وملاحظات هامة :

>> هورى وشى لابوه ازاى وهقول لابوه ايه لما اشوفه معرفناش نحميلك ابنك ....

طب هو فين ابوه أصلا ؟؟!

>> ان المدقق فى الفيديو الأول يجد انه من المستحيل يحتضن هذا الرجل لجثة الصبى بهذا الشكل وبهذه الصدمة

وألا يكون قريبا له على اقل تقدير !!

>> واخدلى بالك انت هو شاف الشخص كان ملثم وحاطط شنطة فى جنبه وقعد يضرب ( وده بيتفرج ) وقعد يضرب

بيها فى وسط الشارع ( وده بيتفرج ) وبعدين اتحدف طوب من الأهالى فاستخبى ورا عربية نقل شاسيه طويل (

وده بيتفرج ) وقعد يضرب بنفس المسدس ( وده بيتفرج ) وبعدين وهو بيجرى فلاقيت الواد وقع على الأرض ...

والغريبة ان بعد الرصاص ده كله ماحدش مات من الأهالى الشرفاء (البلطجية) بل العكس أحد المتظاهرين هو من قُتل الى

جانب الطفل !! ...... اقول لك سر الاخوان بيقتلوا فى بعض

>> يا جماعه الراجل ده بيقول كده علشان ياخد جثه ابنه

وبعدين اهل الطفل دخلوا سبوا الدين وشتموا بابشع الالفاظ ليه وهو كان ماسك الولد ومرضاش يديلهم ابنهم ليه طيب ؟ لمن كان له عقل !!!!!!

>> ليه الأستاذ أبو قلب كبير ماجبش سيرة المحضر اللى عمله لتسجيل الواقعة وبيان سبب الوفاة

ليه ماجبش غير سيرة المحضر اللى عمله ضد قناة الجزيرة لنشرها خبر كاذب ؟!

>> وهل يُعقل لشخص يُعانى ويبكى بهستريا وخوف على مقتل الطفل عصرا ثم فى مساء نفس اليوم كل ما يعنيه

ويهمه هو عمل محضر ضد قناة الجزيرة ؟!!

شكرا ولكننا سنكون حمقى لو صدقنا هذه المسرحية الهزلية

>> الشخص ده بيقولك : الفيديو اللى اتنشر على اليوتيوب وعلى الجزيرة كله كذب !!

طب ازاى الفيديو كله كذب اذا كان اقل الناس خبرة يعرف يفرق بين الفيديو المتركب والفيديو الحقيقى هو صورة

هنقصها ونقول تركيب !! فى الحقيقة انت معذور ومش انت اللى بتكدب بتوع الداخلية هم من وراء ذلك

هاااااام >>>> اخدت بالك من الدقيقة 27 : 2

رغم ان السؤال ملهوش علاقة بالإخوان بيقولك انا اصلا مش من الإخوان ولا احب انى اكون من الاخوان دول (....) ليقاطعه

المذيع - ويجب ان يقاطعه - فالسيناريو ان يقول هذا الكلام بعد ان يسأله المذيع السؤال القادم وإلا

لغضب منهم المخرج وأعاد التصوير .

>> المراسل فى النهاية يقول أن أهله أخذوا الجثمان ونقلوه الى مستشفى اخرى لانهاء اجراءات وتصريحات الدفن !!

طب ازاى دى جريمة قتل مش هيشرحوه ويعرضوه على النيابة ونعرف سبب الوفاة ؟؟!!

___________________________________

وفى الحقيقة انى اعذر هذا الشخص لأنى اعلم جيدا ما تعرض له من شتى انواع الضغوط والتهديدات كما اعلم

جيدا مدى قذارة الجهاز الأمنى الذى ثار عليه ثوار 25 يناير وقاموا بإسقاطه ولكنه يحاول العودة من جديد .

مثال لتهديد واحد : سنجعل هؤلاء البلطجية يخطفون زوجتك ويذبحونها ولن تجد من يدافع عنك او يحميك ،

كن ذكيا واحمى نفسك وزوجتك وبقية أسرتك .

مثال لترغيب واحد : لقد قدر الله الوفاة لإبنك ونحن سنقبض على هؤلاء البلطجية المجرمين ونرد لك جثة ابنك

لتقوم بإلقاء النظرة الأخيرة عليه وتدفنه معززا مكرما وسنحميك وأسرتك من هؤلاء البلطجية

مثالين فقط لسياسة الترغيب والترهيب تكفى لهدم الجبال وليس النفوس .... وانى لأعذر ذلك الرجل ولو قال ما

هو أكثر من ذلك عن الإخوان وأنصار الرئيس المعزول .. وإنى لأدعو الله له بالرحمة والصبر

_________________________

ولمن أراد أن يرى حادثة مشابهه اتضحت فيها الحقيقة بعد حين ، فليبحث عن قصة السايس الذى اتهم خمسة من

الاخوان بضربه وقطع إصبعه ظلما .....

ثم يأتى بعد ذلك أمام المحكمة ويشهد بالحقيقة أن هؤلاء الخمسة هم من

أنقذوه وكانوا ينقلوه الى المستشفى وأن الضابط الذى يحقق معه هو من أجبره على الشهادة ضدهم ، ليصبح

البرئ متهما والإخوان قتلة ويعذبون الناس فى رابعة وينتشر الإفك فى الإعلام الفاسد !!

لكن الله غالب على أمره

ولابد للحقيقة أن تظهر بمرور الأيام

___________________________

فيديو آخر لحظة اخنطاف الطفل والهروب به من الباب الخلفى للمستشفى مع الإعتداء على إحدى السيدات :

تعليق :

طريقة إستلام "أهل الطفل" لا تدل أبداً علي أنهم أهله مع ترويعهم لمن في المستشفي و تهديدهم بالسلاح و

الإعتداء علي من يقف في طريقهم و حمل الطفل نفسه بشكل مهين لا يحفظ كرامة الميت ..... فهل يمكن لمن

يشاهد هذه الأحداث أن يقول أنهم أهل الطفل ؟؟؟!!! و موقف الرجل نفسه المتغير في التعامل مع "أهل الطفل"

يتنافي و يتعارض تماماً مع شهادته في الفيديو

ملحوظة :

الموضوع يحتاج الى تركيز شديد واعادة مشاهدة الفيديوهات الواردة عدة مرات مع دقة الملاحظة ولكن الأهم من

ذلك هو رغبة - الإنسان - فى الوصول الى الحقيقة بغض النظر عن الآراء والتوجهات .

لابد للحق أن يظهر وأن يسود

والله غالب على أمره ولكن أكثر الناس لا يعلمون

[ابراهيم دياب]

لابد للحق أن يظهر وأن يسود

والله غالب على أمره ولكن أكثر الناس لا يعلمون

والله اخى الكريم
مش عارف نحن نعيش فى غابة ولا ايه بالظبط

مش هاعلق عشان تعليقى هايزعل ناس كتير فى المنتدى


لان الغالبية لسا مغيبين لحد الان

والقضية ليست اخوان ولا غيره

القضية حرب على الدين ومحدش عايز يفهم

لنا الله

[احمد يحي]

اقتباس المشاركة الأصلية كتبت بواسطة ابراهيم دياب لابد للحق أن يظهر وأن يسود والله غالب على أمره ولكن أكثر الناس لا يعلمون والله اخى الكريم مش عارف نحن نعيش فى غابة ولا ايه بالظبط مش هاعلق عشان تعليقى هايزعل ناس كتير فى المنتدى لان الغالبية لسا مغيبين لحد الان والقضية ليست اخوان ولا غيره القضية حرب على الدين ومحدش عايز يفهم لنا الله

استاذ ابراهيم شرفنى كثيرا مرورك ومشاركتك العزيزة ..


أن أتفق معك تماما فى كل ما ذكرت ... وانا لا يعنينى من يكون الرئيس ولا حتى

جنسيته ايه ، كل ما يعنينى أن يكون مسلم عادل ..



وكفى أن الله مع المنصفين ... فهو الركن والسند المتين ، ولا يسقط من يأوى إليه

[Stop Ana Eltop]

عادى من دا كتير بس محدش بيحاول يركز كتير مغيبين عقولهم وبيمشوا ورا الاعلام الفاسد وبس

والوحشيه الى وصفوا بيها الاخوان مش موجوده زى مابيدعوا بس الحق سيظهر والباطل سينزوى

وربنا يحمى مصر واهلها وينصر الحق

[توحد ارواح]

الامور اصبحت مختلطه ومفيش حد عارف فين الحقيقه
وامبارح عندنا ف الجامعه كانت ماسى والله انا زهقت
ربنا ع الظالم والمفترى ايا كان
ومسير الحق هيبان ويظهر يوما ما
شكرا ع الطرح

[احمد يحي]

اقتباس المشاركة الأصلية كتبت بواسطة stop ana eltop عادى من دا كتير بس محدش بيحاول يركز كتير مغيبين عقولهم وبيمشوا ورا الاعلام الفاسد وبس والوحشيه الى وصفوا بيها الاخوان مش موجوده زى مابيدعوا بس الحق سيظهر والباطل سينزوى وربنا يحمى مصر واهلها وينصر الحق

بعد كل اللى حصل واللى بيحصل ما عتقدش ان المسألة مسألة مغيبين ، هم

يعرفون أين الحقيقة ولكن الكره يعمي القلوب ..


وتخيلى ان فى سوريا وبعد كل اللى عمله بشار الأسد ..... فى ناس كتير لسه

بتصدق الإعلام السورى وبتقول على الجيش الحر مجموعات ارهابية !!!


كما ذكرت لك الكراهية وإنعدام الإيمان بهذه الآية ( ولا يجرمنكم شنآن قوم على

ألا تعدلوا اعدلوا هو أقرب للتقوى )

إن هؤلاء لا يعبدون الله .. فإذا كانوا يكرهون الإخوان أو المجاهدين فى سوريا فكل

شئ مباح لإسقاطهم سواء كان زورا أو ظلما أو بهتان ، لا يهم المهم أن نهزمهم !!


( أفرأيت من اتخذ إلهه هواه وأضله الله على علم وختم على سمعه وقلبه وجعل

على بصره غشاوة فمن يهديه من بعد الله أفلا تذكرون )

[احمد يحي]

اقتباس المشاركة الأصلية كتبت بواسطة توحد ارواح الامور اصبحت مختلطه ومفيش حد عارف فين الحقيقه وامبارح عندنا ف الجامعه كانت ماسى والله انا زهقت ربنا ع الظالم والمفترى ايا كان ومسير الحق هيبان ويظهر يوما ما شكرا ع الطرح

رفقاً بنفسك ( :

من الممكن ان يختلط جزء من الأمور فلا تدرى أين الحق وأين الباطل ...

لكن لا يمكن أن يتشابه مجمل الحق مع مجمل الباطل فالحق بين والباطل بين
..... أفنجعل المسلمين كالمجرمين


شرفنى مرورك الطيب

مع تمنياتى لك بكل خير

[احمد يحي]

السايس الذى اتهم خمسة من الاخوان بضربه وقطع إصبعه ظلما .....

ثم يأتى بعد ذلك أمام المحكمة ويشهد بالحقيقة أن هؤلاء الخمسة هم من

أنقذوه ،وكانوا ينقلوه الى المستشفى وأن الضابط الذى يحقق معه هو من أجبره

على الشهادة ضدهم ، ليصبح البرئ متهما والإخوان قتلة ويعذبون الناس فى

رابعة وينتشر الإفك فى الإعلام الفاسد !!


المواطن بعد اعترافه بالحقيقة :

اليوم السابع | بطل قصة التعذيب وبتر الإصبع برابعة يبرئ المتهمين