حكـــآيــه بنـــت

[Şα3Đ..♥]

انا هحكيلكو حكايه بنت ماشيه بتنطط من الفرحه لابسه جزمه لونها بينك وجيبه وبلوزه وطرحه انا قلبي اتنطط وفرحت لما لقيتها بنت مرحه عماله تفرح ف الكل ولو تزعل هي مش فارقه بس اتسمرت ووقفت لما لقيت دموعها نازله واتدارت بعيد وف صمت ومسحت دموعها ف لحظه شايفين ازاي هي بتضحك وبتعلٍّي ف ضحكتها الصوت ولا عمرنا شفناها انكسرت ولا ميت مره ف اليوم بتموت ولا مثلا ف دموع تفضحها ولا جه مره حد جرحها ولا لبست اسود علي روحها ولا سكر شايها مش مظبوط وبتنام عادي ولا بتسهر ولا بتبات ولا بتفكر ولا يوم قلبها اتحسر ع اللي بيسيبها و بيفوت انا فاكر يوم شوفتها مره واقفه لوحدها ف البلكونه وكان يوم برق ورعد ومطره شوفتها اتقلبت مجنونه حسيت انها زي الطفله وهتنزل تلعب ف الطينه ولما شافتني واخدت بالها اتدارت ورا شيش شباكها قال ايه يعني انا مش هعرفها ولا هعرف انها حزينه اهي حاولت تداري بكسوفها وفكت شعرها المربوط ي خساره اللحظات الحلوه بتمر بسرعه وبتموت شوفتوا ازاي هي حزينه صعبانه عليا المسكينه دي بتقسم يومها بسكينه وبتخبي النص المخبوط وبتتباهي بالنص التاني وبترسم فيه آمال واماني مع انها يا ناس بتعاني وحابسه الحزن جوه سكوت ازاي بتقولوا دي كئيبه والفرح عليها مش لايق والضحكه ف وشها عيبه وبتفرحوا ليه لما بتضايق دي الضحكه اللي ف وشها طيبه حتي لو كانت لدقايق دي برغم هزارها وضحكتها والرسمه اللي علي شفايفها والنور اللي ف سكتها في ضلمه محدش بيشوفها دي محدش حاسس بحالتها بتداري من الحزن ف خوفها ف نصيحه مني حاوطوها ومتسيبوهاش وابقوا زوروها ومتحسسوهاش انها مكروهه مع ان مفيش اجمل من روحها

[ويبقى الأثر]

الله عليك ياسعد
وعلى رقى معنى حروفك العاميه هنا
رائع وأكثر
سلمت وسلم نبضك اخى
تقييمى ونجومى

[♥..pure]

دي شبهي :d
حلوه آوي أوي يـ سعد
تسلم آيدك وخيآلك بجد ,,
دوام التألق ::
تقييمي

[™Amiliya]

جميلة فعلا ياسعد

يدوم الابداع

[Eng Esraa]

جميــلة اوي ...
تســـلمـ ايدكـــ

[~ NoDa~]

اللــه عليـك
جميللة جميلة ^^
وعجبتني اوي دي
" دي بتقسم يومها بسكينه
وبتخبي النص المخبوط "
احسن حآجة فيك .. انك بتنمي موآهبك علطول
الشعر دآ من احسن الاشعآر ال قريتهآلك
تحية كبيرة بقآ
5 نجمآت صفرآت حلوآت :d
ابقا جرب تكتب باللغة العربية

[Şα3Đ..♥]

اقتباس المشاركة الأصلية كتبت بواسطة قيثارة الصمت الله عليك ياسعد وعلى رقى معنى حروفك العاميه هنا رائع وأكثر سلمت وسلم نبضك اخى تقييمى ونجومى

تسلميلي يارب
ديما متابعاتك دي حافز ليا
وببقي مستني رايك ف كل مره بكتب حاجه
تسلمي يارب

[Şα3Đ..♥]

اقتباس المشاركة الأصلية كتبت بواسطة ♥..pure دي شبهي :d حلوه آوي أوي يـ سعد تسلم آيدك وخيآلك بجد ,, دوام التألق :: تقييمي

منوووره يا دوكتور
اللي احلي من الكلام
هو نورك اللي هل ع الموضوع
اي والله
وتسلمي علي كل حرف هنا
نورتي

[فتحى عيسى]

أحييك أخي الرائع علي هذا
الإيقاع المتميز برنتة الصابحة
بفكرتة الندية ولغتة الشقية الشجية
رائع أخي بل أكثر بكثير
مودتي وإحترامي

[جبل عالي]

رائعة بحق واكثر من رائعة

السلاسة والكلام السهل الممتنع

قمة فى الروعة والإحساس

تحيتي وتقديري لك