ألى يبتدى كبير حيفضل كبير والصغير حيفضل صغير

[ساحر الأحزان]

بسم الله الرحمن الرحيم

ألى يبتدى كبير حيفضل كبير ,,

وألى حيبتدى صغير حيفضل صغير .

مقولة متداولة الأطراف ودى معناها أية ؟

يعنى أنا لو حابب أبتدى حياتى وأعمل مشروع حيفضل صغير مهما كافحت ومهما

أجتهدت فية برضة مش حقدر أحقق طموحى ؟

وأكبر مشروعى ؟

وهل لو أخدت قرض من البنك على شان أعمل مشروع كبير حكبر بسرعة

ومشروعى حيكبر ولا حلاقى الفشل قدامى؟

ولا أروح أستلف وأخد على نفسى شيكات وكمبايلات لأصحاب النقود؟

حكاية القرض هى للشباب ألى حالهم على قدمهم وأهلهم أناس بسطاء ,

ومن محدودى الدخل.

ولا أسيب دة كلة ,وأبحث عن فرصة عمل خارج الوطن قد تصيب وقد تخيب ؟

تساؤلات يطرحها الشباب فى رحلة البحث عن تحقيق الذات .مع قلة الوظائف

وأنعدام الوظائف الحكومية وأزدياد أعداد الخرجين فى كل عام بأعداد تصل ألى

ألاف الشباب ويبقى مجال العمل الحر هو الوسيلة لتحقيق الذات وتحقيق

الطموح المنشود.



وفى نهاية موضوعى أضع مقولة العنوان

ألى حيبتدى كبير حيفضل كبير والصغير حيفضل صغير؟

هل هى مقولة حقيقية ؟

أم مجرد كلام يطلق فقط؟

تحياتى للجميع

[™Amiliya]

هي كلمة عقيمة جدا

ومحبطة لاي حد يهبدا في سوق العمل مشروع جديد

كل مشروع يبدا من الصفر وبيكبر حسب اهتمامك بيه وانجازاتك المستمرة فيه وتطويرو ودراسة الجدوى بتاعته

هي الي تحدد نقاط تطورو المستمرة ومفيس مشروع حتى لو صغير بيبدا كبير

كبير يعني هتحط ع نفسك التزامات كتير ممكن جدا يفشل المشروع وتحبط ومتقدرش تسدد وتدخل في معمعة

كتير انت في غنى عنها

لكن المشروع الصحيح هو الي بياخد وقته وبالتدريج في الصعود وعدم الياس

موضوع مهم امجد

تسلم عليه

[-esraa-]

الجملة دي اللي بيمشي عليها إنسان حابب انه يفضل دايما في الصفر
الأمل ووضع الاهداف نصب عينيك هتخليك تحقق اللي بتقول عليه مستحيل
اليابان اللي الكل بيتكلم عن صناعاتها وتقدمها الكبير كانت بادية من الصفر بعد ما الدولة حطمت في الحرب العالمية التانية ^^
واهم بقوا من احسن الدول تقدماََ وده اكبر دليل ^^

موضوع شيق تسلم

[Stop Ana Eltop]

بالعكس الى بيبتدى كبير بيقع بسرعه ومابيبقاش مقدر هو فى ايه لانه متعبش عشان يوصل للمكانه دى
انما الى بيبتدى صغير وبيراعى ربنا ف شغله بيكبر وحده وحده وبيبقى لشغله ونجاحه مذاق تانى
هو ابتدى صغير وطلع السلم واحده واحده وعشان كدا مابيبقاش عنده استعداد يقع وبيحافظ على الى وصله جدا
انا من رائ انه الى بيبتدى كبير بيقع بسرعه والى بيبتدى صغير بيكبر مش شرط بسرعه بس المهم بيكبر
تسلم على طرحك الراقى

[همسه دموع]

والله ساحر اللى ربنا كتبه هنشوفه واللى هو عوزه هيكون
فى ناس بيحصل معهم كده لو ابتدى صغير بيفضل صغير وفى ناس بتكبر وتنجح عشن عندهم طموح وامل فى بكره وايمان من ربنا

وفى ناس بتبدى كبيره وهتقع عشن الطمع والغباء وفى منهم بينجح اكتر
موضوع السفر كتير سافرو ورجعو عملو مشاريع كبيره
وفى اللى سافى ورجع فى تبوت وكل الللى لقه تربه ودفن جسمه فيها وموت اهله معه من القهر والوجع
اقولك حاجه
ربنا اللى كتبه هنشوفه بس يكون عندنا امل وطموح ونبعد عن الطمع والغباء

[العاشق الذى لم يتب]

شوف ياصحبى
ساعات بعض الناس بتؤمن البنظرية دى
ولكن عاوز افكرك
ربك سبحانه وتعالى
قسم الارزاق من بدرى
يعى اللى كاتب له هيكون غنى كبير هيكون
وخد باقى الدرجات على على هذا النوح
كمان الفقردرجات
انت بس قو ل ياباسط
تلاقيها هاصت
وتسلم مديرنا امجد
مودتى

[فيروزه]

لا طبعا دا مجرد كلام بيتقال .. وغالبا بيبتقال للناس الي مابتعملش حاجه وراضيه بنفس الحال والمستوي والناس الي حواليها بتكبر ..بس مش اكتر والناس تداولتها
الواحد لازم يبتدئ صغير علشان يكبر وحده وحده انا بتكلم ع مجال المشاريع مثلا
علشان يحس بطعم الانجاز
دا حتي الكبير لما بيبتدئ كبير .. مصيره يكبر ماهو مش هيفضل بنفس المستوي

[عاشقة ذكر الله]

اللى بيبتدى صغير هيكبر فى يوم
أما اللى بيبتدى ككبير هيجيله يوم و يسقط و يتحول لصغير تانى
لازم تبدأ من الصفر و تعرف معنى التعب فى تحقيق الهدف علشان النجاح ،،

[‎Mя_kaSpEr]

ألى حيبتدى كبير حيفضل كبير والصغير حيفضل صغير؟

هى مقوله تم تدوالها من زمان زى ابن الباشا هيطلع باشا وهكذا لظروف التى كانت تمر بالبلد فى ذلك الوقت وهيا من المعتقدات الخاطئه التى كان يقولها اناس فى القدم
لاننا الان نجد من نجح بابسط الاشياء
وسوف اذكر قصه كنت قرائتها من فترة
شخص بسيط ذهب للعمل فى احد الشركات كعامل نظافه
وفى المقابله صاحب العمل ساله هل تملك بريد الكترونى فاجاب بالنفى وكان هذا سبب رفض صاحب العمل توظيفه لانه لايملك بريد الكترونى
وبالتالى لايملك جهاز كمبيوتر اذن ليس موجود هكذا نظر اليه صاحب العمل
خرج الرجل من المكتب وكان مستاءا جدا
وفى طريقه الى بيته وجد بائع فرواله فوقف امامه وبحث فى جيبوبه ووجد 10 دولارت هى كل مايملك فاشترى بها كلها فرواله
وبدأ يمشى فى الشوارع لبيعها
فى النهايه وجد معه 20 دولار
فبدأ فى تكرار الامر مرات عديدة
وبعد خمس سنوات اصبح يملك اكبر مخازن للمواد الغذائيه

وهذا مثال واضح اننا نملك القدرة وان المقوله غير صحيحه بالمرة
فاطلق لنفسك العنان وحقق املك ونجاحك بنفسك
سوف تنجح وتفشل
وهكذا هى الحياة وخبرات الحياة
تقبل ودى واحترامى

[ساحر الأحزان]

اقتباس المشاركة الأصلية كتبت بواسطة رائحة القهوة هي كلمة عقيمة جدا ومحبطة لاي حد يهبدا في سوق العمل مشروع جديد كل مشروع يبدا من الصفر وبيكبر حسب اهتمامك بيه وانجازاتك المستمرة فيه وتطويرو ودراسة الجدوى بتاعته هي الي تحدد نقاط تطورو المستمرة ومفيس مشروع حتى لو صغير بيبدا كبير كبير يعني هتحط ع نفسك التزامات كتير ممكن جدا يفشل المشروع وتحبط ومتقدرش تسدد وتدخل في معمعة كتير انت في غنى عنها لكن المشروع الصحيح هو الي بياخد وقته وبالتدريج في الصعود وعدم الياس موضوع مهم امجد تسلم عليه

بشكرك ايمى

اهم حاجة وهى الطموح وهو بيبتدى

وكمان عدم اليأس

اسعدنى جميل مرورك